Sam 10:3 - Nobonob Baibel

³ Aɗinu? Nau hak danab ag eheɗ henana, en kuɗum aoglagnu dabmenana, ag amu haknu ag akka binalag metteb. Ao, ag danab baubau awaknu hik qak kobol dim lamidtteb binalag mena, ag Yawe Nug eheɗ laa awaknu anak waappa daakkunu anan, dimedatteb.

Sam 10:3 ပူးပေါင်းရင်းမြစ်များ

1 King 20:25

Laa am, na ban daup bau kuɗum diiadppe, geha nahip ban daup amu ameg naɗi anukka daappig bia daaglag. Bannu hos, bannu karis ele kuɗum aokkut; tatam nauhadppig na amu ou diiadkkut amu, geha ig gopput, Israel ele aben uɗemppa ban heta, ig ag eɗadkkunig,” aon appig. King Benhadat nug ag nai appig doya, nug ag appig bia heum.

Job 31:24

Da gol ehaniɗeb, enaib daakkulnu oolppa genab doolomlob, o iitta, da gol ena dubuttid iitta ele am danab bia dabmein, ‘Na ehaniɗe, da enaib daattem,’ alomlob,

Sam 35:21

Ao, ag naippa yaaiɗnana, “Antteg! Antteg! Ig amenigppanab na amu hee anidmut!” anan etteb!

Sam 49:18

Danab nug bau dayaya, nug enub awawa, nug enub amu ohnu gamag ahakkutai. Ao, nug anam dayebeb, wanppan danab ah ag anidna, ag onig okkai mettaglagtai.

Sam 49:6

Kekeɗ dahilad amu, ag ennu oolagppa genab dootteb. Ao, ag enulag okkai okkai amu ehanatteb, padal ii memana atteb.

Sam 5:6

Geha na danab ag hambuppuak nai maditteb ele hadappe nauhkkulag. Ao, na Yawe, na laa ag laa makkuɗadtteb, ag laa hambubutteb ele, na amu dilagnu ootppa uuaknab doottem.

Sam 52:1

O ban danab naɗi, ⌊Doeg,⌋ aɗinu na nakka na eheɗ hemenu binan mettem? Kayaknu oo mauhaknab kobol ⌊dahilnu dim lamidtte am⌋ hanhan daatte.

Sam 94:4

Ag am beɗup tak danab nau daan, ag beɗup tak danab ah nau bia nai maditteb. Ao, nau hak danab ah ag dada danab dilag nai mattinna daatteb.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

Prowerb 28:4

Laa ag Kayaknu ɗo dim lamittaknu uutteb, ag nau hak danab onilag okkai madatteb; amge aun aɗi ag Kayaknu ɗo dabmettan dim lamidtteb ele, ag nau hak danab eheɗ hemanu wagai metteb.

Eklisiastis 7:15

Amu da bau wanppa daye, da gaɗappa, unuqagppa ele anttak laippu iittanu oiyak dahil imuppa oiyeye, da keeke aɗit anidmi. Laa am genab tutukku hak danab nug genab tutukku hak kobol haaha oitte, amge nug paha mauhtte; laa am nau hak danab nug nau hak haaha oitte, amge nug paha ii mauhtte. Iitta. Nug haen elab bau dayaya, wanppa oitte.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Aisaia 57:17

Da dahilad danab ag baubau awaknu hik aqeeqe eheɗ heppig amunu, da oppoɗil eheɗ beum. Da amu antten, da oo nauhak doyeye, da bu matten, dimattami. Da amu hemi, amge ag doonna, tuɗidna eheɗ heppig.

Jeremaia 22:17

Amu Yawe Nug imu ele atte. “Anam, amge ⌊Jehoiakim,⌋ na nakka, na en okkainab aokkutnu oot heehe, na amu dabmena autna aottem. Ib enappa, o ib nauppa aokkut, nahip dabmakppa amuam keeke hamu; aokkutnuib dabmettem. Aokkutnu amu, na danab eheɗ laa ii heppig ele aqe mauhtteb. Aokkutnu amu, na danab ah ag nahip uɗat hamu, nob iitta hekkulagnu duttunadttem. Aokkutnu amu, na laa eheɗ hattana, na keeke lokkumakppa awaknu duttuna hak kobol dim lamidttem.” Yawe Nug anam atte.

Lewitikas 26:30

Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa.

Habakuk 2:9

Ai laa nuhigppa eheɗ laa ii bemanu nug teɗ nuhig bai nau igippa, o ad elabnab gogotippa, kekeɗ laa aɗakkun elele iittappa teɗ mette, amubia na hekkutnu ib eheɗppa hena, en okkai aome amunu, nahipnu am gadonnab gadon.

Luk 12:15

Anam awona, Nug danab ah oh amelagppa aum. “Ag dabmena, tutukku doyeg! Ag baubau awaknu hik qak kobol oh aib heppig. Aɗinu? Danab nug keeke ohnu elelenab eɗittak daatte amu, nug nuhig keeke amuppa bau dayak ii aotte,” awa aum.

Luk 12:19

da dakka, da inam dabmekkul. “Da lagnu keekenu laa ii bahuhupa, dahil keeke ena ena daatte, maɗ kuɗum daakkunu elele. Aria, da hik awe dayeye, da ee, le ele oh lanakib lainne, gamag ahakppa daakkul,” ’ awa aum.

Rom 1:29

Amu ag kobol nau digdig, kobol eheɗ digdig, baubau awaknu hik qak kobol, amu gappai hak digdig ele hetteb. Ag laanu ameg qe oolag elele ii daatte dootteb, ag layag kekeɗ metta duug wak kobol, nug mehqak kobol, layag bubuittak kobol, amu oo aeg bak kobol ele, ag kobol nau amu oh henan daatteb. Ag layagnu dimug nai mattiak kobol,

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

1 Korint 6:10

o aun aɗi ag yabhak kobol hetteb, o aun aɗi ag baubau awaknu hik qak kobol dim lamidtteb, o aun aɗi ag le ɠagattag laeg, kaaka aqatte, o aun aɗi ag baeg qak nai maditteb, o aun aun aɗi ag nai ittag ele mattinna yabhoi hak danab daatteb amu, danab ah amu ag oh Kayaknu ɗo maɗoɗ ooppa ii daamna.

Epesus 5:5

Aɗinu? Ag dootteb, gappai danab, danab nug ooppa oppiaawak iitta, amu baubau awaknu hik qak danab, danab amu nug kayak hambuppuak dim lamidtte, danab amunu laa nug Kayak, Kristus ele dilah ɗo maɗoɗ ooppa ii daama.

Duteronomi 29:19

Amu danab laa nug ig Israel, ig Yawenu danab ah daattem, Nug am ihinig Kayak daatte, nug nug tituana nai qakkak nai amu dabmaama, diig amunu nug inam aib dabma aum. “Da eheɗ tuɗitten, heinneib daakkul, me da ena daakkul.” Nug anam aib heum. Danab ag amu hetteb, ag ahilag wan oh heppeg nauhkku; wan le daatteppa, wan laa le ii daatteppa ele oh nauhkkulag.

Duteronomi 32:19

Israel danab ah, ag Yawe bekkod, aɗekkud ele amu, ag kobol nau heegeg, Nug amu antta, Nug oo nauhom. Nug oo nauhe, nug Israel danab ah guhuɗattom.

Kolosi 3:5

Amunu ag wan imunu kobol, kobol amu ag oolagppa uɗat henana daatteb ele amu, ag kobol amu oh aqappeg iitta meig! Amu da kobol imunu attem; gappai kobol, kobol dubuttid ele, kobol naunu oo ahe ittag doyak, amu baubau awaknu hik qak kobol, amuam kayak hambuppuak binag mak kobol laa aakku, kobol amu ele.

Jems 4:13

Aria, ag oolagppa danab laala ag, “Gemute o iitta buttite ig aab okkai laappa gota, maɗ laippu daatta, men doɗo mattiak uɗat hetat, men doɗo aognig,” aon atteb ele amu, ag doyeg! Amuam hambuppuak bia.

Jems 4:16

Amge, gemu ag hetteb amu, ag akka akka beɗulag humatteb. Beɗu humak kobol amubia oh am kobol eheɗ.

1 Jon 2:15

Ag wan imuppan kobol amu keeke laa wanppa niitte ele, ag amunu oolag aib mauhom. Laa nug wanppan keekenu oo mauhtte amu, nug Mamenu oo ii mauhtte.

Ikki Danab 17:2

Deɗ laa nug anig amegppa aum. “Na yabhoi danab laa 13 kilogram silwa nahip yab awe, na nug eheɗ laa awaknu anak waappa daakkunu amenu amu, na mattieye da doomi. Silwa amuam iikku daatteb. Da aakkuib keeke amu akkami,” awa aum. Nug anam anig amegppa a, ⌊eheɗ laa awaknu anak waappa daakkunu meu bemanu⌋, anig nug aum. “O nid dahil, Yawe Nug na itittaɗ!” awa aum.

1 Samuel 23:21

Sip danab ah ag anam aeg, Saul nug ag amelagppa aum. “Ag dahilnu oolag dootte amunu, da Yawe Nug itittak ena ag madakkunu ool daatte.