Sam 106:3 - Nobonob Baibel

³ Danab ag nai doya mala hettoɗia epeɗia elele mettak kobol dim lamidtteb ele, ag itittak ena aoppig daatteb. Ao, laa ag hanhan genab tutukku hak kobol ele dim lamitteb amu, ag itittak ena aoppig daatteb.

Sam 106:3 ပူးပေါင်းရင်းမြစ်များ

Sam 119:106

Da nahip ɗo, ag genab tutukkuib amu, da ɗo amu dim lamidkkulnu nai ɠagattag qetten ami. Da amu ain, da amuib hekkulnu baula ɠagattag ami.

Sam 119:112

Da nahip ɗo meul ohppa, hanhan alet ele dim lamidppi ukkeb, gog tak haenppa batakkulnu dabmak awe, ɠagattag aɗattem.

Sam 119:20

Da hanhan nahip ɗo dookkulnu ool huana heehe, oolppa amunu guittak bia doottem.

Sam 119:44

Da nahip ɗo dim lamittetteib dayeye, hanhan anamib hekkul.

Sam 15:2

Amuam laa ag Kayaknu neekkakppa ag oolagppa kaliak laa iitta ele daan oitteb, ag kobol genab tutukku ele hetteb, ag nai genabib, oolag aɗit ele iittappa maditteb,

Sam 25:7

Da nid bau dayeye hipunin qein, nai tappe nak kobol ele dim lamidmi amu, na amu oh uhuqna meɗan, dab-ii-mekkutnu oɗ medattem. O Yawe, na enaib daanna, enaib hettem, amunu, na oo mauhaknab kobol nahip dim lamidna, dahilnu ena hekkutnu unuqidttem.

Aisaia 64:5

Danab ah ag oolag gamag ahe, ib tutukku dim lamidtteb, ag nahip ib daulagppa doowo oitteb ele amu, na ag ehanadkkutnu uɗittem. Amge ig nahip ib uuta, ig tuɗidta, ihinig ib mattat gota, hipunin hemut amunu, na oot nauhom. Amu ig na ippunppa ii gokkunig dayeb amu, attemu ig padal mematanu ehanittak aognig?

Mak 3:35

Danab laa nug Kayaknu dabmak dim lamidtte, nug am da anil, da amal, da appinal ele,” awa aum.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Luk 11:42

Amge o gadonnab gadon ɗo gumak danab-Parasia, ag dabmeig! Ag dattanu keh naunau amu oh oppateg, ameg eblaih tanig ele neeg, ameg laippu ag Kayak medatteb, amge ag nai doya mala hettoɗia epeɗia elele mettak kobol, Kayaknu oo mauhak kobol ele ii dim lamidna oitteb. Ag ɗo ii dim lamidtteb, amu laa dim lamidtteb ele, ag amu oh dim lamidlob, amuib am tutukku.

Jon 13:17

Ag keeke imu aakku dooppig amunu, ag anam hekkulag dayeb, ag itittak ena aoglag.

Jon 15:14

Amu ag da haknunab anak nai ag mattami dim lamidtteb dayeb amu, ag da lailad daatteb.

Aposel 24:16

Amunu da hanhan deɗ oh da oolppa keeke eheɗ laa Kayak noobppa, danab ah amelagppa ele ii daamanu, da wagai mettem.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Galesia 6:9

Amunu ig kobol ena hekkunignu amu ebehinig aib bodoettom. Ig ebehinig bodo-ii-edakku amu, aria geha meu awak haenppa ig meu ena aakku aognig.

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.

Duteronomi 5:19

Na yabhok aib heme.

Jems 1:25

Amge ɗo elelenab, ɗo amuam ig hipuninppanu uhuqigtte amu, danab laa nug ɗo amu diig neekka aut autanab awa, tutukku dim lamitta, nug ɗo amu ele daug ii atitte, nug dim lamidtte amu, Kayak nug danab amu itittak ena medakku.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

Revelesen 7:15

amunu, ag Kayaknu sia king noobppa hippaidna daatteb. Ag nuhig mettid lag ooppa tuqan, amun ele Nug waappa daanna Nug oɗe dim lamidtteb. Laa Nug sia king ⌊anuqak,⌋ appa heɗep neum daatte ele amu, Nug ag ele daan, atognoadkku