Rut 3:1 - Nobonob Baibel

¹ Aria, haen laa ukke, Naomi nug Rut amegppa aum. “O aɗel, da heppi, na gamut laa aoppe, na nug ele aa laulahppa daayya, nug na atognoidkkunu ib laa anidkkul dayeb amu, da amu iite bappaidpa?

Rut 3:1 ပူးပေါင်းရင်းမြစ်များ

Genesis 40:14

Amge haen na gona ena daanna amu, na dahilnu daut aib atiom. Na gona daanna, na dahilnu oo mauhaknab doon ehaniɗkkutnu, na Paro dahilnu amegppa appe, nug doya, da maniguittak imuppanu uhuqiɗkkunu oɗ medattem.

Sam 128:2

Na danab anam laa daattem dayeb, Yawe Nug ana ehanitteb, na ee keeke aokkutnu eppenppa uɗat hettem ele, na amu ele daakkut. Ao, na gaman ahak doon, na elele daakkut.

1 Korint 7:36

Amge danab laa nug ah makkun laa ele aa nug tituanyaib oiyya, aa ewau matulak ii aoya, ah amu nug nakok kaino mekkunu heebeb, danab amu nug, “Da ah amu nuhigppa ena ii hettem,” doyaya, aa ewau matulak aoglahnu oo huana dayeb amu, aa ewau matulak aweɗ! Danab nug anam hekku amu, nug amuppa hipunin ii hema. Aa ewau matulak aoglah am ena.

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

1 Timoti 5:14

Amunu ah bau qak mak dilag ulum mettak nai dahil am ah bau anam amu, ag danab bau aona, nid menunna, ag laulag atognokkulagnu ɗo mettem. Ag anam heppeg amu kekeɗ laa ag ihinignu nai nau mattiglagnu ib laa ii anidmana.

1 Timoti 5:8

Am danab laa, nug tiilag laippu daatteb ele amu, ag oolagppa nug nuhikkudnab anuqak dabmadatta, dimppa laa oh ele dabmadatta atognoadtte am ena, amge laa nug nuhikkudnab anam ii dabmadatta, ii atognoadtte amu, nuhig ooppa genab doyak am hambuppuak, nuhig eheɗ hak amu ooppa genab doyak iitta dilag eɗadtte.

Rut 1:9

Yawe Nug heeb, aa danab bau diiya, anen anen laulahppa, uug iitta, ena daaglahnu ool daatte,” awa aum. Nug anam awowa, nug ootuqate, aa naɗi gaapiɗ.

Rut 2:23

Naomi nug anam aum amunu, Rut nug Boasnu maɗi ah gukkuatta oiyaya, bali aoeg iitta me, wit ele aoeg iitta me, nug ele uɗat aakku uuom. Haen nug uɗat heehe amu, nug ahipa ele oh daapiɗ.

Rut 3:2

Da amu hekkulnu amu, da inam dabmettem. Boas, na nuhikkud maɗi ah dim lamadnana, uɗat heme ele, nug Elimelek ele aa tiig laippu, amu tuqan imu nug ee aeg mumuɗaknu abenppa ulah bali dappunkkeg iwale ukkaknu uɗat hekkunu, nug appa daakku