Sam 11:4 - Nobonob Baibel

⁴ Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Sam 11:4 ပူးပေါင်းရင်းမြစ်များ

1 Stori 17:5

Da ag Israel Isip wanppanu omalatti beeg, uɗie uɗie, gemu batak amu, da lagnab laappa ii daami. Israel danab ah ag adeppa adeppa haen tutu dayaknu aab kalanna, ag adeppa adeppa daaglagnu daappig amu, da mettid haknu peh lag dahil amuppa daami.

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

Job 24:23

Kayak Nug paɗatteb, hipunin danab ag, “Ig baɗak iittappa inamib daagnig,” akkulagtai; amge Kayak Nug ahilag hak neekkidtte.

Sam 103:19

Yawe Nug he, nuhig sia king am hab aabppa daatte. Nug appa dayaya, Nug keeke oh gumadtte.

Sam 113:5

Yawe, Nug am ihinig Kayak, laa Nug bia laal ii daatte. Nug hab aabppa sia king nuhigppa daatte.

Sam 139:23

O Kayak, na da oolppa neegna, aɗi oolppa daatte anidkkutnu ool daatte. Ao, na dahil dabmakppa neegna, aɗi appa daatte amu anidkkutnu ool hette.

Sam 14:2

Yawe Nug hab attan dayaya, danab ah oh neekkadtte. Ao, Nug neekkattatta, laippu laa nug diignu doyak tutukku elete, o iittate anidkkunu neegtte. Ge, Nug laippu laa nug Kayak antta dim lamidkkunu madittatta anidkkunu neegtte.

Sam 18:6

Amge da uug nau amuppa dayeye, da Yawe onigppa emi. Ao, da Kayak dahil ehaniɗkkunu unuqidmi. Da nug unuqitti, Nug nuhig mettid lagppa dayaya doya, da ehaniɗom. Ge, Nug dahil unuqittak doya ehaniɗom.

Sam 2:4

Ag anam hetteb amge Naɗi, Nug hab attan daatteppa appa sia kingppa dayaya, Nug ahilag dabmak amu antta, Nug ag imadtte. Ao, Nug ag dabmettebnu huan imatte.

Sam 33:13

Yawe Nug hab attannu neekke ne, wanppa danab ah oh anadtte.

Sam 66:7

Nug keeke oh hanhannu nuhig ɠagattagppa gumadtte. Ao, Nug wan atu oh danab ah neekkadtte. Anam amu, danab auntai laa ag Nug waappa daamnanu dabmak aon, nuhig nai tabappeg aib neum! Sila.

Sam 9:11

Yawe, Nug danab ag laa makkuɗadtteb ele, Nug ag eheɗ heppignu nob tutukku madatte amu, Nug kobol nau ag hetteb ele, Nug amu daug ii atitte. Ao, Nug laa ag gai-iitta daan, laa waalagppa eheɗ daan, Nug ehanadkkunu gaatteb amu, Nug ag ii guhuɗadtte amunu, ag Yawe, Nug Sion dayaya, danab ah gumadtte ele amu, ag nuhignu, Nug binag maknu ahi laa etteg! Ao, ag Nug keeke heumnu wanppan wan ohnu danab ah oh appeg doyeg!

Prowerb 15:3

Yawe Nug keeke oh anidtte; Nug nau hak danab, ena hak danabnu ele neekka auta aotte.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Maika 1:2

Naɗi Yawe, Nug ⌊Israel⌋ ag eheɗ heppignu ab dooglagnu, Naɗi Nug nuhig mettid lag nuhignu tituanak daatte, Nug appanu ⌊Israel ag eheɗ heppig⌋ ab ag dooglagnu, ag danab ah wan ohppa daatteb, ag doyeg! Ao, ag danab ah ag laih laih ohppa daatteb amu, ag oh daulag humeg!

Habakuk 2:20

Kayak hambuppuak ag anam daatteb, amge Yawe Nug nuhig mettid lag nuhignu tituanak daatte, Nug appa daatte. Wan atu ohppan danab ah ag Nug noobppa toettan dayeg!

Sekaraia 2:13

O danab ah oh ag Yawe noobppa toettan daan, bakkum dayeg! Aɗinu? Nug hab aab, amuam aab oppiaawak ele, Nug appanu uɗitte.

Matyu 23:21

Am laa nug mettid lag onigppa nuhig nai ɠagattag qedatte amu, nug mettid lag amu Kayak, Nug aguppa daatte, nug Nug onigppa ele nuhig nai ɠagattag qedatte.

Matyu 5:34

amge da ag amelagppa attem. Na keeke laa hekkutnu anana, na nai nahip amu keeke laa onigppa ɠagattag aib qettame. Iittanab. Na hab onig aon, nahip nai aib ɠagattag qettame. Aɗinu? Amuam Kayaknu aben.

Aposel 7:49

‘Naɗi Nug inam atte. Sia king dahil am hab aabppa dayeye, wan am da bael maknu balal nakok daatte. Anam daatte amunu, ag lag attemnab laa dahil heppeg daakkul? Ag aben laa da aguppa hik awe daakkulnu hekkulagnu elelete? Iitta.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Revelesen 4:2

Anam a, pahanab Kayak Ouɗi dahilppa ambe, da sia king ⌊anuqak⌋ hab aabppa dayom, laa Nug amuppa dayeye ele anidmi.