Sam 112:9 - Nobonob Baibel

⁹ Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

Sam 112:9 ပူးပေါင်းရင်းမြစ်များ

Sam 111:3

Aɗi keeke Nug hette ele amu, keeke amuam binag amahlak oppiaawak ele, am keeke ɠagattag onig okkai ele. Nuhig genab tutukku hak kobol am hanhan alet daatte.

Sam 112:3

Danab nug Yawenu ebehi oh bodoetta le mette ele, nug laugppa en, keeke ena ena ele daatteb. Ao, anam amu, nuhig genab tutukku hak kobol am hanhan alet daatte.

Sam 75:10

Kayak atte. “Da nau hak danab dilag ɠagattag aɗadkkul, amge da danab ag genab tutukku hetteb, da ahilag ɠagattag tuɗidkkul.”

Sam 92:10

Na, da ɠagattagnab, makau okkai ebehi ele dakkuɗ bia heiɗme. Yo, na da itiɗna human qeme.

Sam 92:11

O Yawe, na da ehaniɗe, dahil kekeɗ ag nena qeeg, amelppa anidmi. Ao, Yawe, na ehaniɗe, dahil kekeɗ, ag nau hak danab amu, ag oolnana, eegeg doomi.

Prowerb 14:24

Danab doyak dabmak ena ele, doyak dabmak ena ele amuam ahilag en, amu ahilag en amu, am ahilkad igippan haɗ bia daatte; amge danab ag Kayak dab-ii-mettan ii dim lamidtteb ele ag Kayak dab-ii-maama hak henana, ag kobol amuib tuɗidna hetteb.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Prowerb 21:26

Danab bahi iittanab nug hanhan keeke baubaunu oo huana hette; amge genab tutukku hak danab ag oo qak iittappa laa keeke madatteb.

Eklisiastis 11:6

Na nahip uɗat attem meu okku amu, na ii doottem; uɗat laa imu meu okkutai, o uɗat laa umu am meu okkutai, o aɗit oh meu okkulahtai, na ii doottem, amunu na buttua ahan, ee keeke eppan; tueb ele na uɗat henan daye!

Eklisiastis 3:6

Danab keeke anidkkulagnu mattiglagnu haen daatte; danab mattiak uɗat uuna, baula ii mattimnanu haen ele daatte. Danab keeke qagmena aɗaglagnu haen daatte; danab keeke kinipan abenppa buɗippeg gokkunu haen ele daatte.

Aisaia 32:8

Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.

Aisaia 58:10

ag laa enug aqadtte ele ee mattaglag dayeb, ag laa ag ɠagattag iitta daaeg, laa ag eheɗ hadatteb ehanadkkulag dayeb amu, Yawe Nug heeb, ag danab nug gatatuppa padal mekkunu oiyeye, laa amahlak mette, ena oitte, ag amubia ena daaglag. Ao, Nug heeb, ag danab nug gatatuppa padal mekkunu oiyeye, laa he, amahlak okkainab, amun bia be, ena oitte, amubia ag ena daaglag.

Aisaia 58:7

Amu ele, ag danab ag ee iitta, enug daatteb amu, ag ee mattanna, laa lag keeke iitta, qati qati oitteb amu, ag amuppa daaglagnu aben matteg! Amu haen ag laa nug lamen iitta dayeb anidna, ag nug lamen metteg! Ag lailkadnab dilagnu aib daulag atiom! Ag keekenu tutu meppeg amu ehanadna matteg!” Yawe Nug anam atte.

Matyu 6:4

Na anam heppe amu, nahip oo doyak uɗat lokkumakppa dayebeb, na Mamen, Nug keeke lokkumak oh anidtte, Nug nob ena eɗua medakku.

Mak 14:7

Daɗek danab ag oolagppa hanhan daaglag amunu, ag ehanadkkulagnu oolag dayeb, ag ehanadkkulag. Amge da ag ele haen oh ii daamta.

Luk 11:41

amunu, ag danab daɗek ehanadppeg, ii nauhppeg, ag oolag oppiaawak ele daakku.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Luk 16:9

Jesus Nug anam ana, Nug baula aum. “Amunu da ag amelagppa attem. Ag wan imunu enub, men doɗo, ag amuppa ehanittak heig! Am dimppa men doɗo iitta meeb, aria ag lailkad ag ag ele laippu dayaknu oolagppa eleleib doon omaladppeg, ag hanhan dayaknu laulagppa gona daaglag.

Luk 18:22

Nug anam a, Jesus Nug nai amu doya, amegppa aum. “Keeke laippu amuppaib na elele iitta. Na gona, na enun oh meppe, danab laala ag daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona, na eɗun dona, da dim lamiɗe!” awa aum.

Jon 13:29

Laala ag Judas men doɗo kunup gumttom amunu, “Jesus Nug Pasowa Hobulnu keeke awaknutai atte” o iitta, “Daɗek danab dilag keeke daden ma mattaknutai atte” aon appig.

Aposel 20:35

Da Naɗi Jesusnu nai laa dabmeinne, da ehanittak kobol amuppa amu, da ag danab ah, keeke iitta, hamu daatteb, ig ag ehanadkkunignu daattem amu, da kobol amuppa ag ehanadkkulagnu ib ippunadmi. Jesusnu nai amuam inam. ‘Danab nug danab laa keeke metta, itittak ena aotte, itittak amuam danab nug keeke awa, itittak ena aotte, itittak amu eɗidtte.’ ”

Aposel 4:35

totol danab 12 mattaegeg, ag otin, danab laala elele iitta daaegeg madappig.

Rom 12:13

Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

Duteronomi 15:11

Wan ag aoglag amu, amuppa haen oh laa ag oolagppa am daɗek daaglag. Diig amunu da haknunab anak nai ag Israel laala, ag daɗek daatteb amu ag ehanadkkulagnu attem.

Duteronomi 15:14

Na nug keeke hamu, noob eɗua awaknu iitta naɗi medakkut. Na nug sipsip, meeme, amu ee aeg, wain ele medakkut. Yawe, nahip Kayak, Nug ititta, keeke mettom amu, na amuppanu itidna, keeke mette!

Duteronomi 24:13

Nahipad mudippan laippu nug lamen amuppa niikkude amunu, na lamen amu uu-ii-doobob, eɗun medakkut. Na amu hekkut dayeb, na laipad mudippan laa amu nug amunu, “Ena heme,” awa akku, amu Yawe, ahilag Kayak, Nug danab anam hette ele, Nug nuhig hak amunu genab tutukku hak kobol dookku.

1 Timoti 6:18

Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Revelesen 22:11

Anam amu, laa nug kobol eheɗ hette amu, nug tuɗid eheɗ hekku; laa nug danab nau, uɗig wak ele amu, nug tuɗid danab nau, uɗig wak ele daakku. Laa nug tutukku hette amu, nug tuɗid tutukku hekku; laa nug Kayaknu oppiaawak ele daatte amu, nug tuɗid Kayaknu oppiaawak ele daakku,” awa aum.

1 Samuel 2:1

Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.