Sam 112:4 - Nobonob Baibel

⁴ Haen genab tutukku hak danab ag gatatuppa daatteb amu, amahlak ahilagppa amahaltte. Yo, kobol amuam oo bodoette enanag maɗoɗ ele hak danab, oo bodoetta le mak danab, amu genab tutukku hak danab ele, ahilagppa bette.

Sam 112:4 ပူးပေါင်းရင်းမြစ်များ

Job 11:17

Na anam hekkut dayeb, na enanag doon daan oikkut. Ao, nahip bau dayak am gatatu ele ii daama. Iitta. Amahlak enappa daakku.

Job 22:28

Na aɗi keeke hekkutnu dabmak aon malakkut amu, Nug heeb, am anam bekku; na ippunppa amahlak okkai daakku.

Job 29:3

Haen amuppa Kayaknu amahlak da honaɗilom. Ao, nuhig amahlak gatatuppa amahalele, da amuppa oimi.

Sam 106:1

Ag Yawe binag meig! Ao, ag Nug amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

Sam 116:5

Yawe Nug oo bodoette enanag maɗoɗ ele hak kobol dim lamidtte. Nug am keeke genab tutukkuib hette. Ihinig Kayak, Nug haen oh ihinignu oo bodoetta le mette.

Sam 145:17

Yawe Nug keeke oh hette amu, Nug genab tutukkuib hette. Ao, Nug aɗi keeke hette ele amu, Nug oo bodoette enanag maɗoɗ ele kobolppa hette.

Sam 37:6

Aam amahlak enanag be, danab ah anidtteb, amubia Nug geha heeb, laa oh ag nahipnu, nug am genab tutukku hak danab anidkkulag. Yo, aam anig amahlak okkainab daye, danab ah anidtteb, amubia Nug heeb, danab ah ag na, na am nai doya mala hettoɗia epeɗia elele mettak kobol dim lamidna hettem dooglag.

Sam 97:11

Nug he, amahlak am genab tutukku hak danab ah dilagppa amahaltte. Nug he, ag maɗoɗppan gamag ahak aotteb.

Prowerb 21:21

Aun laa nug genab tutukku hak kobol, oo mauhaknab kobol ele dim lamidtte; nug bau dayak, keekenu elelenab dayak, aria binag okkai ele aɗalatta oitte.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Aisaia 58:10

ag laa enug aqadtte ele ee mattaglag dayeb, ag laa ag ɠagattag iitta daaeg, laa ag eheɗ hadatteb ehanadkkulag dayeb amu, Yawe Nug heeb, ag danab nug gatatuppa padal mekkunu oiyeye, laa amahlak mette, ena oitte, ag amubia ena daaglag. Ao, Nug heeb, ag danab nug gatatuppa padal mekkunu oiyeye, laa he, amahlak okkainab, amun bia be, ena oitte, amubia ag ena daaglag.

Aisaia 58:8

Amu ag anam heppeg amu, amahlak ahilagppa pahanab buttua amahlak uɗitte bia uɗikku. Yawe Nug heeb, ag paha eɗun ena daaglag. Amu ele, Yawe Nug ahilag genab tutukku hak kobolnu diig daatte, Nug geha ag noolag awa, anuqa ugakka, atognoadkku. Yo, Yawe Nug binag amahlak oppiaawak ele, Nug ag dim lamattatta, atognoadkku.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Luk 6:36

Amunu ag Mamelag, Nug danab dilagnu oo gai-iitta doya oo metta ehanadtte, amubia ag laa dilagnu oolag gai-iitta doon oolag mattan ehanatteg!” awa aum.

Jon 12:46

Amu laa nug dahilnu ooppa genab dootte, nug gatatuppa daamanu da amahlak awen, wan imuppa uɗimi.

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Epesus 5:15

Amunu ag oiyak ahilag dabmettan autna aona, danab oolagppa doyak dabmak ena ele daanna oiyeg! Ag danab oolagppa, ag danab doyak dabmak ena iitta ele aib daappig, amubia aib oippig.

1 Jon 2:29

Ag Kristus Nug genab tutukku hak danab daatte dootteb amunu, ag imu ele doyeg! Danab ag genab tutukku hak kobolppa oitteb amu, ag aakku Kayak bekka daatte.

1 Jon 3:10

Anam amunu, ig kobol imuppa aun nug am Kayak Bekka, aun nug am Kayak Bekka iitta, nug Satan bekka daatte, amu ele doottem. Am inam. Aun nug kobol tutukkuppa ii oitte amu, nug Kayak Bekka iitta. Am laa nug layagnu oo ii mauhtte, nug ele Kayaknu iitta.

1 Jon 3:7

O nid naunau dahilad, laa ag buppualadmananu ag dabmeig! Aun nug kobol tutukkuppa oitte, nug Kristus genab tutukku hak danab daatte, nug amubia aakku genab tutukku hak danab daatte.