Rut 2:1 - Nobonob Baibel

¹ Aa teya daaeh, amu Betlehem appa danab laa onig Boas dayom; nug Naomi gamu Elimelek, ⌊Moap wanppa mauhom amu,⌋ nug nug ele, ahilah aab ikki laippu. Boas nug am danab okkai, nug enub ele.

Rut 2:1 ပူးပေါင်းရင်းမြစ်များ

2 King 15:20

Menahem nug 34,000 kilogram silwa amu Asiria dilag king, Tiklat Pileser medakkunu ha, nug danab men doɗo ele, amu oh dilagppa laib laib 600 gram silwa takis dayaknu awa mettom. Mette, Tiklat Pileser nug Israel uuatta ukkom.

Job 1:3

Nug baegppan nid am anam, amu Job nug ele en kuɗumnab ele. Nug sipsip 7,000, kamel 3,000, makau okkai ebehi ele 1,000, amu donki anig 500 ele. Nug doɗ amu oh ele, amu nug ele maɗi nid maɗi ah ele kuɗumnab ele. Danab digdig oh kaɗag uɗitteppanu daatteb ele amu, nug amu dilag laa oh eɗattom.

Job 31:25

o iitta, da en okkai ele amunu, gamag ahak eheɗ doolomlob, o iitta, da uɗat huana hein, en okkai aomi amunu, gamag ahak eheɗ aolomlob,

Matyu 1:5

Salmon wau Rahap ele, aa bekkalah am Boas. Aria, Boas wau Rut ele, aa bekkalah am Obet. Obet bekka am Jesi.

Luk 3:32

Dawit mameg am Jesi, Jesi mameg am Obet, Obet mameg am Boas, Boas mameg am Salmon, Salmon mameg am Nason.

Rut 2:2

Aria, anam daye, deɗ laa Moap ah Rut nug ahipa Naomi amegppa aum. “⌊I ee aoɗ lakkunihnu amu,⌋ na appe, da ukken, maɗi nid dilag gumak danab laa oɗ medappi, nug, ‘Yo,’ ab amu, da maɗi nid amu dim lamatte, bali gumu ikki ele ii aoeg daatteb amu, da aokkul,” awa aum. Nug anam a amu, Naomi nug aum. “Am ena, na gona akke!” awa aum.

Rut 3:12

Na attem am genab, da Elimelek ele i tiinih laippu, amge danab laa daatte, nug Elimelek ele, aa am tiig laippunab amunu, nug na ehanidkkunu amu, nug da eɗiltte.

Rut 3:2

Da amu hekkulnu amu, da inam dabmettem. Boas, na nuhikkud maɗi ah dim lamadnana, uɗat heme ele, nug Elimelek ele aa tiig laippu, amu tuqan imu nug ee aeg mumuɗaknu abenppa ulah bali dappunkkeg iwale ukkaknu uɗat hekkunu, nug appa daakku