Sam 112:5 - Nobonob Baibel

⁵ Danab nug keeke nuhig laa madakkunu oo ii qe ehanadtte, nug men doɗo nuhig awa, lon ha laa madatte, nug aɗi keeke hette ele amu, nug nai doya mala, hettoɗia epeɗia, elele mettak kobol dabmaama hette ele amu, nuhignu am ena.

Sam 112:5 ပူးပေါင်းရင်းမြစ်များ

Nehemaia 4:13

Anam amunu, da danab ag baelkadppa anen anenppanu maatti, ag ban, qep elab, lat ele aɗan, ag aben laala aɗ heeg attan ii teumppa, kekeɗ ag aben amuppa aɗ letan, aab ooppa nokkulagnu ib ena daatte, ag appa daappig.

Sam 37:21

Nau hak danab ag, ag lon aona, nob eɗun ii metteb, amge genab tutukku hak danab ag keeke mettaknu oolag qak iitta dim lamidnana, ag laa madatteb.

Prowerb 12:2

Yawe Nug danab ena dilagnu oo ena dootte; amge danab lokkumakppa kobol kobol hekkulagnu doon autna aotteb ele amu, Nug ag naippa maadtte.

Prowerb 17:18

Danab nug epeɗia ha dabmak ena awak kobol ii dootte ele, nug mudippan laa lon aotte, nug layag elele iitta daakku dayeb, nug lon amu eɗua daden mekkunu, nug genab haknu maditte. Ge, nug layag lon aotte ele, nug layag elele iitta daakku dayeb, nug layagnu lon daden mekkunu nuhig nai ɠagattag qeta maditte.

Prowerb 18:9

Am laa nug nuhig uɗat mauhnoak, pehettak ii hette amu; nug am laa, nug keeke he nauhtte, nug nid amu amag bia aakku daatte.

Prowerb 2:20

Anam amunu, na doyak dabmak ena ele aɗan oina, na danab ena dilag ippulagppa oiye! Ao, genab tutukku hak danab ibppa oitteb, na ib amuppaib oina daye!

Prowerb 24:27

Na lag hak ii digmak daanna, tatam na nahip dad hena, ee eppe!

Luk 23:50

Aria danab laa, onig Josep, nug Juda dilag aab onig Arimateanu, nug amu danab ena tutukku, nug Juda dilag hettoɗiak okkai onig Sanhidren, amunu nug laa aakku, amge nug hettoɗiak danab laalanu dabmak, ahilag kobol ele Jesusnu heppig amu, nug uuom. Nug Kayaknu ɗo maɗoɗ ameg ma dayom.

Luk 6:35

Amge ag kekeɗ ahilkadnu ag oolag mauhaɗ! Amu ele ag ahilagppa kobol ena heig! Danab ag ahilagnu lon aoglagnu appeg amu matteg! Mattona, dimppa ag ahilagppa keeke amu eɗun aoglagnu aib dabmeppig. Ag anam heppeg amu, nob ena ahilag am okkai daakku. Ag Kayak Attannab Laa Oh Eɗattak, ag Nug bekkod daaglag. Aɗinu? Nug nuhig oo doyakppa danab laala, ag danab nau, danab nuhignu dab-ii-metteb ele, ag akka ahilagib dabmetteb ele, Nug amu dilag ele keeke ena madatte.

Jon 6:12

Haen danab ag oh oolag dittia male, Jesus Nug nuhikkud ippunittak awak danab amelagppa aum. “Ee big niitte amu oh qagmeig! Ig huppu nakok laa ii kakidmata,” awa aum.

Aposel 11:24

Barnabas nug danab ena, Kayak Ouɗi nug ooppa ambak daye, nuhig ooppa genab doyak am ele ɠagattag amunu nug danab ah ehanattette, danab ah kuɗumnab ag Naɗinu oolagppa genab dooppig.

Rom 12:11

Amu ag aib bahilag yom. Iitta! Ag Kayak Ouɗinu ehanittakppa yagbak doon, Naɗinu uɗat pehettak hekkulagnu ag oolag metteg!

Rom 5:7

Amu danab laippu laa nug genab tutukku hak danab ehanitta, nuhignu mauhkku amu iitta bia, amge deɗ laippu laippu danab laa nug oo ɠagattag qetta, danab ena laa ehanitta, nuhignu mauhkkutai,

Epesus 5:15

Amunu ag oiyak ahilag dabmettan autna aona, danab oolagppa doyak dabmak ena ele daanna oiyeg! Ag danab oolagppa, ag danab doyak dabmak ena iitta ele aib daappig, amubia aib oippig.

Pilipai 1:9

Amu da ahilag oo mauhak kobol am okkai meebeb, amu ahilag doyak, ahilag diignu doyak tutukku ele aa ele okkai mepeɗ daaglagnu Kayak unuqidttem.

Kolosi 4:5

Danab ag Nai Enanu oolagppa genab ii dootteb ele, ag Kolosi danab ag danab amu oolagppa oinna, ag akka ahilag oiyaknu dabmena autna aonna, ag uɗat ena hekkulagnu laa dayeb anidna, ag aib uuppig. Ag haen aguppanab heig!