Rut 4:11 - Nobonob Baibel

¹¹ Boas anam a amu, Israel dilag ikki danab, amu laala ele daappig, ag oh appig. “Ig aakku anidta, ig laa aɗi heehe anttomnu mattiak danab aakku daattem. Yawe Nug heeb, Rut, nug ah nahip daakku amu, nug Rahel, Lea ele, ah aɗit amu aa buɗulti am ig Israel danab ah, amu ah amu nug ah aɗit amubia ba dayebeb, na aab ikki onig Eprata, na amu dilag oolagppa, Betlehem aabppan danab ah oolagppa ele, na onin ele daakkutnu oonig daatte.

Rut 4:11 ပူးပေါင်းရင်းမြစ်များ

Genesis 23:10

Abraham anam a amu, Epron, nug Hit danab oolagppa dayeye, Hit danab ag aab okkainu aɗnu odppa daappig ele amu, ag daulag human daaegeg, Epron nug Abraham oɗeppa awa aum.

Genesis 24:60

Amu tatam ag Rebeka itidyaya apiɗ. “O lai ihinih, na buɗunad ag kuɗumnab bekkulagnu oonih daatte. Ao, na buɗunad ag kekeɗ ahilag ele tabappeg noob, ahilag keeke aoglagnu oonih daatte,” aoya apiɗ.

Genesis 29:16

Amu Laban nug aɗekuɗ aɗit ele, tatamnu onig am Lea, gehanu am Rahel.

Genesis 29:25

Aria, wagɗe buttua amu, Jakop nug Lea iɗu antta, nug Laban amegppa aum. “Na aɗinu kobol imu heme? Da Rahel aokkulnu uɗat nahip hemi. Aɗinu na hambuppuiɗme?” awa oɗ mettom.

Genesis 29:32

Yawe Nug anam he, Lea nug oo ele oiyaya, nug nid danab menua, nug aum. “Yawe dahil uug nau antta ehaniɗom amunu, da gamul nug dahilnu oo mauhkku,” awa aum. Nug anam aum amunu, nug nid onig Ruben ataɗom.

Genesis 35:23

Jakop nug bekkod 12 ele. Lea bekkod am Ruben, nug Jakopnu nid danab naanaeg, Simeon, Lewi, Juda, Isakar, Seblon ele.

Genesis 35:24

Rahel bekoɗ am Josep, Benyamin ele.

1 King 21:8

Aria, Jesebel nug anam awowa, nug uɗug yaalatte neeg, uɗug yaalattom qaɗeppa amu, nug Ahap onig ya, Ahap doyaknu at stemp-ppa daatte uɗug qaɗeppa ele qataqeum. Nug amu hewowa, nug uɗug amu panie, Jesril ikki danab, anuqak danab ele dilagppa ukkom.

1 Stori 2:51

Salma nug aab Betlehem kalom, amu Harep, nug aab Betgader kalom.

Sam 132:6

Antte! Ig Eprata appa daatta amu, ig Tituanak Nainu Kunupnu nai laa doomut. Ao, ig doota, ig mattit gota, Kiriat Jearim guguittak appa anidmut.

Prowerb 14:1

Ah nug doyak dabmak ena ele, nug nug baekkudppa ɠagattag aqatte. Anam, amge ah nug dabmak tutukku iittappa hak kobol dim lamidtte ele, nug nuhig hakppa nug baekkudppan hatte nauhtteb.

Prowerb 31:23

Wan imunu ikki danab ag nug gamunu ena elele dootteb; gamu nug ikki danab laa amu, nug ag ele oh ikki danab dilag qagmak aben aab ahilag odppa daatte, ag amuppa qagmetteb.

Jeremaia 32:10

Aun wan amu mameg daattenu pepa amu, da pepa amuppa da onil yaai, danab laala ag pepa amuppa aɗi nai daatte anidna malan, onilag ele yaaeg, da pepa amu itoɗi qe, da pepa amu laa hamu kolamnanu qataqemi. Da qataqein maloya, da silwa amu skelppa mein mettami.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Duteronomi 25:7

Amge danab mauhom ele nug awagtai, amagtai nug qappu aokkunu uukku dayeb amu, ah nug ikki danab dilag qagmak aben, aab nuhig odppa daatte, nug appa ukka, gamu mauhomnu ikki danab amelagppa inam akku. “Da gamul layag huh laippu, nug nug layag, da gamul mauhom amu, nug nug onig Israel ooppa humakkunu uuom. Nug da awiɗak uuom,” awa akku.

Duteronomi 25:9

ikki danab noolagppa ah qab nug ukka, danabnu baeg gaɗa baegppan uɗitta awa, danab amu iɗu hunu qekkuoitte. Ah nug anam hewowa, nug akku, “Danab nug awagtai, o amagte onig humak uukku amu, nuhignu inam iikku bekku,” awa akku.