Sam 103:2 - Nobonob Baibel

² Da Yawe onig humeme, da Nug aɗi ena dahilppa heum, da amunu ii daul atima.

Sam 103:2 ပူးပေါင်းရင်းမြစ်များ

2 Stori 32:25

⌊Yawe Nug Hesekaia ehanitte, nug eɗua ena dayowa,⌋ nug dada danab ba, nug Yawe ehanittom, nug amunu nug Nug dim lamidlonu ii dabmaama, ii heum. Nug eheɗ amu heum amunu, Yawe Nug Hesekaianu, Juda danab ah, laa Jerusalemnu, laa Juda wanppa laih laihnu amu, Nug danab ah amu dilagnu, ⌊ag Hesekaia doyom bia ele dooppig amu, Nug amu oh dilagnu⌋ oppoɗi beum.

Sam 105:5

O Abraham buɗub, ag Yawenu maɗi nid daatteb. Ao, O Jakop bekkod, Yawe ag nuhikkud daaglagnu tituanattom. Ag Israel aakku, ag Yawe Nug uɗat ɠagattag danab hekkun elele iitta digdig heum amu, ag amu dabmetteg! Ao, uɗat digdig danab hekkun elele iitta Nug heum; nai doya mala hettoɗia epeɗia elele mettak kobol Nug dim lamittom ele amu, ag dabmetteg!

Sam 106:21

Ag Kayak, Nug ehanatte, ag padal ii meppig ele, ag nuhignu daulag atiom. Ao, ⌊ag ehanadkkunu⌋ Nug keeke okkai okkai Isip appa heum, amge ag nuhignu daulag atiom.

Sam 106:7

Ig mamenkad aɗi ag Isip appa daanna, ag kobol danab hekkunu elele iitta na heme amu, ag amunu ii dabmeppig. Haen kuɗum na oo mauhaknab kobol doon dim lamidna ehanadme, amge ag na amu hemenu daulag atiom. Ag Le Kokoɗppa appa na waatppa daaglagnu uun, na oɗen tappaeg neum.

Sam 116:12

Da aɗitai keeke laa Yawe Nug dahilnu ena heumnu nob ena medakkulnu laa iitta.

Aisaia 63:1

Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.

Aisaia 63:7

Yawe Nug ig Juda, Nug ihinignu oo mauhaknab doya, Nug keeke ena kuɗum, ig keeke amunu Nug binag mekkunignu daatte amu, Nug amu heum. Nug kobol ena kuɗumnab ig Israel, ihinignu haaha, Nug ihinignu oo gai-iitta doya, oo mekka ehanikkom. Nug ihinignu oo mauha, anamib daatte amunu, da amunu laa amelagppa madikkul.

Duteronomi 32:18

Israel danab ah ag laa Nug hanhan ɠagattag daatte, Nug ag mamelag beum daatte ele amu, ag nuhignu dup noa binag mak kobol ii heppig. Ao, ah ag nid menuadtteb bia, Kayak Nug he, ag huu laippu beppig daatteb, amge ag nuhignu daulag atiom.

Duteronomi 32:6

O Israel danab ah, Yawe Nug ahilagnu ena heum. Ag anamppate eɗun noob mekkulagte? Ag am danab ah dabmak tutukku iittappa keeke henan oitteb. Ag doyak dabmak ena ele iitta. Yawe, Nug am ag Mamelag iittate? Nug ag iite hattom? Nug iite ag laippu tamaniattom?

Duteronomi 6:12

ag Yawe daulag atimanu dabmeig! Nug ag Isip, ag appa begbeg maɗi nid daaegeg, Nug appanu diia, omalatte uɗippig.

Ikki Danab 5:2

“Yawe binag meig! Israel dilag ikki danab ag danab ah ahilkad omaladna, ag ban hekkulagnu noolag aon goppig. Danab ag gamag ahak naɗi doonna, dim lamadna banppa goppig!

Ikki Danab 5:9

Da Israel dilag ikki danab dilagnu amu, da ahilagnu enanag doottem. Ao, da aun aɗi ag ena hena, ikki danab amu dim lamadtteb amu, da ahilagnu enanag doottem. Hepput, Yawe binag attan dayaɗ!