Rut 4:1 - Nobonob Baibel

¹ Aria, Naomi, Rut ele aa amunu mattiya daaeheh, Boas nug ikki danab dilag qagmak aben aab nuhig odppa daatte, nug appa ta dayom. Dayeye, danab laa, nug Elimelek ele aa tiig laippunab, Rut ehanidkkunu anuqak dayom, Boas nug tatam nuhignu Rut amegppa aum ele, nug uɗiom. Uɗie, Boas nug onigppa eum. “Ne lai, inam doppe daaɗu!” awa aum. Boas nug anam a, nug do daapiɗ.

Rut 4:1 ပူးပေါင်းရင်းမြစ်များ

Genesis 19:1

Haen amu tueb Lot nug Sodom aabnu aɗ od guguittak dayeye, engel aɗit nopiɗ. Noeheh, Lot nug anata aha, uɗalah tekkunu gumata ukka, gateg qaun o, gomela, iɗu wanppa meum.

Genesis 23:10

Abraham anam a amu, Epron, nug Hit danab oolagppa dayeye, Hit danab ag aab okkainu aɗnu odppa daappig ele amu, ag daulag human daaegeg, Epron nug Abraham oɗeppa awa aum.

Genesis 34:20

Ahe amu, Sekem nug mameg ele aa ahilah aab okkaippa ikki danab dilag qagmak aben aab odppa daatte, aa appa aa lailti ele nai mattiglagnu gopiɗ.

2 Samuel 15:2

Nug anam ha, nug ele haen oh buttuanab aha, aab okkainu aɗ od guguittak ib giginppa daattom. Dayeye, laa nug layag nuhignu eheɗ heumnu dabmaama, king nug nai am doya bappaidkkunu uɗieye, Apsalom nug danab amu antta, amegppa, “Na atteg ted?” awa oɗ mette, danab amu nug aab diig, Israel dilag huu okkai attenppa dayom amu, nug Israel dilag huu okkai amu onig diia, “Da am nahip uɗat nid, da Israel dilag huu okkai imuppan danab,” awa nob ma attom.

2 Stori 18:9

Haen amuppa Israel dilag king, amu Juda dilag king Jehosapat ele, king aɗit amu aa kingnu lamen elab enanag takkadya, sia king ahilahppa, Samaria aɗnu od guguittak ee aeg mumuɗaknu aben dayom amu, aa aguppa daaeheh, propet laa ag aa noolahppa daan, propet nai ahilag madippig.

Job 29:7

Haen amuppa amu, da ikki danab dilag qagmak aben aab odppa daatteppa wami; da wain, appa aabnu haɗap-ppa da heɗep nein daami.

Job 31:21

o iitta, da hettoɗiak abenppa, da oolppa, ‘Da am danab onig ele, laa ag dahil nai dim lamidtteb,’ alom amunu, da nid ag mamelkad mauhadppig dilagppa eheɗ helomlob amu,

Sam 69:12

Ikki danab ag dahilnu nai nau maditteb. Ge, laa ag le nau laeg aqatte, ag da onil aon, ahi nauppa mena ettaladtteb.

Prowerb 31:23

Wan imunu ikki danab ag nug gamunu ena elele dootteb; gamu nug ikki danab laa amu, nug ag ele oh ikki danab dilag qagmak aben aab ahilag odppa daatte, ag amuppa qagmetteb.

Aisaia 55:1

Yawe atte. “Oe! Ag aun aɗi, ag le baalag diitte, ag leppa uɗin le laig! Ao, ag aun aɗi oh ag men doɗo iitta ele, ag amunu aib dabmeppig; ee ippa ina daattede, ag uɗin laig! Ge, ag men doɗo iitta ele, ag uɗin, wain, huh ele hamu aon laig!

Jeremaia 32:10

Aun wan amu mameg daattenu pepa amu, da pepa amuppa da onil yaai, danab laala ag pepa amuppa aɗi nai daatte anidna malan, onilag ele yaaeg, da pepa amu itoɗi qe, da pepa amu laa hamu kolamnanu qataqemi. Da qataqein maloya, da silwa amu skelppa mein mettami.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Sekaraia 2:6

Amu Yawe Nug atte. “Ag Israel danab ah, kekeɗ ag heeg, ag matatun gona, laih laih daatteb ele amu, ag eɗun uɗieg! Ag yawalti uɗitteppanu uɗieg! Aɗinu? Da hei, ag ulah waɗele uɗittebppanu, amuam kaɗag, yau, qaban, yawalti ele amu, ag aben amu ohppa matatun gona daatteb, ⌊amge ehanittak dahilppa ag aben amu ohppanu ahan, eɗun uɗieg!⌋” awa atte.

Duteronomi 16:18

Yawe, ahilag Kayak, Nug aab oh madakkun hette amu, ag amuppanu epeɗiak danab, amu okkai danab ele otiatteg! Ag Israel dilag huu okkai anen anen, ag anam heig! Ag otiadppeg, geha ag danab ah dilagppa epeɗiak, Israel wan ohppa nai doya mala hettoɗia epeɗia elele mettak kobol dim lamidnana hekkulag.

Duteronomi 17:5

ag danabte, o ahte anam eheɗ heum ele amu aon, aab amunu aɗ odppa wana, nug menppa makkuɗppeg mauhkkuoitte.

Duteronomi 21:19

mameg, anig ele aa bekkalah aɗaya aoya, ikki danab dilag qagmak aben ahilah aab odppa daatte, aa amuppa ikki danab gumadya wakkulahoitte.

Duteronomi 25:7

Amge danab mauhom ele nug awagtai, amagtai nug qappu aokkunu uukku dayeb amu, ah nug ikki danab dilag qagmak aben, aab nuhig odppa daatte, nug appa ukka, gamu mauhomnu ikki danab amelagppa inam akku. “Da gamul layag huh laippu, nug nug layag, da gamul mauhom amu, nug nug onig Israel ooppa humakkunu uuom. Nug da awiɗak uuom,” awa akku.

Josua 20:4

Laa nug laa ii doyaya qe mauhom ele, nug aab okkai amunu laappa oola ukka, nug ikki danab dilag qagmak aben aab odppa daatte, nug appa ta, nug aab amunu ikki danab amelagppa hibaitta, nug aɗi heumnu mehuqeb dooglag. Mehuqeb doona, ag danab nug laa ii doyaya qe mauhom ele amu uuidppeg, nug aab ooppa noob, ag nug aab amuppa, ag oolagppa dayaknu aben medappeg, oh daaglag.

Rut 3:12

Na attem am genab, da Elimelek ele i tiinih laippu, amge danab laa daatte, nug Elimelek ele, aa am tiig laippunab amunu, nug na ehanidkkunu amu, nug da eɗiltte.

Rut 3:18

Rut nug anam a amu, Naomi nug Rut amegppa aum. “O aɗel, Boas nug gemuib ana bappaidkkude amunu, aib dabmak kuɗum aome!” awa aum.