Sam 113:5 - Nobonob Baibel

⁵ Yawe, Nug am ihinig Kayak, laa Nug bia laal ii daatte. Nug hab aabppa sia king nuhigppa daatte.

Sam 113:5 ပူးပေါင်းရင်းမြစ်များ

Sam 103:19

Yawe Nug he, nuhig sia king am hab aabppa daatte. Nug appa dayaya, Nug keeke oh gumadtte.

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Sam 35:10

Yawe, da na binan meul ohppa ele hume akkul, “Yawe, auntai na bia laal iitta. Na danab ag ɠagattag iitta ele ehanatte, ag danab ɠagattag ele amu, ag ag eppelagppa ii daatteb. Ao, na he, laa ag daɗek danab, danab ah keekenu tutu mak ele, ag amu dilag keeke yab aoglagnu hetteb amu, na he, ag amu hekkulagnu elele iitta daatteb. Daɗek amu ag laa eppelagppa ii daatteb.”

Sam 89:6

Aɗinu? Auntai laa hab ohppan nug Yawe ele melemel laippu ele daakkunu am laal iitta. Ao, auntai laa nug ag hab attan daatteb oolagppanu, nug Yawe bia iitta.

Sam 89:7

Danab ah Kayaknu oppiaawak ele daatteb, ag laippu qagmena amu, ag Kayaknu ebehilag oh bodoetta le mak dootteb. Laanu iitta. Ao, laa Kayak talilidna daatteb ele amu, danab nug ag anatteb, nug ebehi oh bodoetta le mekku, amge laa nug Kayak antteb, nug ebehi oh bodoetta le ma auta autanab aokku.

Sam 89:8

O Yawe Kayak Nakka Ɠagattag Oh Ele, auntai na bia laa iitta! O Yawe, na ɠagattagnab ele. Na oo metta ii uuak kobolnu diig daattem.

Sam 89:9

O Yawe, naib na yuppan duban okkai okkai gumadttem. Yo, yu duban qak okkai okkai hette amu, na he uutteb.

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Aisaia 16:5

Danab amu nug geha iitta meeb, dimppa Kayak heeb, danab laa nug danab ah laa dilagnu oo mauhaknab kobol tutukku dim lamittatta, nug oo metta ii uuak kobol ele dim lamitta haaha, nug king daakku. Nug am Dawit buɗub laa. Nug hettoɗiakppa nai doya mala hettoɗia epeɗia elele mettak kobol dim lamittatta, nuhig oiyakppa ele hanhan kobol genab tutukku ele, amuppaib oikku.

Aisaia 40:18

Kayaknu neekkakppa wan atu oh anam daatteb amunu, ag danab laa anidna, “Kayak Nug danab amubia daatte,” akkulagnu elelete? Iitta! O ag keeke laan dottog anidna, “Kayak Nug amubia daatte,” akkulagnu elelete? Iitta!

Aisaia 40:25

Kayak Oppiaawak Ele, Nug oɗ madatte. “Ag auntai laa anidna, ‘Kayak Nug danab amubia daatte,’ akkulag? Aun nug da bia daatte? ⌊Amu oh iitta. Laa da bia laa iinab daatte,⌋” awa atte.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Jeremaia 10:6

O Yawe, laa nug na bia laa iitta. Na onin ɠagattag ele daattem. Na ebehinnab ele daattem.

Duteronomi 33:26

Moses nug anam awowa nug tuɗitta aum. “Auntai laa Israel dilag Kayak bia iitta. Nug ag ehanadkkunu habppa oitte. Yo, Nug ag ehanadkkunu, Nug lombig attan nuhig sia kingppa dayaya, oitte.