Rut 3:14 - Nobonob Baibel

¹⁴ Boas nug anam aum amunu, Rut nug niiom abenppa eɗua niiom. Niie ukke, wagkkaɗkkun heehe, laa nug auntai antta dookkunu elele iitta haenppa Boas tatam ahe, Rut ele ahe amu, Boas nug Rut amegppa aum. “Danab laa nug ah ee aeg mumuɗaknu aben ippa uɗiom amu, laa nug ii dooma!” awa aum.

Rut 3:14 ပူးပေါင်းရင်းမြစ်များ

Eklisiastis 7:1

Danab nug onig ena ele daatte, amuam enub okkai aɗak eɗidtte; danab anam amu, mauhaknu deɗ nuhig am nuhig menuak deɗ eɗidtte.

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

Rom 14:16

Amu ag keeke laalanu ena dootteb ele, ⌊laa ag anam ii dootteb, na beɗunppa⌋ laa ag keeke amunu nai eheɗ amananu ag dabmeig!

1 Korint 10:32

Ag Juda danab laa, Grik danab laa, amu Kayaknu Kristen tamaniak dilag laa ele kobol ahilagppa heppeg, ag nena qemananu, ag tutukku daan oiyeg!

2 Korint 8:21

Am ig ehanittak kobol imu ib tutukkuppaib Naɗi amegppa hekkunignu dabmettem. Amge ig Nug amegppaib tutukku hekkunignu aakkuib ii hettem. Iitta. Ig danab ag ele ig kobol tutukkuppa hettem anidkkulagnu hettem.

1 Tesalonaika 5:22

Keeke eheɗ oh, ag dimatteg!

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

Rut 3:15

Boas nug anam awowa, nug nai tuɗitta aum. “Nahip ulahnu lamen meme amu aon dona, noob laih laih aɗe!” awa aum. A, nug lamen awa aɗe, Boas nug tappiɗ eblaih laippu ele bali aeg ita gokkaɗe, lamenppa noum. Goɗaɗe no, huma mette, mawa ukkom. Ugekke, Boas nug ele aha, aabppa ukkom.