Rut 2:9 - Nobonob Baibel

⁹ Uɗat nid ag dad adekkuppa daanna uɗat hetteb ele amu, na anadppe, appaib ag ele daanna, dahil maɗi ah dim lamadnana, uɗat he! Da uɗat nid dahilad, ag nahipnu eheɗ laa ii hemananu matu amelagppa ami amunu, aib baɗame. Laa amu, haen na le baat diieb amu, na gona, dahilad danab ag le tappiɗppa itappig ele amu, na tappiɗ amuppa le aon la!” awa aum.

Rut 2:9 ပူးပေါင်းရင်းမြစ်များ

Genesis 20:6

Abimelek anam a amu, Kayak Nug tulppa eɗua, nug amegppa aum. “Da doottem, na keeke imu heme, amge na doonna ii hee, na beɗunppa aab iitta amunu, da hei, na dahilppa hipunin ii heme. Da hei, na nug ele ii oipiɗ.

Job 19:21

O da lailad, Kayak Nug eheɗ oiɗom amunu, ag dahilnu oolag gai-iitta doon oolag meɗan ehaniɗkkulagnu oɗ madattem. Ge, ag dahilnu oolag gai-iitta doon oolag meɗan ehaniɗkkulagnu oɗ madattem.

Sam 105:15

Nug okkai danab amelagppa aum. “Ag dahilad, da goɗen gokkaɗakppa tituanadmi amu, ag amu dilagppa eheɗ laa aib heppig. Ao, ag dahil propet guittak aib madappig,” awa aum.

Prowerb 6:29

Amubia, danab aun laa nug danab laa wau ele niiglah amu, nug guittak aokku; nug geha amunu nob nau aokku.

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.

1 Korint 7:1

Gemu da nai imuppa ag ad uɗug meeg, dahilppa doum amu, da iikku nob mettem. Danab laa nug ewau matulak ii awak daakku dayeb, amuam nai iitta.

1 Jon 5:18

Ig doottem, danab aun nug Kayak bekka daatte amu, nug hipuninppa ii oitte. Kayak Bekka Jesus, Nug nug atognotte. Satan nug danab amu nakok laa ii aɗatte.

Rut 2:10

Boas anam a amu, Rut nug gateg qaun o, gomela, iɗu wanppa ma, nug Boas amegppa inam aum. “Da am wan laihnu ah amunu, diig aɗippa na da ena aniɗna, dahilppa kobol ena hettem?” awa oɗ mettom.

Rut 2:8

Uɗat gumak danab nug Boas amegppa anam a amu, Boas eɗua Rut amegppa aum. “O aɗel, da nai laa appi dookkutnu ool daatte. Na laa dilag dadppa gona, bali aib akkame. Na laih aib gome. Iitta! Dahil maɗi ah ippa daatteb amu, na ag ele dayeg!