Rut 3:7 - Nobonob Baibel

⁷ Aria, Nug dayeye, Boas nug ee, le ele lawowa, oo gamag ahak doyeye, ameg ne, niikkun ha, nug bali aeg ameg qagmak guguittak ukka niiom. Nug anam niieye, Rut qinonob wana, blanget Boas layom ele, nug blanget amu baekuɗ ooppanu ukka, baeg baag batakppa kolowa, nug aguppa niiom.

Rut 3:7 ပူးပေါင်းရင်းမြစ်များ

Genesis 43:34

Ag anam daaegeg amu, Josep nug awakkud oh anen anen ee nuhig balalppanu tappiɗ laippu ag noolagppa paniom, amge Benyamin nug nuhig tappiɗ tanig ele noobppa meum. Nug anam heum amunu, ag ee, le ele aon elelenab lappig.

2 Samuel 13:28

Dawit nug ag oh gokkulagnu aum amunu, Apsalom nug nuhikkud danab amelagppa haknunab nai inam aum. “Amnon nug wain nakok okkai lab, kaaka nakok qeeb, da ag amelagppa, ‘Ag Amnon qeig!’ appi amu, ag qeppeg mauhaɗ! Ag aib baɗappig. Aɗinu? Da ag inam hekkulagnu iite ai dooppig? Ag ɠagattag daan, ag oolagppa ɠagattag doyeg! Ag heig!” awa aum.

1 King 21:7

Ahap nug Jesebel amegppa anam a amu, nug Ahap amegppa aum. “Aun nug Israel wannu king daatte? Nate o iitta danab laatai? Ahan, ee lanan, gaman ahaɗ! Da geha Jesril ted Nabotnu grep dad amu awe, na medakkul,” awa aum.

Esta 1:10

Aria, appa amu danab eblaih aɗit ele ag hipalag aqak ele, ag king laugppa daan, King Ekserksis ehanidttappig. Danab amu ag am Mehuman, Bista, Harbona, Bigta, Abakta, Setar, amu Karkas ele. Ee lanak deɗ eblaih aɗit ele amuppa King Ekserksis nug wain nakok huana la qe, nug danab amu amelagppa

Sam 104:15

Ee laa am muɗi grep meunu leppu, wain; wain amu he, danab nug gamag ahak dootte. Laa am olip ad meunu goɗen; danab ag aon beɗulag laaitteg ehanadtte. Laa am ee aeg bret haknu; ag ee aeg amu aon, bret hena lawona, ag ɠagattag aotteb.

Eklisiastis 10:19

Hobulppa amu, imak daatte; wain he, laa latte amu, nug nuhig dayaknu am enanag dootte, amge laa nug men doɗo ele, nug amu hekku.

Eklisiastis 2:24

Da amu oh anitti ukke, keeke laa ele anidmi. Amuam danab nug ee, le ele lanana, nug aɗi uɗat Kayak nug mettom am haaha, uɗat amunu nug oo hak dookkunu am ena; kobol laa oh eɗittak. Kobol amuam Kayak eppegppanu ihinigppa uɗitte, da anam anidttem. Am kobol ena.

Eklisiastis 8:15

Amunu amu, da danab nug aam waappa dayaya, gamag ahak dookkunu attem. Aɗinu? Nug ee, le ele lakku, gamag ahak ele aokku am enanag; keeke laa amu ii eɗidtte. Nug amu hekku dayeb amu, Kayak nug haen gane wan imuppa daya, uɗat hekkunu mettom amu, nug haen amuppa nuhig uɗat haknu gamag ahebeb daakku.

Eklisiastis 9:7

Am gemu amu, Kayak Nug na gamag ahak doon, ee, wain ele nahip lakkutnu oo hette amunu, na gona, oo gamag ahak ele nahip ee, wain ele la!

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Ikki Danab 16:25

Am danab ah appa daappig amu, ag oolag huananab gamag ahe, appig. “Ag Samson omalna uɗippeg, ig nug neekkidppupput, nug heebeb, ig gamag ahak okkai dootu!” aon appig. Ag anam enan appig amunu, ag Samson maniguittakppan aon waeg, nug heehe anidna, ag heeg, nug ahilag kayak hambuppuak laug gamagppa, lagnu biidod okkai menppa hak aɗit lag koɗokko maopiɗ ele amu, nug amu gamalahppa appa hibaitta dayom.

Ikki Danab 19:22

Ag daanna, gamag ahak doon, nug gamag aon heegeg amu, nau hak danab laa aab okkai amuppanu, ag lag eidna talilidna daanna, ag digmena od huanaknab qeqalnana, danab kaino, lag amu mameg, ag nug onigppa eppig. “Na danab uɗie, na ele daattep aon doppe, ig nug ele gappai aotu!” anana eppig.

Ikki Danab 19:6

Nug anam aum amunu, aa oh heɗep neya daayya, aa ee, le ele layaya, ah mameg nug aum. “Na tuqan imu ele daan, gamag ahak awe!,” awa aum.

Ikki Danab 19:9

Aa anam heeh ukke, tueb mekkun heehe, danab nug, nug wau amge waunab iitta, amu maɗi nid ele ag gokkulagnu babaittegeg, danab amu tana, ah mameg amu, nug aum. “Antte, imu uudotte. Na tuqan imu ele daan, gamag ahak awe! Butti buttuanab ahan gokkut,” awa aum.

Rut 3:6

Aria, Rut nug Naomi aum bia babaitta aha, Boas uɗat hedeppa ukkom. Ukka, appa nug ahipa aɗi aɗi hekkunu aum amu, nug aakku heum.

Rut 3:8

Niieye, tuqan tugmag me, attem he, Boas ameg oppate, eɗua ah laa baegppa niieye anttom.