Sam 11:6 - Nobonob Baibel

⁶ Am kalu laa huana eotte onig salpa ewawa, ad ewatte nauhtteb, amu ulah gakkaɗak iwala, ad bau he qaɗaiedatteb, amubia Yawe Nug geha nau hak danab bu madakku.

Sam 11:6 ပူးပေါင်းရင်းမြစ်များ

Genesis 19:24

Lot nug Soar te, aam be, Yawe Nug he, kalu laa huana eotte onig salpa habppanu ewawa Sodom, Gomora ele qaɗelahppa neum.

Genesis 43:34

Ag anam daaegeg amu, Josep nug awakkud oh anen anen ee nuhig balalppanu tappiɗ laippu ag noolagppa paniom, amge Benyamin nug nuhig tappiɗ tanig ele noobppa meum. Nug anam heum amunu, ag ee, le ele aon elelenab lappig.

Job 18:10

Pelem muɗippa hak am nau hak danab aokkunu ibppa lokkumak daatte. Ge, pelem ibppa lokkumak daatte.

Job 18:15

Nug mauhe, oɗenu gawat ag nug laugppa daatteb. Ao, nug mauhe, laa ag oɗenu gawat daamanu elele bappaidna, ag nug laugppa daatteb.

Job 20:23

Nug elelenab, danab ee okkainab la, oo dittia auta autanab aotte, nug amubia dayebeb, Kayak nuhignu oo nauha autanab aweb, bu eheɗ medakku; Kayak Nug danab amu huana okku.

Sam 105:32

Gu nakbia, Nug ais doɗo me neum. Amemɗi wan ohppa amemɗiom.

Sam 16:5

O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem. Na hee, da ɠagattag daattem.

Sam 18:13

Yawe Nug hab attannu nai mattie, baag oqotti am hakkaɗ oqotti okkai bia neum. Ao, Kayak Attannab Laa Oh Eɗattak baag am ɠagattagnab ele.

Sam 32:10

Uug digdig geha nau hak danab dilagppa bekku, amge Yawe Nug danab ah ag nuhignu oolagppa genab dootteb ele, Nug ahilagnu oo mauhaknab dootte.

Sam 75:8

Aria, amu anaknu diig laa am, Yawe Nug danab ah dilag nai doya mala hettoɗiatta epeɗiatta elele madatte amu, amuam kap Nug eppegppa aɗatte bia. Amu kap amuppa wain ɠagattag, keeke laala ele kaboliak daatte. Anam amu, Nug wain gokkaɗa heeb, nau hak danab ah oh ag lakkulagoitte. Ag biɗa naunau oh am lakkulagoitte.

Aisaia 51:17

Juda danab ah, ag ahan dayeg! Ag aheg! Ag eheɗ heeg, Yawe oppoɗi be, bu mattom. Amu ahilag bu Nug eppegppanu amu, bu amuam wain nau kap-ppa daatte, amubia daye, ag wain amu aakku lana malappig. Ao, wain nau amu, wain amuam danab he nauhtte ele amu, ag amu ohnab lana malappig.

Aisaia 51:22

Naɗi Yawe, ahilag Kayak, Nug hettoɗiakppa ahilag ehanittak daatte amu, Nug atte. “Antteg! Da kap laa, wain kap amuppa daatte, wain amu he, danab nauhtte ele amu, da kap amu ag eppelagppanu eɗue aomi. Ag eheɗ heeg, da oppoɗil be, bu mattami, amu bu mattak amuam wain nau kap-ppa daatte bia, amge ag baula wain amu ii lamana. Am malak.

Jeremaia 13:25

Anamib ahilagppa ana bekku. Da amu bekkunu aakku ain malami. Ag dahilnu daulag atie, ag kayak hambuppuak dilag oolagppa genab dootteb

Esekiel 13:13

Anam amunu, Naɗi Yawe Nug inam atte. “Da oppoɗil huan beum daye, da heppi, ulah huana uɗiebeb, da oo nauhak doye heppi, ais doɗo hab waappanu neebeb, gu ele huanak neebeb, Israel dilag hak aakku nauha autanab aokku.

Esekiel 38:22

Da bu, amuam oɗe nau danab kuɗum aqe mauhtteb, amu danab qe mauhak kobol ele, da bu anam madappi, ahilagppa bekku. Da heppi, gu eheɗ, ais, amu kalu laa huana eotte onig salpa, amuam ewebeb, nug, nuhikkud daup, am wanppan wan laala ag nug ehanidtteb ele dilagppa nekku.

Habakuk 2:16

Amge ⌊Babilon dilag okkai⌋ na, nahip-ppa anam bekku. Danab ah ag nahipnu nau dooglag. Ag binag ii memana. Iitta! Na uɗa nak dookkut. Gemu am nahip haen! Na le ɠagattag lappe, kaaka nitteb, lamen uɗona, na uɗan naɗ! Wain amu kap Yawe eppeg naɗiap-ppa daatte, am nahip-ppa aakku uɗitte, amu na amu lawona, na uɗa nak nau guittak ele doon, binan nakok laa ii daama.

Luk 17:29

Amge Lot nug Sodom uua ukkom, deɗ amuppa amu aab aɗu gakkaɗaknab, kalu huana eotte onig salpa hab attannu ele gu bia na, danab ah ewatte padal meppig.

Jon 18:11

Anam he amu Jesus Pita amegppa aum. “Na nahip qep elab eɗun abenppa me! Attemu? Le mua kap-ppa daatte, Mame meɗom ele amu, da iite lapa?” awa aum.

1 Samuel 1:4

Am Elkana nug haen oh anam heum amunu, maɗ anen anen nug anam haaha, doɗ mana, Kayak medakkunu maɗ anen anenppa deɗ amu uɗie, nug deɗ amuppa nug nuhig teppu maha ⌊mana mettak danab eppegppanu awa, nug teppu amu⌋ awa ukka tuqe, maha kuɗum ne, nug paniom. Nug wau Penina, nuhikkud nid ele maha laippu anen anen madattom,

1 Samuel 9:23

Aria, Samuel nug amu ha mala, nug ee babaittak danab amegppa aum. “Da teppu maha laa, na piɗe meppe daakkunu, da na amenppa ami amu, na teppu amu aon do!” awa aum.