Sam 1:3 - Nobonob Baibel

³ Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Sam 1:3 ပူးပေါင်းရင်းမြစ်များ

Genesis 39:23

Yawe Nug Josep aɗi keeke anen anen heum ele amu ehanittette, keeke anen anen elelenab beum amunu, maniguittak gumak ikki danab nug uɗat laala Josep eppegppa meum ele, nug amunu dab-ii-mettom.

Genesis 39:3

Potipar nug Yawe Josep ele daapiɗ, nug amu anttowa, nug Josep aɗi heum am enaib beeg ele anttowa amu,

2 King 18:7

Amunu Hesekaia nug Yawe ele daayya, Yawe ehanitte, nug keeke heum am oh enaib beum. Hesekaia nug Asiria dilag kingnu nai tappe ne, nug nug waappa dayaya nug oɗe dim lamidkkunu uuom.

1 Stori 22:11

Amunu, o da bekkal, Yawe Nug na ele daaglahnu ool daye, na aɗi aɗi hekkut amu, Nug ehanitteb, ena beeb, na nuhig lag, Nug Yawe, nahip Kayak, Nug aum bia buukkutnu ool daatte.

1 Stori 22:13

Na Yawenu ɗo iɗu iɗu, Nug Moses ig Israel ig dim lamidkkunignu mettom ele, na nai amu oh pehettak, elele dim lamidkkut dayeb amu, na ena daakkut. Na ɠagattag, ootppa ɠagattag qettak ele doon oiye! Na aib baɗame; na dabmak qe nak ele aib doome.

2 Stori 31:21

Hesekaia nug aɗi keeke Kayaknu mettid lag, nug amuppa hekkunu ha, nug Kayaknu ɗo ele dim lamidkkunu ha, nug Kayak aɗi aɗi hekkunu haknunab anak nug amegppa aum ele amu, nug keeke amu ohnu Kayak antta dim lamidkkunu Nug madikkunu dabmak awa, Nug dim lamidkkunu meu ohppa ele amu heum. Hesekaia nug anam he, Kayak ehanitte, nug elelenab dayom.

2 Stori 32:23

Danab kuɗum ag doɗ aon uɗin, Jerusalem appa manadna, Yawe medappig. Ag ele en okkai aon, Juda dilag king Hesekaia, nuhig daakkunu nug hamu medappig. Haen amuppa danab wan atu ohnu ag digmena, Hesekaianu, “Nug binag okkai ele,” doon oidttappig.

Job 14:9

amge gu na, wan leppu metteb, ita aakku bekku Bala qaɗu hamu hamu betteb, amubia gu neeb, ad ita ag eɗun bekkulag.

Job 22:28

Na aɗi keeke hekkutnu dabmak aon malakkut amu, Nug heeb, am anam bekku; na ippunppa amahlak okkai daakku.

Sam 128:2

Na danab anam laa daattem dayeb, Yawe Nug ana ehanitteb, na ee keeke aokkutnu eppenppa uɗat hettem ele, na amu ele daakkut. Ao, na gaman ahak doon, na elele daakkut.

Sam 129:8

Amu danab ah laa ag oinna, ag laa ag Sionnu nau ninig ele dootteb, ag ag qe-eɗadna wanana, ag nai imu aib madippig. “Yawe Nug ag itittak ena madakkunu oonig hette. Ge, ig ag Yawe onigppa itittak ena madattem.” Ag anam aib appig.

Sam 92:14

Am ad, ag aben laa enappa eppaeg ba dayaya, meu otte, amubia genab tutukku hak danab ag ena daaglag. Ao, ad nug ba, hokkua mette, me enaib dayaya, meu wawaib daatte, amubia genab tutukku hak danab ah ag ena hekkulag.

Sam 92:15

Ag, Yawe Nug tutukkuib daatte laa ippunadkkulagnu anam daaglag. Nug am kekeɗ niɗamanu ehanittak dahil daatte. Yawe Nug kobol nau laa ii hette.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Aisaia 3:10

Imu dabmenan oiyeg! Genab tutukku hak danab ah dilagnu amu, ahilagnu am ena. Aɗinu? Ag ahilag haknu meu ena aon daaglag.

Aisaia 44:4

Ag buɗulkad ag gikkiɗah wan uɗem enappa bette bia bekkulag. Ao, ag ad popla le naunau daugppa betteb bia daaglag.

Aisaia 58:11

Ag amu hekkulagnu dayeb amu, Yawe Nug ulum matta, atu taɗak gakkaɗak nau eleppa Nug le, ee keeke, ag bau daaglagnu laa ele madakku. Nug ag beɗulag ele ɠagattag madakku. Nug amu heeb, ag dad le elelenab aotte bia daaglag. Ag le qeppuɗia bette, deɗ laa ii qaɗaiedatte amu, ag le amubia daaglag.

Jeremaia 17:8

Amu danab nug Yawenu ooppa genab dootte, nug am le daugppa ad laa diɗi le amuppan le aotte, nug amubia daakku. Gakkaɗak haen nau daakku, o iitta, gu nakok laa ii nekku, amge ad amu uɗug ii qaɗaiettamna. Haen amubiappa ele ad nug meu wawaib daatte. Anambiaib, danab laa nug Yawenu ooppa genab dootte, nuhigppa daakku.” Yawe Nug anam awa atte.

Esekiel 17:8

Muɗi ai igel eppom ele amu, ai amuam nug muɗi amu enanag ba, eppeg kuɗum metta, meu okkunu wan ena, ittag ele, le guguittak, appa eppom, ⌊amge muɗi amuam eɗua, ai igel laa dabmeum⌋.’ Na anam a!” Naɗi Yawe Nug anam atte.

Esekiel 19:10

Yawe Nug amu mattia mala, nug nai laa ⌊Israel dilag anuqak danab dilagnu⌋ ele Esekiel amegppa aum. Nai amuam inam. “Ag anilag nug am muɗi grep laa, wain datta dayom, amubia. Muɗi grep amu mameg nug le daugppa eppom amunu, muɗi amu ena me, eppeg kuɗum daaegeg, meu ele kuɗum oum.

Esekiel 31:5

Le kuɗum ad amu ehanidppig, diig amunu ad amuam okkainab ma, ad laa oh eɗatta teum. Ao, le kuɗum ehanidppig amunu, nug ebekkud kuɗum benana, elab ele meppig.

Esekiel 47:12

Le gottu amu, nug daug laih laih oh ad meu otteb ele digdig oh am aguppa bena daaglag. Ad amuam enaib daaglag. Uɗulkad ii bunaɗmana. Kalam anen anen ohppa ag meu okkulag. Aɗinu? Le Kayaknu mettid lag, amuppa digmette am aguppa gotte. Ad amu meulkad am lanaknu daappeg, uɗulkad am oɗe heeb iitta mekkunu daaglag,” awa aum.

Namba 24:6

Peh lag amuam uttu kuɗum eppak daatteb bia anadttem. Yo, ag am dad enanag, le laa ihippa daatte bia daatteb. Amu genab, ag am Yawe Nug keeke onig alo, sinamon, o wanila bia eppalatte bena daatteb bia daatteb. Ao ag ad sida le daugppa bena daatteb, ag amubia daatteb.

Matyu 13:6

amge haen aam na, keeke beppig ele qe amu, ag diɗilag wan ooppanab ii noum amunu bunaɗppig.

Matyu 21:19

Nug enug qe, ad fig laa ib daugppa dayeye antta, meu lakkunu waum, amge meu laa ii anttom. Iitta! Uɗugib anttom. Antta amu Nug ad amu amegppa inam aum. “Na baula meut iinab omana! Iittanab iitta,” awa aum. Anam a ad fig nug pahanab bunaɗom.

Matyu 21:34

Dimppa, haen grep meu awak haen miag do, nug nuhikkud maɗi nid laa maatte, ag grep meu nuhig aoglagnu dad uɗat danab gumadna goppig.

Matyu 21:41

Jesus Nug anam a amu, ag appig. “Nug maɗi nid nau amu aqa aut autanab aweb mauhkkulag. Mauhppeg, nug grep dad amu eɗua awa, dad gumak danab laa eppelagppa meeb, dimppa ag meu ena haenppa aon mettaglag,” aon appig.

Jon 15:6

Laa nug dahilppa ii daatte ele, nug muɗi grep ebekkud danab ag okkulna akkaeg ukke bunaɗtteb, amubia daatte. Danab ag muɗi grep ebekkud amu qagmaadna akkaeg, aab aɗuppa teeg eotte.

Duteronomi 28:8

Yawe Nug ag aɗi keeke ag eppelagppa hekkulag, Nug amu ohppa itatta, bakkalen lakka ee ambak mekku. Yawe, ahilag Kayak, Nug wan ag madatte, amuppa itadkku.

Jut 1:12

Danab nau amu ag hanhan ag danab nai imu aotteb ele, ag ahilag hobul oo mauhak ele, hobul amuppa ag ele qagmena daanna, ee lanana, ag hobul dubuttid medatteb, amge danab amu ag ii baɗatteb. Ag akka agib ehanadkkulagnu hetteb. Danab amu ag am lombig laa, gu ahilagppanu ii nette; ulah iwalatte gotteb, amubia. Ag am ad, meu awak haenppa meu ii otte bia. Ag am ad bunaɗom, danab ag ad diig hiɗappig bia daatteb.

Revelesen 22:2

aab okkainu ib gamagppa gotte. Bauklel ad amu nug le amu akka laih laih tagagɗitta, tappom daatte. Nug meu amu maɗ laippu ooppa haen 12 ele niitte. Kalam ohppa meu niitte. Ad uɗug amu atu atu danab ah dilag oɗe babaittaknu ele.