Sam 12:2 - Nobonob Baibel

² Am danab ah oh ag lailkad mudippan ele ag nug bubuittak hetteb. Ao, ag nug amegppa mattiak hetteb, amge ag oo eeɗaknu ittag nai maditteb.

Sam 12:2 ပူးပေါင်းရင်းမြစ်များ

1 Stori 12:33

Seblon buɗubppanu am 50,000. Danab amu ag ban haknu sul aon malappig. Ag lat, lat doɗo ele, o ban, o daɗib, o aɗi bannu keeke oh aɗan ban hekkulagnu dooppig. Ag meulag ohppa Dawit, nuhigib dabmena oo metta ii uuak kobol dim lamidppig.

Sam 10:7

Nau hak danab ag laa dilagnu eheɗ laa awaknu anak waappa dayaknu nai anana, ag laa hambuppualadna, amu laa ag nau hak danab atteb bia ii heppeg amu, geha ag guittak mattaglagnu atteb. Ao, ahilag mattiakppa ag heeg, danab ah laa uug aoegeg, kobol nau ele betteb.

Sam 144:11

Na ehaniɗppe, da padal mepanu oɗ medattem. Ao, na ehaniɗppe, da kekeɗ eppelagppa ii daapanu unuqidttem. Ag tuɗid ele nai hambubutteb. Ao, ag eppelag humana, ag nai tutukku akkulag atteb, amge ag hambubutteb.

Sam 144:8

Dahil kekeɗ ag nai hambuppuak tuɗid ele maditteb. Ao, ag eppelag humana, ag nai tutukku mattiglagnu atteb, amge ag hambubutteb.

Sam 28:3

Na da am nau hak danab ele oh bu mekkamnanu oɗ medattem. Ao, na da danab ah eheɗ hetteb ele laippu bu mekkamnanu unuqidttem. Ag am lailkad mudippan laippu ele nai ena maditteb, amge ag, ag ele nai mattinna amu, ag aɗi eheɗ ahilagppa hekkulagnu oo maittak aotteb.

Sam 38:12

Kekeɗ dahil ag danab laa nug pelem doɗ aɗeb qekkunu mette amubia, ag dahilppa anam bia hekkulagnu hetteb. Ao, danab ag da guittak meɗaglagnu hetteb amu, ag mattiak hena, ag eheɗ nau heiɗkkulagnu maidtteb. Ag deɗ oh amun tuqan ele amu hambuppuak nai maditteb.

Sam 41:6

Haen ag oolagppan laippu laa da aniɗkkunu uɗitte amu, nug hambuppua, nai ena maditte, amge nug oo unuqagppa, nug dahilnu da onil nauhkkunu nai nau anaknu dabmette. Ge, nug aha gotte, da dimulppa nug laa oh amelagppa eheɗ dabmeumnu amelagppa maditte.

Sam 5:9

Aɗinu? Kekeɗ dahil ag nai genab mattiglagnu elele iitta. Ao, ag oolag unuqagppa laa hadappeg nauhkkulagnuib oolag ahak daatte. Mattiak ahilag am uɗig wak nau, mauhak moɗ ooppan bia. Ge, ag nai maditteb, amge nai amuam nai hambuppuak.

Sam 55:21

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!

Sam 59:12

Dahil kekeɗ ag dada hena, ag nai nau atteb. Yo, ag oɗelagppa ag laa ag eheɗ laa awaknu anak waappa daaglagnu ana, ag hambubutteb. Anam amunu, nai nau ag atteb, amu dada hak kobol ahilag ele, keeke aɗit amuam ahilag pelem bia dayebeb, na heppe, ag amuppa nena qekkulagnu oɗ medattem.

Sam 62:4

Da am king amunu, ag heppeg, da nein qein, king ii daapanu hetteb. Ag nai hambuppuak mattiglagnu enanagnab dootteb. Ag da iɗul anidna amu, ag nai ena meɗatteb, amge ag mattiak henana, ag da eheɗ laa awaknu anak waappa daakkulnu ag oolag unuqagppa atteb. Sila.

Prowerb 20:19

Laa dimug nai maditte amu, nug nai ii mattimanu daatte ele aakku maditte; amunu danab aun nug nai ge iitta maditte ele, nuhignu awaidna daye!

Prowerb 20:6

Danab kuɗumnab ag lailkad dilagnu, “Da ahilagnu oo mauhaknab doottem,” aon atteb; amge auntai laa nug oo metta ii uuak kobol genab dim lamidtte?

Prowerb 29:5

Aun nug mudippan laippu oo eeɗaknu ittag nai maditte; nug nukka nuhignu pelem mette.

Jeremaia 7:28

Anam amunu, na ag amelagppa inam appe doyeg! ‘Juda danab ah, ag Yawe, ahilag Kayak, ag Nug oɗe ii dim lamittegeg uɗie, gemu ele ii dim lamidtteb. Nug ag daulag bate, ag daug batak amu ii dabmeppig, ii dim lamidppig. Ag oolagppa doyak diig genabib ii daatte. Ao, ag oɗelagppa doyak diig genabibppanu nai laa ii bette.’ ” Yawe Nug da amelppa anam aum.

Jeremaia 9:8

Danab nug lat doɗo e, doɗ keeke qe nauhtte, amubia ag lemaɗulagppa hambuppuak nai mattinna, laa heeg nauhtteb. Ao, Juda danab ah oh ag oɗelagppa ag mudippan lailkad amelagppa maɗoɗ nai maditteb, amge danab doɗ aokkunu pelem mette, oolagppa ag amubia ag lailkad eheɗ hattaglagnu dabmetteb.

Esekiel 12:24

Aɗinu? Da heppi, nai oh meu ob amu, Israel danab laa nug keeke hambuppuak, da tuleglegppa keeke amu ii ippunidmi amu, nug, ‘Da tuleglegppa amu anidmi,’ ii ama. O danab laa nug laa ag nuhignu oo eeɗaknu ittag nai madippig amunu, nug ‘Uuppe, da dahil eman kobolppa keeke oh enaib daakkunu doomi,’ Israel danab ah amelagppa ii ama.

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Rom 16:18

Danab amu ag ihinig Naɗi Kristus waappa daan nuhig uɗat ii hetteb. Iitta. Ag am beɗulagnu dabmak nau amuib dim lamidtteb. Amu oo eeɗaknu nai ittag ele, ag amuppa danab ag kobol atten am ena, kobol atten am nau ii dootteb ele amu, ag buppualadtteb.

1 Tesalonaika 2:5

Ag dootteb, ig haen laippu laa oo eeɗaknu ittag nai laa ii mattimut. Ig uɗat hettem ele amu ig hetata, ahilag keeke lokkumta aognignu laa ele ii hemut. Kayak Nug anigtte ele amu, Nug ele amu madikkun elele.

Jems 1:8

Iitta. Dabmak nuhig amu laippu iitta. Nug kobol oh hette ele amu, nug ib laippu ii dim lamidtte.