Sam 101:6 - Nobonob Baibel

⁶ Da danab ah ag Yawenu oo metta ii uuak kobol dim lamidtteb ele, da ag ele ihinig wanppa daagnignu ag atognoadkkul. Da heppi, laa ag Kayaknu neekkakppa oolagppa kaliak laa iitta ele amu, ag da gumiɗna daaglagnu elele daaglag.

Sam 101:6 ပူးပေါင်းရင်းမြစ်များ

Sam 119:63

Aun laa nug nahipnu ebehi oh bodoetta le mette, nug am da layal. Ao, aun laa nug nahip oo yaak nai ɗo bia, nug nai amu dim lamidtte, nug am da layal.

Sam 15:4

ag danab kobol uɗig wak hetteb ele dilagnu ena iinab dootteb, amge ag laa, ag na Yawe, ag nahipnu ebehilag oh bodoetta le mette ele, ag amu dilagnu binalag metteb, ag aɗi keeke hekkulagnu ahilag nai ɠagattag qena appig ele amu, ag nai amu dim lamidkkulagnu guittak doottebtai, amge hetteb,

Sam 34:15

⌊Aɗinu?⌋ Yawe Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte.

Prowerb 28:28

Haen nau hak danab ag gumak aben aotteb amu, danab ag wana, lokkumtteb; amge haen nau hak danab ag nauheg amu, genab tutukku hak danab ag eleleib daatteb.

Prowerb 29:2

Genab tutukku hak danab kuɗum bena daaegeg amu, danab ah ag gamag ahak aotteb; nau hak danab ag gumak heegeg amu, danab ah ag oolag uug ele daye, aiqagatteb.

Lewitikas 14:42

Anam hewona amu, ag men baula men tatamnu amu abenppa mekkulagnu aon mewona, ag gilil qaɗeppa simen gililppa laittaknu laidkkulagoitte.

Matyu 24:45

Jesus Nug anam ana, Nug nai tuɗitta aum. “Maɗi nid laa doyak dabmak ena ele, nug oo metta ii uuak kobol haaha daatte amu, nuhig okkai nug maɗi nid amu nuhikkud maɗi nid laa gumattatta, haenppa ee madakkunu uɗat medakkunu elele.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Jon 14:3

Da ukken, ahilag aben babaittoya, ag da daakkulppa da ele daagnignu da eɗuen uɗien, omalatte gokkul.

Jon 17:24

Mame, danab na da meɗame amu, haen da binag amahlak oppiaawak ele daakkul, haen amuppa ag da ele aben amuppa daagnignu ool daatte. Ag da binag amahlak oppiaawak ele anukka wan ii dayomppa na dahilnu oot mauhom, gemu ele oot mauhtte amunu, na da meɗame amu, ag amu anidkkulagnu ool daatte.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.