Sam 100:2 - Nobonob Baibel

² Ag oolag gamag ahebeb, ag Nug noobppa dup nona binag meig! Ag Yawe toppa wanana, ag oo gamag ahak ahi etteg!

Sam 100:2 ပူးပေါင်းရင်းမြစ်များ

1 King 8:66

Amu deɗ amu ukka male, deɗ amu dimugppa wagɗe, deɗ amuppa, Solomon nug he, danab ah amu ag oh eɗun, appan appan goppig. Ge, danab ah ag king itittak ena mettona, ag Yawe Nug nuhig maɗi nid Dawit, nuhignu, amu nuhikkud danab ah, ag Israel danab ah amu, Nug ag oh ahilagnu ele keeke ena ohnu dabmenan, gamag ahak okkai doon goppig.

2 Stori 29:30

King Hesekaia, nuhikkud ehanittak anuqak danab ele, ag Lewi buɗub ag ahi laala, Dawit, propet danab Asap ele yaapiɗ amu, ag ahi amu ettanna, Yawe binag mekkulagnu appig amunu, Lewi buɗub amu ag ahi amu oo gamag ahak ele ettanna, ag Yawe noobppa dup nona Nug binag meppig.

2 Stori 31:2

Amu Hesekaia nug mana mettak danab, amu Lewi buɗubppan mana mettak danab iitta, nug ag ele ag ahilag uɗat atten atten dayom amu, nug obatak obatak anam otiattom. Ag ahilag uɗat am manaknu ofa hekkulagnu, ag laippu dayaknu ofa hekkulagnu, ag danab ah Kayaknu ehanittak mattaglagnu uɗat hekkulagnu, ag Yawe amegppa, “Ena heme,” akkulagnu, ag Yawenu mettid lagnu aɗ odppa daan, Nug binag mekkulagnu ahi ettaglagnu daappig.

Sam 42:4

Da anukka attemnab dayomnu amelppa doowo, ool huana dootte. Aɗinu? Haen amuppa da danab ah kuɗum oh ele, ig Kayak noobppa dup nota, Nug binag mekkunignu gottamut. Ag gamag ahak ahi ettenna, Kayak amegppa, “Ena heme,” aegeg, da anuqen ugekke, ag omalatti, Kayak laugppa gottamut.

Sam 71:23

Da ool gamag ahebeb, gamag ahak ahi nahipnu qale edakkul. Aɗinu? Na da qagaiettakppanu eɗua uhuqak hena meɗame.

Sam 95:2

Ig Nug gumidta, Nug noobppa gota, amegppa, “Ena heme,” akkunig. Ao, ig musiknu keeke qaadtat, ig ahi ena ena ele Nug binag meta edatu!

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Duteronomi 16:11

Haen amuppa ag Yawe, ahilag Kayak, ag Nug aben Nug onig aguppa daakkunu epeɗikku amu, amuppa ag Nug noobppa gamag ahak ele Ee Tatam Oɗue Digma Awaknu hobul hekkulag. Ag, amu ag baelkadppa ele, ahilkad maɗi nid maɗi ah ele, Lewi buɗub aab naunau ooppa ag ele oh daatteb, wan laihnu danab, ag oolagppa daatteb, nid ag mamelkad mauhppig, ah qab, ag oolagppa daatteb oh ele, ag hobul amu gamag ahak ele hekkulag.

Duteronomi 16:14

Ag hobul henana, ag gamag ahak ele hekkulag. Ag baelkadppa, maɗi nid maɗi ah ele, Lewi buɗub, wan laihnu danab, aria nid ag mamelkad mauhppig, amu ah qab ele, ag appalkadppa daatteb ele, ag oh gamag ahak dooglag.

Duteronomi 28:47

Yawe, ahilag Kayak, Nug ag keeke kuɗumnab matteb, ag haen amuppa Nug waappa daanna nuhig maɗi nid daaglagnu gamag ahak, yag bak ele ii dooglag dayeb amu,

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!