Sam 103:5 - Nobonob Baibel

⁵ Nug da keeke ena haen oh meɗatte. Nug anam he, ai igel eɗua ɠagattag aotte, amubia da nid bau bia, ɠagattag ele eɗuen daattem.

Sam 103:5 ပူးပေါင်းရင်းမြစ်များ

Job 33:25

Laa anam hette haenppa amu, danab amu nug eɗua, ena daatte. Nug beɗu eɗua, nug nid nakok daye, beɗu attem dayom bia daatte. Ao, Kayak he, nug nid bau daye, beɗu attem dayom, am amubia daatte.

Sam 104:28

Na ee mattai, ag latteb. Yo, na ag, na eppenppanu ee ena mattai laeg, ag oolag diditte.

Sam 107:9

Aɗinu? Nug danab ah ag lenu baalag diitte, le matte, ag elele latteb. Ao, Nug danab ah enug aqatte amu ee matte, ag ee ena laeg, oolag aɗatte.

Sam 23:5

Na ee okkai da lakkulnu dahil kekeɗ amelagppa hena, ⌊da ee okkai amuppa daakkulnu na oot okkai daatte miag atiak daakkunu,⌋ na goɗen muttuɗig enanag ele da ikkilppa gokkaɗttem. Na hee, keeke ena ena kap dahilppa ambak dayeye, laa gokkaɗa nette.

Sam 63:5

Danab nug ee ena lanana, oo dittie enanag dootte, amubia da ⌊na lautppa na guguitten dayeye,⌋ da elelenab dookkul. Da ahi oo gamag ahak, na binan maknu ele ettaladkkul.

Sam 65:4

Danab ah ag nahip daaglagnu na tituanadna, diin uɗie, ag nahip mettid lagnu haɗap-ppa, na guguittak daatteb amu, ag itittak ena aoppig daatteb. Na heppe, ig aun aɗi anam na laut, amuam nahip mettid lag nahipnu tituanak daatte amu, ig amu guguittak haɗap-ppa daattem, ig lag amuppanu itittak ena ena aognignu na oɗ medattem.

Aisaia 40:31

Anam amge, laa ag Yawenu dabmena, nuhigppa ehanittak aoglagnu dabmena oitteb ele, ag ɠagattag baula aoglag. Ag ai igel hab waappa uug iitta ele hagagaɗa gotte, ag amubia hekkulag. Ag qaiettan oiglag, amge ag beɗulag bahi ii yaama. Ag baelagppa oiglag, amge ag beɗulag bodo-ii-ettama.

Hosea 2:15

Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

2 Korint 4:16

Ig am dabmak amu aottem amunu, Kayak uɗat hekkunignu amu ig ii bodoedattem. Ao, genab, ig beɗunig amuam nauhkkun hette, amge deɗ oh Kayak Nug ig oonig bau ɠagattag medatte.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Josua 14:11

Da haen matu ɠagattag ele daaiyi, Moses nug meiɗe gomi, amu ɠagattag amubiaib gemu ele ina daatte. Anamib da gemu ele oiyeye, ban heinna daakkulnu elele.