Sam 11:5 - Nobonob Baibel

⁵ Yawe Nug genab tutukku hak danab, nau hak danab ele oh epeɗiadtte. Ao, Nug laa ag lailkad guittak nau mauhnoak mattaknu oolag hette ele, Nug ahilagnu nau ninig ele dootte.

Sam 11:5 ပူးပေါင်းရင်းမြစ်များ

Genesis 22:1

Dimppa Kayak Nug Abraham ma anttak mettom. Nug Abraham onigppa e amu, Abraham nug oɗeppa awa aum. “Da ina, aɗitai appe dookkul,” awa aum.

Sam 10:3

Aɗinu? Nau hak danab ag eheɗ henana, en kuɗum aoglagnu dabmenana, ag amu haknu ag akka binalag metteb. Ao, ag danab baubau awaknu hik qak kobol dim lamidtteb binalag mena, ag Yawe Nug eheɗ laa awaknu anak waappa daakkunu anan, dimedatteb.

Sam 139:1

O Yawe, na da diil neegna anidna malan, dahilppa keeke oh amu doome.

Sam 17:3

Na dahil dabmak attemu amu anidna malame. Ao, na da ool attemu daatte amu, tuqanppa na anidna malame. Na da pehettananab aniɗna doottem, da eheɗ laa ii hein oimi. Da nai mattiak dahilppa eheɗ laa ii hein oimi.

Sam 21:8

⌊O Yawe,⌋ na geha nahip kekeɗ aɗualadkkut. Ao, na eppen naɗiap ɠagattag am geha, laa ag nahipnu nau ninig ele dootteb amu aɗualadkku.

Sam 26:2

O Yawe, na da hettoɗilna, ma anttak ele meɗakkutnu oɗ medattem. Ao, na da ool unuqagppa, dahil dabmakppa ele aɗi aɗi daatte, amuam elelete o iittate anidkkutnu unuqidttem.

Sam 5:6

Geha na danab ag hambuppuak nai maditteb ele hadappe nauhkkulag. Ao, na Yawe, na laa ag laa makkuɗadtteb, ag laa hambubutteb ele, na amu dilagnu ootppa uuaknab doottem.

Sam 7:9

O Kayak, na genab tutukku hak kobolib dim lamidttem, na danab ah dilag dabmak unuqagnab daatte, na amu neegna anidttem. O Kayak, na heppe, nau hak danab, ag laa guittak nau mauhnoak madatteb, ag amu uuglagnu, na laa oh ag na oɗen dootteb ele, na ag ehanadkkutnu oɗ medattem.

Jeremaia 12:8

Dahilad danab ah ag laion atuppa oitte bia bena daan, dahilnu kekeɗ dootteb. Laion kekeɗ antta, eheɗ gaatte, ag amubia dahilnu hetteb amunu, da ag uuadkkul.

Jeremaia 20:12

O Yawe Nakka Ɠagattag Oh Ele, na danab ah ag tutukkute, o iittate, na amu epeɗiadnana, na ag oolag, amu dabmak ahilag oh ele doottem. Na anam aakku henana daattem amunu, da eheɗ haknu nob tutukku mattaknu uɗat amu na eppenppa mettem. Uɗat amu na eppenppa mettem amunu, danab ag da eheɗ heiɗkkulagnu hetteb amu, na eheɗ hak ahilag, na amunu nob tutukku madakkutnu oɗ medattem.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Malakai 3:3

Laa nug silwa babaitta epeɗia awak uɗat hette, Nug amubia hekku. Ao, Nug heeb, laa ag gol, silwa ele babaitta epeɗia awak uɗat hetteb, amubia Nug heeb, Lewi buɗub ag oppiak ele daaglag. Nug anam heeb, ag genab tutukku hak danab Yawe eppegppa daan, ag doɗ manadna Yawe mettaglag.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

1 Pita 4:12

O lailad, uug doyak kobol aab ewak bia ahilagppa betteb amu, amuppa ag aib ottaina, “Kobol laanab iikku betteb,” aon appig.