Rut 2:7 - Nobonob Baibel

⁷ Amu gemu nug uɗia, nug da oɗ meɗa aum. ‘Da maɗi nid umu dim lamatte, bali ii aoeg daatteb amu, da aokkulnu elelete?’ Nug anam oɗ meɗe, da, ‘Yo,’ ai, nug aakku dad ooppa ukka, bali digma akka, ukku agakka oitte. Anam haaha, nug haen laippu haen tutuib pehppa hik awom,” awa aum.

Rut 2:7 ပူးပေါင်းရင်းမြစ်များ

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Prowerb 15:33

Danab nug Yawenu ebehi oh bodoetta le mette amu, nug doyak dabmak ena ele aotte; amu nukka onig qe nak, amuam tatam dayeb, dimppa binag ele daakku.

Prowerb 18:23

Daɗek danab nug laa nug nuhignu oo gai-iitta doya oo metta ehanidkkunu oo doyakppa unuqidtte; amge enub danab nug baag ɠagattagppa nob mette.

Prowerb 22:29

Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Rom 12:11

Amu ag aib bahilag yom. Iitta! Ag Kayak Ouɗinu ehanittakppa yagbak doon, Naɗinu uɗat pehettak hekkulagnu ag oolag metteg!

Galesia 6:9

Amunu ig kobol ena hekkunignu amu ebehinig aib bodoettom. Ig ebehinig bodo-ii-edakku amu, aria geha meu awak haenppa ig meu ena aakku aognig.

Epesus 5:21

Ag Kristusnu ebehilkad oh bodoetta le meeb, ag akka akka ag nug waappa dayeg!

Rut 2:2

Aria, anam daye, deɗ laa Moap ah Rut nug ahipa Naomi amegppa aum. “⌊I ee aoɗ lakkunihnu amu,⌋ na appe, da ukken, maɗi nid dilag gumak danab laa oɗ medappi, nug, ‘Yo,’ ab amu, da maɗi nid amu dim lamatte, bali gumu ikki ele ii aoeg daatteb amu, da aokkul,” awa aum. Nug anam a amu, Naomi nug aum. “Am ena, na gona akke!” awa aum.

Rut 2:21

Naomi nug anam a, Moap ah Rut nug aum. “Amuib iitta. Boas nug da amelppa inam ele aum. ‘Na dahilad maɗi ah ele oh oinna, ee aeg qagmaadppe ukkeb, ee aeg oh aon malappeg, na ele malakkut,’ awa aum.” Rut nug anam Naomi amegppa aum.

Rut 2:6

A amu, uɗat gumak danab nug aum. “Nug am Moap ah. Nug Naomi ele, aa Moap wanppanu uɗipiɗ.

Rut 2:8

Uɗat gumak danab nug Boas amegppa anam a amu, Boas eɗua Rut amegppa aum. “O aɗel, da nai laa appi dookkutnu ool daatte. Na laa dilag dadppa gona, bali aib akkame. Na laih aib gome. Iitta! Dahil maɗi ah ippa daatteb amu, na ag ele dayeg!