Sam 108:4 - Nobonob Baibel

⁴ Da amu hekkulnu diig am inam. Keeke laa elabnab habppa tak daakku dayeb amu, keeke amuam keeke okkainab, amge nahip oo mauhaknab kobol am keeke amu eɗidtte. Ao, keeke laa ikki ta, hab yaakku dayeb amu, keeke amuam keeke okkainab, amge oo metta ii uuak kobol nahip am amu eɗidtte.

Sam 108:4 ပူးပေါင်းရင်းမြစ်များ

2 Samuel 22:50

O Yawe, na anam hettem amunu, da na onin danab ah oh oolagppa humakkul. Ao, da na onin humakkulnu ahi edakkul.

Sam 103:11

Aɗinu? Nug danab ag nuhignu ebehilag oh bodoetta le mette ele, Nug amu dilagnu oo mauhaknab dootte. Oo mauhaknab kobol nuhig am okkai; am lomppanu wanppa noak, okkainab amubia daatte.

Sam 113:4

Yawe Nug wanppan wan anen anen ohppan danab ah eɗadtte. Keeke hab attan tette amu, keeke amuam keeke okkai, amge Yawenu binag amahlak oppiaawak ele, amuam amu eɗittak daatte.

Sam 36:5

O Yawe, nahip oo mauhaknab kobol am naɗinab. Keeke laa attannab lomppa tette ele, am amu eɗittak, naɗinab daatte. Ao, oo metta ii uuak kobol nahip am naɗinab. Amuam keeke laa ta, lombig ooppanab gotte, am amubia daatte.

Sam 85:10

⌊Qinob, Kayak Nug heeb,⌋ oo mauhaknab kobol, amu oo metta ii uuak kobol ele aa ouqak miagib daaglah. Ge, genab tutukku hak kobol, amu maɗoɗ kobol ele am tamaniya daaglah.

Sam 89:2

Aɗinu? Nahip oo mauhaknab kobol am ɠagattagnab hanhan daatte. Ao, nahip oo metta ii uuak kobol, amuam hab ɠagattag daatte, ɠagattag anambia daatte.

Sam 89:5

O Yawe, hab daup ag kobol danab hekkunu elele iitta, na hettem amu, ag amunu na binan metteb. Ao, laa ag nahipnu, oppiaawak ele daatteb, ag nahip oo metta ii uuak kobolnu binan metteb.

Aisaia 55:9

Laa amu, hab wan eɗitta, attannab daatte, amubia dahil hak am hak ahilag eɗidtte; dahil dabmak ele ahilag dabmak anam eɗidtte.