Sam 109:3 - Nobonob Baibel

³ Ag da taliliɗna daanna, ag dahilnu nau ninig ele doon, ag nai nau atteb. Ag diig laa iitta, ag da hamu niɗaglagnu banel uɗitteb.

Sam 109:3 ပူးပေါင်းရင်းမြစ်များ

2 Samuel 15:12

Amu ag oh Hebron daanna, Apsalom nug mana mettak hattatta, nug Gilo ted laa Ahitopel, nug appag diig Gilonu aha, Hebron uɗia ehanidkkunu nai me ukke uɗiom. Ahitopel nug nuhig aab ikki am Gilon. Nug Dawitnu dabmak mettak danab laa dayom, ⌊amge nug matu lokkuma Dawit dimetta, Apsalom dim lamittom⌋. Apsalom nug anam heehe, danab baubau ag Apsalom nug mameg King Dawit lamitta, king aben awa, king daakkunu dabmak aoegeg ukke, kuɗum ag uɗin, Apsalom dim lamidppig.

Sam 17:11

Ag da bael mattan uɗin, gemu ag taliliɗna daatteb. Ao, ag da buɗilppeg wanppa nokkulnu dabmenan daatteb.

Sam 22:12

Dahil kekeɗ ag da makau dawai kuɗum danab talilidna daatteb bia heppig daatteb. Yo, ag wan onig Basannu makau dawai ban paha paha hetteb danab talilidna daatteb bia taliliɗppig daatteb.

Sam 35:19

O Yawe, dahilad kekeɗ dilagppa da eheɗ laa ii hemi, amge ag da eɗilkkulagnu hetteb. Anam amun na uuadppe, ag anam hemananu unuqidttem. Ao, danab ag dahilnu diig iittappa nau ninig ele dootteb, ag heppeg, da nein qekkulnu hetteb. Anam amu, na uuadppe, ag heppeg da nein qepanu oɗ medattem.

Sam 35:20

Aɗinu? Ag nai mattiak ahilagppa maɗoɗ bekkunu ii maditteb. Iitta! Ag hambuppuak nai, danab ah laa ag maɗoɗ ele wanppa daatteb, ag ahilagnu maditteb.

Sam 35:7

Da ahilagppa eheɗ laa ii hemi, amge ag pelem laa dahil meppig. Yo, da ahilagppa eheɗ laa ii hemi, amge ag moɗ laa, da amuppa nokkulnu buuppig amunu,

Sam 69:4

Danab ah kuɗum, ahilag ebqak amu da ikkil uɗug ikkilppanu eɗittak daatteb, ag oolagppa dahilnu diig iittappa nau ninig ele dootteb. Genab, da eheɗ heminu ag atteb ele amu, da ii hemi, amge kekeɗ dahilad ag hambuppuna, da eheɗ heminu atteb. Ag ɠagattag daana, da iuppeg mauhkkulnu hetteb. Da ahilag keeke laa yab ii aomi, amge ag da yab aomi anana, duttuniɗna, da keeke amu yab aolom bia nob mekkulnu hetteb.

Sam 88:17

Nahip bu mettak am le ui danab laa talilitte daatte, amubia deɗ oh amun, tuqan ele dahilppa daatte. Ao, le ui danab laa tona auta autanab aotte bia nahip bu am da awiɗa, auta autanab awe daattem.

Hosea 11:12

Israel danab ah ag hanhan buppuiɗtteb. Ge, Israel danab ah ag hanhan nai genab iitta da amelppa maditteb. Amge Juda danab ah ag Yawe ele ɠagattag daatteb. Ao, ag tuɗidna, oo metta ii uuak kobol dim lamidna, Kayak Oppiaawak Ele oɗe dim lamidtteb.

1 Samuel 26:18

Dawit nug anam awowa, nug tuɗitta aum. “Na am naɗi dahil, da am maɗi nid nahip, amu da na tutukku appe dookkulnu oɗ medattem. Na diig aɗinu da aɗailkkutnu lamiɗttem? Da eheɗ aɗi laa hein, da ɗo aakku tippalmi?