Sam 10:4 - Nobonob Baibel

⁴ Am nau hak danab, ag dada kobol dim lamidtteb amu, ag Kayak anidna dim lamidkkulagnu Nug ii maditteb. Ag, “Kayak laa ii daatte,” anana, ag anam hetteb.

Sam 10:4 ပူးပေါင်းရင်းမြစ်များ

Genesis 6:5

Amu Noanu haenppa Yawe nug danab dilag kobol, amu dabmak ele nauib daye anttom.

Job 22:17

Danab amu ag, ‘Laa Nukka Ɠagattag Oh Ele Nug ihinigppa keeke laa hekkunu iitta,’ anana, ag Kayak amegppa, ‘Uuigna ukke!’ appig.

Sam 101:5

⌊Da am king⌋. Da heppi, aun laa nug nai nau nuhig mudippan layag onig heeb nauhkkunu atte amu, nug baula ii hema. Da laa ag dada hena laa eɗittaknu dabmak aotteb, ag dada kobol laala ele hetteb amu, da hadappi, ag kobol amu tuɗidna ii hemana.

Sam 18:27

Amu na laa ag akka, ag onilag qeeg nette ele ehanatte, ag padal ii metteb. Ge, na anam hettem, amge na laa ag dada hena laa eɗadttebnu dabmak aotteb amu, na uɗa nak nau madattem.

Sam 27:8

O Yawe, da ool unuqagppanab, na amuppa na dahilnu, “Na da aniɗna dim lamiɗkkutnu, da mattiɗe!” ame amunu, O Yawe, da na anitten dim lamidkkulnu mattidkkul.

Sam 36:1

Nau hak danab ah hipunin henan daatteb dilagnu nai meunab ele laa da oolppa daatte. Amu dilag ag Kayaknu ebehilag oh bodoetta le mak ii dootteb ⌊amunu ag aɗi hekkulagnu oolag daatte amu, ag hetteb⌋.

Sam 53:1

Am danab ag Kayak dab-ii-menan ii dim lamidtteb ele ag akka ag oolagppa, “Kayak laa ii daatte,” atteb, danab amu ag diilkad ena iitta, uɗig wak ele. Kobol ag hetteb am, kobol uɗig wak ele. Auntai laa ena ii hette!

Sam 73:11

Nau hak danab ag atteb. “Kayak Nug ig attem hettem dookkun elele iitta. Ao, Kayak Attannab Laa Oh Eɗattak Nug ig attem hettem am ii dootte,” aon atteb.

Eksodas 5:2

Aa anam apiɗ, amge Paro nug aum. “Yawe am aun? Genab, Nug am aun amunu, da nuhig nai doyen, Israel danab ah uuadppi gokkulag? Yawe amu, da Nug ii doottem amunu, da Israel uuadppi iinab gomana,” awa aum.

Prowerb 21:4

Dada ha laa eɗittaknu dabmak awak, dada hak kobol ele; nau hak danab ag amu henana, ag aakku hipunin hetteb.

Prowerb 30:13

Ag amu, ag am danab ag dada hena laa eɗattaknu dabmak aon dabmena autnanab aotteb; ag danab laanu, ‘I oonihppa, na am elele iitta,’ ag anamnab dootteb.

Prowerb 30:9

Da enub, o daɗek danab dayak uuttemnu diig am, da enub danab daakkul dayeb, da na dimetten, ‘Yawe am aun?’ akkultai. O iitta, da daɗek danab daakkul dayeb, da keeke yab awen, amuppa da na, dahil Kayak, da na onin heppi, laa dilag neekkakppa ena iitta daakkutai.

Prowerb 6:17

Keeke eblaih aɗit ele amuam inam: dada ha laa eɗittaknu dabmak awak kobol, nai hambuppuak mattiak kobol, danab ah eheɗ laa ii heeg, laa hamu aqe mauhak kobol,

Eklisiastis 8:11

Danab eheɗ hena, ag paha bu ii aotteb dayeb, danab oh ag hibguitta henana, kobol eheɗ digdig hekkulagnu dabmetteb.

Aisaia 2:11

Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Aisaia 3:9

Ag hipunin hetteb amunu, ag oolagppa aab daatte. Aab amu daya, aab dayak amu ag iɗulagppa danab ah anidkkulagnu bette. Ag Sodom danab anukka heppig bia, ag miag atiak hetteb. Hipunin ag hetteb ele, ag lokkumak ii hetteb. Ahilagnu amu, gadonnab gadon. Aɗinu? Ag bu nau aoglag. Ao, ag akka ag beɗulagppa, ag bu nau amu aoglagnu ib ooɗppig daatteb.

Aisaia 59:7

Ag nau hekkulagnu qaiettan gotteb. Ao, ag danab eheɗ laa ii heum qeppeg mauhkkunu pahaettak daatteb. Ag hanhan kobol nau hekkulagnu dabmenan oitteb. Ag aɗi aɗi hetteb ele amu, ag amuppa keeke heeg nauhtte, ag heeg, keeke ena dayom am gemu nauhak daatte.

Aisaia 65:2

Da amu hein, amu da deɗ oh amun tuqan ele danab ah ag ahilag dabmak ɠagattag eppak daatte, da ag ehanadkkulnu heinne daami. Danab ah amu ag ib eheɗppa oitteb; ag akka ahilag dabmak dim lamidtteb.

Jeremaia 2:31

Amu ag Israel ag gemu daatteb, ag dahil nai imu doon dabmetteg! Atu taɗakppa, danab nug appa ehanittak keeke nakok laa aokkunu elele iitta, da ahilagnu anam daamite? Ao, atu laa, gatatu manak ele, appa keeke kuɗum danab heppeg nauhkkunu daatteb amu, da ahilagppa anam laa daamite? Da amubia laa ii daami amunu, aɗinu ag, ‘Ig Yawe uut, Nug baula ii dim lamidmata,’ atteb?

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Sepanaia 1:12

Amu da haen amuppa da, Yawe, da lam aɗe ugekke, da Jerusalem aab ooppa, aben ohppa neegppi gokku. Ao, da amu hein, da laa ag hipunin henan daan, amu haknu enaib dootteb bu madakkul. Ag ahilag haknu uug laa ii dootteb. Ao, ag, ‘Yawe Nug aɗi keeke laa ii hema. Ge, Nug keeke ena, o keeke nau nakok laa ii hema,’ anan oitteb.

Sepanaia 2:3

Ag Juda danab ah laa ag akka ag onilag qeeg ne, ag Yawenu haknunab anak dim lamidtteb ele amu, ag Yawe ehanadkkunu ii daye daye Nug oɗ metteg! Ag genab tutukku hak kobolnu ippu, laa nukka onig qeeb nak kobolnu ippu ele anidkkulagnu mattieg! Ag amu hekkulag dayeb amu, deɗ Yawe Nug danab ah bu madakku, deɗ amuppa Nug ag guppiɗ qalakppa maatteb, ena daaglagtai.

Mak 7:21

Kobol eheɗ imu oh danabnu dabmakppanu bette; dabmak eheɗ, ewau pakkua gappai hak kobol, gappai hak kobol digdig laa, yabhok kobol, danab qe mauhak kobol,

Aposel 8:22

Am na kobol nau nahip amunu oot eɗueb, na Naɗi ⌊Nug nahip hipunin uhuqa medakkunu⌋ unuqitte! Na anam hekkut amu, Nug dabmak nau nahip dabmakppa beum uhuqa medakku.

Rom 1:21

Amu ag Kayak dooppig, amge ag Nug am genab Kayak oolagppa genab ii doonna, ag Nug binag amahlak oppiaawak ii mettana, ag nug amegppa, “Ena heme,” aon ii appig. Iitta. Dabmak ahilag eɗua, dabmak tutukku iitta be, ag oolag ootot aqe, gatatu manom.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Epesus 2:12

Haen amuppa amu ag umanab Kristus iittappa daadttappig. Ag Israel baekkudppa ele ii daadttappig. Kayak Nug he, Nug Israel ag ele nug tituanna nai qakkan, Kayak Nug Israel ag nuhikkud daan, keeke ena laala ele aoglagnu nai qakka aum, amge ag iitta aɗi ag amu ooppa ii daadttappig. Ag wan imuppa daappig amu, ag keeke ena laa dimppa bekkunu ameg mak ele ii daappig. Iitta. Ag hamu daappig. Ag Kayak ele ii dooppig, umanab daappig.

Duteronomi 8:14

geha, haen ag keeke amu oh ele, ag oolagppa dada danab bena, Yawe, ahilag Kayak, ag Nug daulag atimanu dabmeig! Nug ag Isipnu diia, omalatte uɗippig. Ao, ag wan laappa begbeg maɗi nid daaegeg, Nug amuppanu diiom.