Sam 12:3 - Nobonob Baibel

³ Yawe, na heppe, ag oo eeɗaknu ittag nai anak hetteb amu, ag amu uuglagnu oɗ medattem. Na heppe, ag dada nau haknu mattiak uuglagnu unuqidttem.

Sam 12:3 ပူးပေါင်းရင်းမြစ်များ

Job 32:22

Aɗinu? Da hambuppuitta, oo eeɗaknu ittag nai mattilom amu, Kayak, Nug da heiɗom, Nug paha heeb, da nauhkkul.” Elihu nug anam ⌊danab nukka daya, nukka nukka ele nai maditte bia⌋ mattiom.

Sam 140:12

Amge imunu amu da doottem. Yawe Nug daɗek danab ah ehanatteb, hettoɗiak abenppa epeɗiak danab ag nai doya mala hettoɗia epeɗia elele mettak kobol dim lamidnana, ahilag nai bappaidkkulag. Ao, Nug laa ag keekenu tutu mak ele, ag hettoɗiakppa daappeg, Nug ag ehanadkku.

Sam 17:10

Kekeɗ dahilad ag oo gai-iitta doya oo metta ehanittak kobol iinab hetteb. Ag akka ag oɗelagppa ag beɗuppa tak nau nai madittem.

Sam 55:22

⌊Na aun,⌋ na nahip uug Yawe medappe, Nug na atognoidkku. Nug am genab tutukku hak danab uuatteb, nena ii qemana.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

Prowerb 18:21

Na aɗi nai madittem, amuppa na meu aottem. Na amuppa bau daakkut, o mauhkkut. O iitta, laa nai amuppa bau daakku, o mauhkku; danab ag nai dabmettanna maditteb, ag amuppa nob ena aoglag.

Prowerb 26:24

Danab nug laa guittak medakkunu hette amu, nug aɗi nai maditte, amuppa nug am danab ena dooglagnu hekkutai; amge nug ooppa, nug hambuppua, kobol nau hekkunu maittak aotte.

Aisaia 10:10

Wan imuppan wan laala da hei nauheg, tappalatti noppig ele amu, amu dilag kayak hambuppuak dottolkad kuɗum daappig, amge ahilkad kayak hambuppuak ag ag ii ehanadppig; da ag eɗadmi. Ahilkad kayak hambuppuak dottolkad amuam Jerusalem, Samaria ele dilag kayak dottolkad eɗadppig, amge da ag oh eɗadmi.

Aisaia 59:4

Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

Jeremaia 12:6

Na ele tiig laippu, awanad, amapad, appinamad aɗi, ag ele na dimettan, eheɗ heidkkulag. Ag laa na eheɗ heidkkulagnu hekkulag amu, ag ag oolagppa daanna, ag ele anamib hekkulag amunu, ag nahipnu deɗ laala ena mattiglag dayeb amu, na ahilagnu ootppa genab aib doome.

Jeremaia 9:8

Danab nug lat doɗo e, doɗ keeke qe nauhtte, amubia ag lemaɗulagppa hambuppuak nai mattinna, laa heeg nauhtteb. Ao, Juda danab ah oh ag oɗelagppa ag mudippan lailkad amelagppa maɗoɗ nai maditteb, amge danab doɗ aokkunu pelem mette, oolagppa ag amubia ag lailkad eheɗ hattaglagnu dabmetteb.

Esekiel 28:2

“Danab bekka, na Tair dilag king amegppa, ‘Naɗi Yawe Nug inam atte,’ ana, na nai imu ele appe doyaɗ! ‘Na ootppa dada kobol henan, na, “Da am kayak laa, da kayak laanu sia enanagppa yu gamagppa iikku daattem,” mattin attem. Amge na am danabib, na kayak laa iitta. Na doyak dabmak ena nahipnu am kayak laanu bia daatte dabmettem, amge iitta!

Esekiel 28:9

Anam amunu, haen nahipad kekeɗ ag uɗin nittaglagnu hebeppeg amu, na haen amuppa ele, ‘Da am kayak laa,’ akkut-te? Iitta! Haen ag eheɗ heidkkulagnu hebeppeg, na kayak iitta, na danabib daakkut.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Daniel 7:25

King amu nug Kayak Attannab Laa Oh Eɗattaknu nai nau anana, nug Kayaknu danab ah oppiaawak ele uug nau madatta, nug heeb, ɗo laala Kayak meum, keeke laala ele Kayak meum daatte baolikkunu hekku. Nug anam heebeb, Kayak Nug ib oo ii nekku amunu, king amu nug Kayaknu danab ah oppiaawak ele maɗ ewam maha ele eɗadkku.

Daniel 7:8

Da neekki ukke, qeqeɗi amu anatten, qeqeɗi amunu dabmein daaiyi, qeqeɗi nakok laa ele qeqeɗi laa oolagppa aakku beum. Baaba, qeqeɗi ewam laa duttunatte, bena gona ii daappig. Qeqeɗi dim beum amu, nug am ameg ele, ameg amuam danab ameg bia. Nug ele oɗe ele, amu nug nukka nug oɗeppa binag mak nai okkainab mattiom.

Malakai 3:13

Yawe atte. “Ag nai nau mattin yaaiɗtteb,” awa atte. Nug anam atte, amge ag Nug amegppa atteb. “Ig aɗi nai nau mattit yaaidttem?” aon atteb.

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.

Revelesen 13:5

Kayak Nug nuhig oo ii neum amunu, doɗ dakkuɗ nug dada nai mattiaya, nug Kayaknu dabittak nai ele mattiom. Nug ele gumak uɗat kalam 42 hekkunu elele dayom.

1 Samuel 2:3

Na dada danab dilag nai tuɗidna, aib mattime. Ao, na hib guitta qak nai mattiak uue! Aɗinu? Yawe, Nug Kayak genab, Nug keeke oh dootte. Ao, Nug danab dilag hak epeɗidtte.