Rut 2:13 - Nobonob Baibel

¹³ Boas nug anam a amu, Rut nug nob ma aum. “O danab okkai dahil, na dahilnu ii helom bia me, na ehaniɗme. Na dahilnu nai bodoettak mattime amunu, da oolppa ɠagattag qettak doottem. Nahipad maɗi ah daatteb amu, ag am da eɗilak daatteb, da ag bia ii daattem, amge na kobol enanag dahilnu aakku heme,” awa aum.

Rut 2:13 ပူးပေါင်းရင်းမြစ်များ

Genesis 32:6

Anam awa a amu, danab ag nai aon gona, eɗun uɗina, haen amuppa ag Jakop amegppa appig. “Ig na awan Esau toppanu iikku uɗimut. Nug na uɗan tekkutnu uɗitte; nug amu nuhikkud daup 400 ele,” aon appig.

Genesis 33:10

Awa a amu, Jakop nug aum. “Iitta. Na oot dahilnu ena daatte dayeb amu, keeke da mettami am diikkutnu ool naɗi daatte. Aɗinu? Da Kayak iɗu anidlom amu, da ool okkai gamag ahalo. Amu na ena humiɗme amunu, da na iɗun anidttem, am da Kayak anidlom bia doottem.

Genesis 33:15

Jakop anam a amu, Esau nug aum. “Akku amunu, da dahilad danab laa na medappi, na ele daanna, na omaidna gokkulagnu ool daatte,” awa aum. A amu, Jakop aum. “Na, dahil okkai, na oot dahilnu ena daakkunu ippuniɗme, am aakku elele,” awa aum.

Genesis 33:8

Anam heeg, Esau nug aum. “Da doɗ ameg laala ibppa anadmi amu, aɗinu?” awa aum. A amu, Jakop oɗeppa awa aum. “O naɗi dahil, na oot dahilnu ena daakkunu mei, aon goppig,” awa aum.

Genesis 34:3

Sekem anam ha amu, nug Jakop aɗeg Daina ii uuittom. Iitta! Nug nuhignu oo mauhom. Amu ele, nug Daina amegppa nai enaib madittom.

Genesis 43:14

Nug anam ana amu, nug nai tuɗitta aum. “Kayak inam hekkunu amu, da ool daatte. Ag gona, danab amu noobppa teppeg, Kayak Nukka Ɠagattag Oh Ele Nug ag ehanatteb, danab amu nug ahilagnu oo gai-iitta doya oo matta ehanatta heeb, Simeon, Benyamin ele aa, ag ele eɗun uɗiglag. Da ib laa iitta amunu, oo guittak beeb amu, da anamib daakkul,” awa aum.

2 Samuel 16:4

Siba nug anam a, Dawit nug aum. “Keeke oh Mepiboset eppegppa dayom am, gemu nahip daatte,” awa aum. Awa a am Siba nug aum. “Na dahil okkai, dahil king. Da am nahip maɗi nid. Na dahilnu ena dookkutnu ool daatte,” awa aum.

Prowerb 15:33

Danab nug Yawenu ebehi oh bodoetta le mette amu, nug doyak dabmak ena ele aotte; amu nukka onig qe nak, amuam tatam dayeb, dimppa binag ele daakku.

Hosea 2:16

Amu deɗ laa uɗieb, nug geha dahilnu, ‘Gumitta danab uɗat ɠagattag meɗatte,’ anak uua, nug dahilnu, ‘Da gamul’, akku.

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

Ikki Danab 19:3

gamu nug maɗi nid laa awa, donki aɗit laa ele diia, Betlehem ukka, ah amu eɗua uɗikkunu oɗ medakkunu ukkom. Haen nug ah mameg laugppa te, ah nug omala, lag ooppa no, mameg nug gamag ahak ele danab amu nug ele laippu dayaknu ooppa eleleib doyom.

Rut 2:12

Yawe, Nug na kobol ena aɗi aɗi heme amu, Nug amu dabmaama, nob ena na medakkunu ool daatte. Na matuk nakkud ag anilag haug waappa padal mak eɗidna ena daaglagnu daatteb bia, na ippa uɗin, Yawe waappa daattem amunu, Yawe, Israel dilag Kayak, Nug nob itittak ena na medakkunu ool daatte,” awa aum.

Rut 2:14

Nug anam awowa, nug uɗat he ukke, ee lanak haen uɗie, Boas nug Rut amegppa aum. “Na dona, bret laih imu aon, wain imuppa mena la!” awa aum. Boas nug anam aum amunu, Rut nug do, Boasnu maɗi ah ele daappig. Nug anam dayeye amu, Boas nug ee aeg manik laa ele awa nug mettom. Mette la, oo dittie, big laa uue dayom.

1 Samuel 1:18

Eli nug Hana amegppa anam a amu, Hana nug enanag doya, amegppa aum. “O naɗi dahil, na dahilnu ena doome amu, da amunu enanag doottem,” awa aum. Hana nug anam awowa, nug aha ukka, ee laa laum; nug baula oo uug ele ii dayom, nug iɗu ii tiguguɗom.

1 Samuel 25:41

Ag anam aeg, Abigel nug amu doya, nug gateg qaun o, gomela, iɗu wanppa ma, nug aum. “Antteg! Da am naɗi dahil Dawitnu maɗi ah dayeye, nuhig maɗi nid baelag ihak uɗat hekkulnu babaitte daattem,” awa aum.