Sam 10:1 - Nobonob Baibel

¹ O Yawe, na uma daattemnu diig appe dookkulnu oɗ medattem. Yo, uug da toniɗom daattem, haen amuppa na nakka na lokkumna daattemnu diig appe dookkulnu unuqidttem.

Sam 10:1 ပူးပေါင်းရင်းမြစ်များ

Job 13:24

O Kayak, na iɗun dahilppanu lokkumna, dahilnu, ‘Nug dahil kekeɗ,’ doottemnu diig ippuniɗppe, da anidkkulnu oɗ medattem.

Job 23:9

Kayak Nug yawalti uɗitteppanu uɗat heehe, da Nug ii anidttem. Nug yau uɗitteppanu gokkunu eɗua ugekke, da Nug nakok laa ii anidttem.

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.

Sam 22:1

O dahil Kayak, O dahil Kayak, na aɗinu da uuiɗmenu diig appe dookkulnu, na dahilppanu uma wana qagaiettakppa daapanu ii ehaniɗttemnu diig appe dookkulnu, amu na dahil gayak ii doottemnu diig ele appe dookkulnu oɗ medattem.

Sam 27:9

O Yawe, na nakka na lokkumidmananu unuqidttem. Ao, na da, nahip maɗi nid, na dahilnu oot nauheb, di-ii-meɗamnanu oɗ medattem. Na am dahil ehanittak daattem. O Yawe, na da di-ii-meɗan, da ii uuiɗmananu na oɗ medattem. Na amu dahil Kayak, na aakkuib da padal mepanu ehanittak daattem.

Sam 30:7

O Yawe, ⌊am genab⌋ na ii helom bia me, na da ehaniɗme amu, haen amuppa na hee, da qauko ii uɗalttebia ii uɗalmi. Ao, am anam, amge na ehanittak amu ii meɗan, nakka dahilppanu lokkumidme amu, haen amuppa da ool uug nau qeum.

Sam 44:24

Na laih neegna, ig nahip ehanittak aognignunab daattem ii anigkkut am ena iitta amunu, na anam ii hemananu oɗ medattem. Ao, danab ah ɠagattag ag heeg, ig guittak dootut, eheɗ heigtteb. Na heppe, ag tuɗidna, amu hemananu unuqidttem.

Sam 44:25

Aɗinu? Kekeɗ ihinig ag heeg, ig neta qeta, wanppa eheɗnab niittem. Ao, ihinig kekeɗ ag ig eɗikkeg, ig gappudppa neta qeta niittem.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Sam 88:14

O Yawe, na dahilnu awaidna daattemnu diig appe dookkulnu unuqidttem. Ao, na iɗun me laih gottenu diig appe dookkulnu oɗ medattem.

Jeremaia 14:8

O Yawe, naib ig Israel ehanigkkutnu elele. Uug nau haenppa naib na ihinig Padal ii maknu ehanittak daattem. Anam amunu, na aab diig danab iitta bia daattemnu, o na danab laih gokkunu oiyaya, tuqan laippu ɗo danab wan laappa dayaya, buttua aha gotte, na amubia daattemnu,

Jeremaia 14:9

o na danab laa, nug uug laa bekkunu ii dabmette, amge laippun be, aɗittai laa hekkunu elele iitta, na danab amubia daattemnu, o na ban danab laa, nug ɠagattag nuhig oh iitta me, nug laa ehanidkkunu elele iitta, na amubia daattemnu diig appe dookkulnu oɗ medattem. O Yawe, na ig oonigppa daattem. Na onin ihinigppa daatte. Na uuigna gomananu oɗ medattem,” awe unuqidmi.