Sam 10:9 - Nobonob Baibel

⁹ Doɗ laion ag toettan, doɗ laa bodoettak ele aqadna laadkkulagnu maadna daatteb amu, amubia nau hak danab ag danab ah ɠagattag iitta ele aɗaladkkulagnu henan daatteb. Ge, atu makkaɗak hikan danab ag uhuippa pelem mena, doɗ diin eeɗadna gotteb bia, nau hak danab ag danab ah ehanittak laa iitta ele aɗaglagnu henan daatteb.

Sam 10:9 ပူးပေါင်းရင်းမြစ်များ

Sam 109:31

Da anam hekkulnu diig am, laa ag daɗek danab mauhkkunu aegeg, Yawe Nug daɗek danab laa heqoppa hibaitta dayaya, padal memananu ehanadtte.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Sam 140:5

⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.

Sam 17:12

Ag am laion laa enug qak doya, doɗ laa qa lakkunu daatte amu, ag amubia daatteb. Yo, ag am laion bau laa lokkuma dayaya, doɗ laa qa lakkunu ameg ma daatte bia daatteb.

Sam 35:10

Yawe, da na binan meul ohppa ele hume akkul, “Yawe, auntai na bia laal iitta. Na danab ag ɠagattag iitta ele ehanatte, ag danab ɠagattag ele amu, ag ag eppelagppa ii daatteb. Ao, na he, laa ag daɗek danab, danab ah keekenu tutu mak ele, ag amu dilag keeke yab aoglagnu hetteb amu, na he, ag amu hekkulagnu elele iitta daatteb. Daɗek amu ag laa eppelagppa ii daatteb.”

Sam 37:14

Am nau hak danab ag daɗek danab, danab ah keekenu tutu mak ele, ag ag aqaglagnu, ag qep elab ahilkad diin, lat ele omanadtteb. Ao, genab tutukku hak danab ah dilagnu amu, nau hak danab ag ag aqaglagnu, ag qep elab diin, lat ele omanadtteb.

Sam 59:3

Aɗinu? O Yawe, antte! Danab ag da niɗaglagnu meiɗna hetteb. Danab ag lailkad aqaglagnu tiilagppa daatte ele amu, da ahilagnu hipunin laa, o eheɗ laa ii hemi, amge ag attem hena, da niɗaglagnu maittak aotteb.

Prowerb 14:31

Danab nug daɗek dilag eheɗ hadatte amu, nug laa Nug nug heum ele, nug nuhignu, “Keeke hamunab,” aakku dootte; amge aun nug daɗek ehanadtte, nug kobol amuppa Kayak binag mette.

Prowerb 22:16

Laa nug en okkai aokkunu daɗek danab duttunatte, ag nuhig uɗat o hamu bia hetteb, o laa nug enub danab ag nuhignu oolag hekkunu keeke ahilag daakkunu madatte amu; aɗit amu oh aa goya, daɗek daaglah.

Prowerb 28:15

Nau hak danab laa nug danab ah ag ɠagattag iitta ele gumadtte dayeb; amuam laion, o bea enug qak doya, doɗ laa qa lakkunu hette, am amubia aakku.

Aisaia 3:15

Aun nug ag amelagppa a, ag dahilad danab ah eheɗ hattegeg, ag nauhna autna aotteb? Aun aum amunu ag daɗek danab tappalattegeg, ag iɗulag wanppa oɗoɗe nauhtteb?” Naɗi, Nug Yawe Nukka Ɠagattag Oh Ele, Nug anam awa atte.

Aisaia 32:7

Danab nau nug nau hak kobol dim lamidkkunu hette. Nug eheɗ hekkunu lokkumakppa dabmaama, maittak eheɗ awa, daɗek danab heeb nauhkkulagnu hik qeeqe dabmette. Daɗek danab ag eheɗ laa ii heppig, ag tutukkuib henan daaegeg, danab nau nug heeb nauhkkulagnu anam hette.

Jeremaia 5:26

Amu Yawe Nug inam awa atte. “Dahilad danab ah oolagppa nau hak danab daatteb. Ag ib giginppa keeke danab ah maadna daatteb. Danab amu ag danab ah aɗuadkkulagnu ag danab laa nug ai aokkunu uhui mette, ag amubia hetteb. Ao, ag danab ah aɗualadkkulagnu, danab doɗ aoglagnu pelem metteb bia hetteb.

Gayak Nai 3:10

Nug bea doɗ laa meitta daatte bia, o laion doɗ laa antta qekkunu ib daugppa lokkuma daatte;

Esekiel 22:29

Danab okkai, mana mettak danab, propet ele ag anam hetteb, amge hamu aabppan danab ag ele eheɗ hetteb. Hamu aabppan danab ag keeke lokkumakppa awaknu duttuna hak kobol dim lamidnana, ag danab hamu, ɠagattag iitta, ag, ag eppelagppanu men doɗo aotteb. Ag keeke yab aotteb. Ag daɗek danab amu laa ag keekenu tutu mak daatteb ele, ag amu dilag eheɗ hadatteb. Israel danab ah ag amu hena, ag wan laihnu danab ah ele eheɗ hattana, ag gona, hettoɗiakppa danab ah amu dilag uug bappaidkkulagnu nai doya mala hettoɗia epeɗia elele mettak kobol ii dim lamidtteb.

Amos 3:4

Laion nug doɗ laa qa lakkunu oiyaya, nug doɗ laa ad qataiettak daattebppa ii antta dayaya, gayak okkai hettete? Iitta! Laion bau nug ele appidppa doɗ laa lakkunu ii qa dayaya, nug liɗimttete? Iitta!

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Habakuk 1:15

Ag amubia daan oiyegeg, Babilon dilag okkai nug ag diiadtte. Nug kakai awak danab nug huk ewa, kakai eeɗtte, o nug uhui ewa, kakai diitte, o nug uhui diig laappa kakai eeɗadtte amu, Babilon dilag okkai nug anambia danab ah diiadtte. Kakai eeɗak danab nug kakai eeɗa, gamag ahak okkai dootte, amubia Babilon dilag okkai nug danab ah diiatta, gamag ahak okkai dootte.

Habakuk 3:14

Danab amu, nuhikkud daup ag ahan, huan uɗin, ig danab ɠagattag iitta ele, ig daɗek danab lokkumta daamut, ag ig lamigppeg, ig oolta, tamtam daagnignu, ag ig iqappeg mauhkkunignu dabmena, gamag ahak doon, danab ee lab iitta mekkunu hette bia ihinigppa hekkulagnu daappig amu, haen amuppa na daup amu dilag okkai, na danab amunu ban gudkkud aɗan, nuhig ban gudkkud igippa yaae noum.

Sekaraia 11:3

Doyeg! Sipsip gumak danab ag oolagppa guittak nau doon, eheɗ gaatteb. Aɗinu? Gikkiɗah dad okkai, enanag, sipsip appa gumattegeg ee lappig amu, laa heeg, dad amu nauhppig daatteb. Doyeg! Laion bau ag gaatteb. Aɗinu? Ahilag dayak aben Jodan le daugppa ad naunau huanak oolagppa amu, laa ag heeg, iitta meum.

Jon 10:12

Danab nug uɗat nid daatte, nug sipsip gumak danab genab iitta, nug sipsip mamelag ele iitta amunu, haen nug wulp uɗitte antta amu, nug sipsip uuatta, oola ugekke, wulp nug sipsip aqa lamatte, ag mauhnoak oolna, matatun tamtam gotteb.

Aposel 23:21

Amge ag hambubutteb amunu, na ahilag nai amu aib dim lamidme. Aɗinu? Ag Juda danab 40 eɗittak amu ag Pol qeppeg mauhkkunu inam nai ɠagattag qettan appig. ‘Ig ee le ele paha ii lamata. Iitta. Ig hamu daapput ukkeb, ig Pol qepput mauheb dimppa ig eɗut ee lakkunig.’ Ag anam appig. Ag anam hekkulagnu mattin bappaidppig amu geha iikku ag na ahilag nai amu doon, aɗi appe dooglagnu ameg mak daatteb,” awa aum.