Sam 100:4 - Nobonob Baibel

⁴ Ag Yawenu mettid lag ooppa nonana, ag Nug amegppa, “Ena heme,” anana ag Nug laugnu aɗ taliliaknu od oɗeppa wanana, ag Nug binag meig! Ge, ag Nug amegppa, “Ena heme,” anana, ag Nug binag meig!

Sam 100:4 ပူးပေါင်းရင်းမြစ်များ

1 Stori 29:13

Amu, O Kayak ihinig, ig na amenppa, ‘Ena hen mekkame,’ atata, na binan amahlak oppiaawak ele dayeye, ig binan okkai medattem.

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

Sam 122:2

Ag anam appig amunu, ig uɗit, gemu ig Jerusalemnu aɗ od ooppa iikku daattem.

Sam 122:4

Yawenu ɗo atte bia, nuhikkud danab ah, Israel dilag huu okkai ohppanu, ag Jerusalem ippa uɗin, Yawe amegppa, “Ena hen mekkame,” akkulagnu uɗitteb.

Sam 65:1

O Kayak, ig danab ah, ig Sion appa na binan humagnignu daattem. Ao, ig danab ah, ig na noomppa aɗi keeke genabnab hekkunignu nai atat qakkamut amu, ig am hepput, meu okku.

Sam 66:13

O Kayak, da geha na lautppa ukken, da manaknu ofa heinne, da doɗ anam manatte medakkul. Yo, da geha ukken, da na noomppa aɗi keeke genabnab hekkulnu nai ain qakkami amu, da hekkul.

Sam 95:2

Ig Nug gumidta, Nug noobppa gota, amegppa, “Ena heme,” akkunig. Ao, ig musiknu keeke qaadtat, ig ahi ena ena ele Nug binag meta edatu!

Sam 96:2

Ag Yawenu ahi ettan, Nug onig humeg! Deɗ ohppa ag laa amelagppa, “Yawe Nug ig padal mematanu ehanigtte,” aon aig!

Sam 96:8

Yawe onig am binag amahlak oppiaawak ele, ag amu doyeg! Ao, ag doɗ laa manan mettaglagnu aon, Nug laugppa uɗieg!

Sam 99:3

Yawe Nug onig okkainab ele; danab ah ag nuhignu ebehilag oh bodoetta le mekkunu daatte. Anam amunu, ag Nug onig humeg! Nug oppiaawak daatte.

Aisaia 35:10

Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.