Rut 4:6 - Nobonob Baibel

⁶ Boas nug anam a amu, danab laa amu, nug aum. “Ehe, anam daakku dayeb amu, da ii hepa. Aɗinu? Wan amu da buɗulad dilag ii daama. Na wan amu laa eppegppa dayaknu qagaiettakppanu eɗua uhuqak daakkunu he! Da am iitta,” awa aum.

Rut 4:6 ပူးပေါင်းရင်းမြစ်များ

Genesis 38:8

Nug mauhom amunu, Juda nug Onan amegppa aum. “Na ihinig ɗo dim lamidna, na awan qappu aoppe oiyya, nid menueb amu, nid amu nug na awan buɗub daakku,” awa aum.

Lewitikas 25:25

Ag lailag, Israel ted laa, nug daɗeknab daya, nug aug wan laa dadennu meeb, laa daden mekku dayeb, nug laikkud oolagppanu laa, nug daɗek amu ele tiig laippu ele, nug aug wan amu laa eppegppa dayaknu qagaiettakppanu eɗua uhuqak hekku.

Duteronomi 25:7

Amge danab mauhom ele nug awagtai, amagtai nug qappu aokkunu uukku dayeb amu, ah nug ikki danab dilag qagmak aben, aab nuhig odppa daatte, nug appa ukka, gamu mauhomnu ikki danab amelagppa inam akku. “Da gamul layag huh laippu, nug nug layag, da gamul mauhom amu, nug nug onig Israel ooppa humakkunu uuom. Nug da awiɗak uuom,” awa akku.

Duteronomi 25:8

Anam ab, ikki danab aab amuppan ag danab amu onigppa eppeg dob, ⌊ag nug aɗi diignu uuom doon anidna,⌋ ag nug aokkunu nug ele mattiglag. Ag anam heppeg, nug ah amu awaknu uua, ɠagattag dayeb amu,

Duteronomi 25:9

ikki danab noolagppa ah qab nug ukka, danabnu baeg gaɗa baegppan uɗitta awa, danab amu iɗu hunu qekkuoitte. Ah nug anam hewowa, nug akku, “Danab nug awagtai, o amagte onig humak uukku amu, nuhignu inam iikku bekku,” awa akku.

Rut 2:20

Rut nug anam mattie, Naomi nug aum. “Yawe Nug Boas itidkkunu ool daatte,” awa aum. Awowa, nug Rut amegppa aum. “Yawe Nug ihinti danab mauhpiɗ ele amu, aa bau daapiɗ haenppa ahilahnu oo mauhaknab doya, gemu amu Nug ihinihnu ele oo mauhaknab dootte,” awa aum. Nug anam anana, nug nai tuɗitta aum. “Boas, Elimelek ele amu, aa am tiig laippu, tiig amuppanu laa ag i ehanitkkulagnu daatteb ele amu, ag oolagppanu laa am nug aakku,” awa aum.

Rut 3:13

Nug da eɗiltte amunu, tuqan imu na inam daappe, butti da ukken, danab amu, nuhig dabmak dookkul. Nug qagaiettakppanu eɗua uhuqak ha, na ehanidkkunu dayeb amu, nug anam hekku. Amge nug amu ii dabmette dayeb amu, Yawe genab bau daatte, genab amubia da hekkul. Na inam niippe, wagkkaɗeb ukke!” awa aum.

Rut 3:9

Nug ah am antta, oɗ metta, “Na aun?” awa oɗ mettom. Oɗ mette, Rut nug aum. “Da am nahip maɗi ah Rut. Na Elimelek ele, aa tiig laippu amunu, na da ehaniɗkkutnu daattem. Na anam daattem amunu, da nahip ah daakkulnu oɗ medattem,” awa aum.