Rut 4:10 - Nobonob Baibel

¹⁰ Laa ele, Moap ah Rut, nug gamu Malon mauhom amu, da nug dahil ah daakkunu ele aomi. Kobol amuppa amu, Malon buɗub iitta ii mema, amu nuhig wan ele ag eppelagppa daakku. Malon onig am aab imunu bukppa iitta ii mema. Ag aakku gemu amu anidna malappig,” awa aum.

Rut 4:10 ပူးပေါင်းရင်းမြစ်များ

Genesis 29:27

Daappe, ah awak hobul mettid laippu daatte. Hobul maleb amu, na Rahel ele aokkut. Aowona amu, na maɗ eblaih aɗit baula ele nuhignu uɗat hekkut,” awa aum.

Genesis 38:9

Anam aum, amge Onan nug nid amu nug nuhig ii daama doya, nug uua he, nug awag wau ele nug oo ele dayaknu tutukku ii oipiɗ. Nug awag buɗub humakkunu oo ii dayom.

Sam 109:15

O Yawe, na nau hak danab amu heppe, nug wanppa ii daamanu, na hanhan nug alakkud, anig ele dilag hipuninnu dabmekkutnu oɗ medattem.

Sam 34:16

Yawe Nug laa ag kobol eheɗ hetteb ele, Nug ahilag hak amunu eheɗ doyaya oo ii madatte. Ao, Nug danab ah ag nau hak kobol hetteb ele, Nug he, ag padal meeg, Nug he, danab ah ag bau daatteb amu, ag padal meppig ele daulag atia auta autanab aotte.

Prowerb 18:22

Danab nug ah aotte, nug en okkainab, wannu en laa oh eɗattak aotte; Yawe Nug nuhig daakkunu mette awom.

Prowerb 19:14

Lag, en laa ele amu, amuam anig mameg ele aulah keeke; amge danab wau, ah amu nug eheɗ bemanu dabmak awa dabmak amu dim lamittak ah daatte dayeb, Yawe Nug ah amu epeɗia, danab amu mettom.

Aisaia 48:19

Ag anam helob amu, ag buɗulkad ag yu ihippan abuɗ bia daalob. Ag dimulagppa uɗiglag amu, ebqak ahilag am abuɗnu ebqak bia daalob. Ag anam helob am da heppi, laa ag uɗin heppeg, ahilag wan am padal ii melo. Da noolppa iitta ii melo,” awa atte.

Hosea 12:12

Jakop nug awag baɗitta, nug oola ukka, Aram wanppa dayom. Nug appa dayaya, nug ah laa aweb, wau daakkunu haaha, nug danab laanu maɗi nid daya, nuhig uɗat heum. Ao, nug ah daden mekkunu, nug danab laanu sipsip gumattom.

Hosea 3:2

Yawe Nug anam aum amunu, da ah dahil, da nuhignu 170 gram silwa, amu 250 kilogram bali ele, amuppa da daden mein, eɗue aomi.

Sekaraia 13:2

Yawe Nukka Ɠagattag Oh Ele Nug atte. “Deɗ amuppa da heppi, Juda wanppa danab o ah laippu laa nug kayak hambuppuak noobppa dup noa binag ii mema. Diig amunu amu, danab ah ag kayak hambuppuak laippu laa onignu ii dabmemana; oh am daulag atikku. Da heppi, propet ouɗi nau dilag ehanittakppa uɗat hetteb, amunu laippu laa, amu ouɗi nau amu oolagppanu laippu laa ele Juda wanppa iinab daama.

Malakai 2:14

Ag gaanna atteb. “Kayak Nug diig aɗinu ihinig mana mettaknu dab-ii-mette?” atteb. Amu Yawe Nug diig imunu ag ii dabmadatte. Ag danab bau daanna, ag anen anen ag ah diinna, ah amu ag waalkad daaglagnu ag ag ele nug tituanna nai qagappig, amge ag nai amu loppaɗna, ii dim lamidtteb. Ag ag waalkad uuadna, ah laa diippig. Ag waalkad ag nid bau daan diippig am ahilkadnab. Ag anen anen ag hanhan ag waalkad amu anamib daaglagnu ag Kayak noobppa nug tituanna, nai qakkanna, ag heppig bia ii hemananu appig, amge ag appig bia ii heppig.

Epesus 5:25

Kristus Nug nuhig tamaniaknu oo mauhe, Nug nukka nuhig bau dayak amu uua mauhom, amubia danab ag waalkad dilagnu oolag mauhaɗ!

Duteronomi 25:6

Anam amu, aa bekkalah tatamnu, amu gamu mauhom oela qettaglah. Anam dayeb, danab mauhom, nug onig Israel ippa ii qettoɗma, bekka tatamnu ah nug menutte amu, gamu danab mauhom ele, nug bekka aakku daatte.

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

Josua 7:9

Kanan danab, amu danab laala wan imuppa daatteb ele amu, ag imu beum doon, ag oo mekkan, ig iqappeg mauhkkunig. Ag amu hekkulag, amge O Yawe, amu anam beeb amu, na onin okkai, amuppa am attem bekku?” awa unuqittom.

Rut 4:9

Boas nug baeg gaɗa amu awowa, nug Israel dilag ikki danab, aria laala ele daappig amu, nug ag amelagppa aum. “Gemu ag imu oh anidna malappig, ag aakku laa aɗi heehe anttomnu mattiak danab beppig daatteb. Amuam ag da Elimelek, Kilion, Malon ele dilag keeke, Naomi eppegppa dayom amu, da amu oh daden memi anidppig.