Sam 110:3 - Nobonob Baibel

³ Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Sam 110:3 ပူးပေါင်းရင်းမြစ်များ

1 Stori 16:29

Yawe onig am binag amahlak oppiaawak ele, ag amu doyeg! Ao, ag doɗ laa manan mettaglagnu aon, Nug noobppa uɗieg! Ag Yawenu oppiaawak ele daan, ag Nug noobppa dup nona Nug binag meig!

Nehemaia 11:2

Danab ah oh ag adeppa adeppa daaglagnu ib amuppa bappaidppig, amge danab laippu laippu ag akka ahan, om ena yee ippunittak iittappa mattin, “Uuppeg, ig aakku Jerusalem daagnig,” appig. Ag anam appig amunu, danab ah laa ag amu binalag madappig.

Sam 29:2

Yawe onig am binag amahlak oppiaawak ele; ag amu doyeg! Ag Yawenu oppiaawak ele daan, ag Nug noobppa dup nona Nug binag meig!

Sam 96:9

Ag Yawenu oppiaawak ele daan, ag Nug noobppa dup nona Nug binag meig! Ao, ag wanppan danab ah oh, ag Nug noobppa daappeg, beɗulag hahaɗaɗ!

Esekiel 43:12

Amu Kayaknu mettid lagnu ɗo am inam daatte. Kayaknu mettid lagnu aben am qauko igippa daatte, amu qauko ikki amu oh am dahilnu, tituanaknab dayad! Amuam Kayaknu mettid lag abennu ɗo aakku.” Yawe Nug anam aum.

Maika 5:6

Ig otiadpput, danab okkai amu ag Asiria wan qep elabppa heppeg nauha auta aokku. Ao, ag Nimrot appag diig, am Asiria, ag ahilag qep elab ag eppelagppa daappeg, wan amu heppeg nauha auta aokku. Laa Nug ig Israel gumigkku, Nug danab okkai eblaih ewam ele amu eppelagppa heeb, ig Asiria eppelagppa ii daamta. Aɗinu? Asiria ag ig Israel eɗigkkulagnu uɗiglag. Ao, ag ihinig wan tom ooppa laippu tappa ukkakppa uɗiglag.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aposel 19:20

Anam heppig amunu, Naɗinu nai tuala uma ugakka, danab ah oolagppa uɗat ɠagattag heum.

Aposel 2:33

Nug hab aabppa teum, Kayak eppeg naɗiap-ppa daatte. Mameg Kayak Nug nuhig Ouɗi, anukka medakkunu nai qakka aum bia amu, Nug mettom. Mette, Jesus Nug ig ele iikku gemu Kayak Ouɗi mekkom amunu, ag keeke imu gemu anidna dootteb.

Aposel 2:41

Am danab ag Pita nai mattiom, ag amu genab doonna, ahilag ebqak am 3,000 keeke, amu ag layattak aoppig. Aona, ag Jesusnu oolagppa genab dooppig ele, ag amu oolagppa ukkaeg, oh laippu daanna,

Aposel 21:20

Pol nug kaya amu mattie doona, ag Kayak binag mewona, ag Pol amegppa appig. “O lainig, na doottem, Juda tausen kuɗumnab ag Jesusnu oolagppa genab doon, Kristen beppig, amge Kristen amu oh ag ɗo ihinig ele dim lamidkkulagnu wagai huana metteb.

Aposel 4:4

Ag anam heppig, amge danab ah kuɗum, aa nai madipiɗ ele amu, ag nai amu doona, ag oolagppa genab dooppig. Amu haen amuppa, oh ag oolagppa genab dooppig ele amu, ag oolagppanu danabib ebqak am 5,000 anam.

2 Korint 13:4

Genab, anukka Nug danab beɗu, danab beɗu gai-iitta daatte, amubia Nug beɗu am ɠagattag iitta, Nug danab beɗu awa daye amu, ag Nug ad emaitakppa atulppig, amge Kayaknu ɠagattagppa gemu Nug bau daatte. Amu ig ele danab beɗunig ele daattem amunu, ig ele ɠagattag iitta, amge Kayaknu ɠagattagppa ig Nug ele bau daattem amunu, geha ig nuhig ɠagattagppa ag oolagppa uɗat hepput, ag ehanittak aoglag.

2 Korint 8:12

Danab nug layag ehanitta, keeke medatte, nug ele kobol amunu oo huan daatte dayeb, Kayak kobol amunu elele ena dootte. Kayak Nug danab nug nuhig keeke aɗi aɗi ele, amu ohnu aakku dabmaama, danab amunu kobol amu hettoɗidtte. Danab nug keeke nakokib amge nug laa ehanadkkunu nuhig keekeppanu nakok madatte amu, Kayak noobppa am danab keeke kuɗum ele am nug laa ehanadkkunu nuhig keekeppanu keeke kuɗum madatte bia daatte.

2 Korint 8:16

Aria, da am Kayak amegppa, “Ena heme,” attem. Aɗinu? Nug Taitus ehanitte, nuhig dabmak, dahil bia, laippu awa, nug ele ag ehanadkkunu oo huan daatte.

Epesus 1:4

Kayak Nug wan ii beum haenppa Nug ihinignu oo mauhe, Nug ig Kristusnu uɗat okkaippa ig nuhikkud danab ah oppiaawak ele daagnignu, ig danab ah oonigppa kaliak laa iitta ele daagnignu tituanikkom.

Pilipai 2:13

Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.

1 Tesalonaika 4:7

Aɗinu? Kayak Nug ig dubuttid ele oignignu ig oninigppa ii eum. Iitta. Dubuttid iitta, oppiaawak oignignu eum.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Revelesen 7:9

Imu oh dimppa da baula neekke, danab ah kuɗum kuɗumnab qagmena daaegeg anadmi. Aun laa nug danab ah amu oh ebaqakkunu elele? Iitta! Elele iitta! Danab ah amu ag wanppan wan ohppanu, huu ohppanu, beɗulag iɗu iɗu ohppanu amu nai ohppanu ele, ag Sipsip Nag amu Kayak, Nug sia king ⌊anuqak,⌋ appa daatte ele, ag aa noolahppa hippaidna daappig. Ag lamen elab hakkab takkaladna, ad pam ebekkud eppelagppa aɗualadna daappig.

Ikki Danab 5:2

“Yawe binag meig! Israel dilag ikki danab ag danab ah ahilkad omaladna, ag ban hekkulagnu noolag aon goppig. Danab ag gamag ahak naɗi doonna, dim lamadna banppa goppig!

Ikki Danab 5:9

Da Israel dilag ikki danab dilagnu amu, da ahilagnu enanag doottem. Ao, da aun aɗi ag ena hena, ikki danab amu dim lamadtteb amu, da ahilagnu enanag doottem. Hepput, Yawe binag attan dayaɗ!