Sam 113:6 - Nobonob Baibel

⁶ Yawe Nug anam daye, danab elabnab nug keeke wanppa daatte anidkkunu gomela, neekke ukke anidtte, Yawe Nug anam bia ha, Nug neekke, hab waappan keeke, wanppan keeke ele anidtte.

Sam 113:6 ပူးပေါင်းရင်းမြစ်များ

Job 15:15

Kayak Nug nuhikkud laa nuhignu tituanak daatteb ele dilagnu, ag eheɗ laa ii hemananu ooppa genab ii dootte dayeb; nuhig neekkakppa hab ele oppiak ii daatte dayeb amu,

Job 28:24

Aɗinu? Nug wanppan keeke oh neekke uɗie anidtte. Ao, Nug aɗi keeke hab waappa daatte anidtte.

Job 4:18

Kayak Nug nuhikkud maɗi nid, amuam nuhikkud engel amu, Nug ag amelagppa, “Ag eheɗ laa aib heppig,” atte, amge Nug ag genabnab genab amu hekkulagnu ooppa genab ii dootte dayeb, ge, Nug nuhikkud engel ag eheɗ hettebnu naippa yaaladtte dayeb amu,

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Sam 138:6

Yawenu binag amahalak oppiaawak ele am okkainab amunu, Nug attannab daatte me, nug danab ah ag akka onilag qeeg nette ele, Nug amu dilag dabmette. Nug amu dilag dabmette, amge Nug dada danab ah umanabnu doyadtte; ag lokkumkkulagnu elele iitta.

Sam 33:14

Yo, Yawe Nug nuhig sia kingppanu neekke ne, danab ah oh wanppa daatteb anadtte.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 6:2

Nug anam dayeye, engel-serep ag hippaidna, Nug talilidna daappig. Am engel-serep oh anen anen ag haulag eblaih laippu ele. Am ag oh haulag aɗit laa amuppa iɗulag hautona, haulag aɗit laappa ag beɗulag hautona, haulag aɗit laa, amuppa ag hagagaɗtteb.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.