Sam 10:2 - Nobonob Baibel

² Nau hak danab ag beɗuppa tak kobol nau dim lamidna, ag daɗek danab ah eheɗ hadatteb, amge Yawe Nug heeb, laa ag daɗek dilagnu keeke laa hekkulagnu lokkumakppa doonna, maittak eheɗ aotteb ele, kobol amu eɗua, ahilagppa daakkunu ool daatte.

Sam 10:2 ပူးပေါင်းရင်းမြစ်များ

Sam 109:16

Aɗinu na anam hekkutnu ool daatte? Amuam nug oo mauhaknab kobol nakok laa ii dim lamittom. Nug danab ah uug waappa daappig, daɗek danab ah, amu danab ah ag oo doyak okkainab dooppig ele, nug ahilag mauhak haen iittappa mauhkkulagnu he mauhppig.

Sam 119:122

Da am nahip maɗi nid. Na ehaniɗppe, da ena daakkulnu oɗ medattem. Na heppe, beɗuppa tak danab ag da ii eɗilna, ii gumiɗmananu unuqidttem.

Sam 119:5

O Yawe, da haen oh nahip ɗo dim lamidkkulnu ool okkai daatte. Ao, da amu hekkulnu ool okkainab daatte. Da keeke laa hekkulnu ool hette ele amu, da amunu ool nakokib hette.

Sam 119:69

Am beɗup tak danab ag dahilnu hambuppueg, laa ag dahilnu nau dootteb, amge da meul ohppa nahip oo yaak nai ɗo bia, da nai amu dim lamidttem.

Sam 119:85

Nahip ɗo ag anam ii hemananu atte, amge beɗup tak danab ag moɗ uma noak, da amuppa noin qekkulnu buuadppig.

Sam 140:5

⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.

Sam 31:18

Danab amu ag dada danab daanna, ag genab tutukku hak danab ah dilagnu, “Keeke hamunab” doon, ag diig nau amuppa nai mattin, genab tutukku hak danab ah dilagnu hambuppuak nai maditteb amunu, ag beɗuppa tak danab nai maditteb bia tuɗidna mattimnanu, na ag oɗelag qamutkkutnu oɗ medattem.

Sam 36:11

Na danab ah beɗulagppa tak ele ag uuadppe, da tappiɗna oɗoɗilmananu oɗ medattem. Ao, na nau hak danab uuadppe, da lamiɗppeg laih gopanu unuqidttem.

Sam 59:12

Dahil kekeɗ ag dada hena, ag nai nau atteb. Yo, ag oɗelagppa ag laa ag eheɗ laa awaknu anak waappa daaglagnu ana, ag hambubutteb. Anam amunu, nai nau ag atteb, amu dada hak kobol ahilag ele, keeke aɗit amuam ahilag pelem bia dayebeb, na heppe, ag amuppa nena qekkulagnu oɗ medattem.

Sam 7:16

Ag uug heeg, laa dilagppa bette amu, uug amu eɗua, ahilagppa bette. Ao, ag laa guittak nau mauhnoak madatteb amu, guittak amu eɗue, ag guittak anam aotteb.

Eksodas 18:11

Gemu da doottem, Yawe Nug kayak laa oh eɗattak. Aɗinu? Haen Isip ag beɗuppa tak kobol nau dim lamidnana, ag Israel eheɗ nau hattegeg, Nug Israel ena ehanatta, Isip danab eppelagppanu eɗua diiom,” awa aum.

Eksodas 9:17

Anam daatte, amge na dahilad danab ah paɗadppe gomananu ɠagattag daanna, na ae ii gotteb.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Aisaia 14:13

Na nakka, nahip dabmakppa, na ame. “Da geha attannab hab eɗitten tein ukken daakkul. Geha da heppi, dahil sia king am Kayaknu hoɗoppai daatteb eɗatta ta daakku. Da geha anam hein, da geha sia king dahilppa qauko kayak qagmena daattebppa daakkul. Ao, da geha qauko ⌊kayak daatteb, da⌋ amuppa attannab daakkul.

Aisaia 14:16

Danab ah mauhppig, ag amelag behabe, neekkidnana, ag nahip-ppa keeke beumnu dabmena, ⌊ag akka akka nug oɗ medatteb⌋. “Danab imute nug he, wan uɗalom. Danab imute nug he, wanppan wan anen anen ag hahaɗppig?

Jeremaia 43:2

Nug ag amelagppa aum, amge Hosaia bekka Asaria, Karea bekka Johanan, amu beɗuppa tak danab laa oh ele ag akka ag ahilag dabmak dim lamidkkulagnu wagai meppig amu, ag ahan, Jeremaia amegppa appig. “Na hambubuttem. Yawe, ihinig Kayak, Nug na ig amenigppa, ‘Ag Isip aib gona daan oippig,’ na ig amenigppa akkutnu meitte ihinigppa ii uɗime.