Rut 1:16 - Nobonob Baibel

¹⁶ Naomi nug anam aum, amge Rut nug aum. “Na da uuitten, eɗue gokkulnu aib duttuniɗme! Aɗinu? Na adeppa goppe amu, da ele oh gokkunih. Na adeppa daappe amu, da ele daagnih. Danab ah na laipad daatteb, ag am dahilad daaglag. Nahip Kayak, Nug am dahil Kayak daakku.

Rut 1:16 ပူးပေါင်းရင်းမြစ်များ

2 Samuel 15:21

Dawit nug anam aum, amge Itai nug king aum, nug amu nob ma aum. “O dahil naɗi, dahil king, Yawe Nug genab bau daatte, dahil king na ele gemu genab bau daattem, genab amubia na adeppa gona daakkut, da, da nahip maɗi nid, da ele aguppa genab daakkul. Da anam hein, bau daakkultai, o da, da anam hein mauhkkultai, amge da dabmak ii baolipa,” awa aum

Sam 45:10

O ah makkun, ⌊king aɗeg wan laappanu⌋, na daut human, da doiɗe! Ao, na da aɗi attem amu, na dabmettan autna awe Na danab ah nahipad, amu na appan uma elenu daut atiaɗ!

Prowerb 17:17

Aun nug layam genab daatte amu, nug haen oh layagnu oo mauhak dootte; amu awakkud amakkud ele, ag uug haenppa nug ehanittak daaglagnu aakku daatteb.

Aisaia 14:1

⌊Yawe Nug geha Babilon heeb nauhkku.⌋ Aɗinu? Yawe Nug Israel danab ah dilagnu oo doya, oo madakku. Nug anukka ag nuhig danab ah daaglagnu Nug tituanattom, anamib geha Nug baula tituanatteb, ag nuhig daaglag. Amu Nug heeb, Israel ag eɗun gona, wan ahilagppanab daaglag. Ag daappeg, wan laihnu danab ag geha uɗin, Israel oolagppa daaglag. Daanna, Jakop buɗub bia bena daaglag.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.

Daniel 3:29

Ahilag Kayak anam ehanatte, ena daatteb amunu, da ɗo imu iikku mettem. Danab auntai, nug huu attenppanu, o nug ɗo maɗoɗ adekkuppanu, o nuhig nai am aɗi nai, keeke amu oh am keeke hamu, amge danab auntai laa nug Satrak, Mesak, Abetnego ele dilag Kayaknu nai eheɗ laa akku dayeb amu, laa ag danab amu beɗu tuqappeg, huppu naunau neeb, ag nug laug ele loppaɗppeg, kinipan ameg okkai hume tak anamib daakku. Kayak laa nug imubia danab ehanitteb, padal ii memananu laa iitta amunu, da ɗo anam mettem,” awa aum.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Hosea 13:4

Amu Yawe Nug atte. “Da Yawe, ahilag Kayak, da ag Isipnu diien, omalatti uɗippig. Ag laanu, ‘Nug Kayak,’ aib appig. Ao, ag laanu, ‘Nug danab ah ehanatte, padal ii metteb,’ aib appig. Iitta! Daib.

Sekaraia 8:23

Amu Yawe Nukka Ɠagattag Oh Ele Nug atte. “Haen amuppa amu, wanppan wan ohppanu, nailag ohppanu ele danab eblaih tanig ele ag ahan, Juda danab laippunu lamen elab daug koitak ele aɗan, ag akkulag. Kayak Nug ag ele daatteb doomut amunu, ig na ele daagnignu oɗ medattem. Ag anam akkulag.” Yawe Nug anam atte.

Matyu 8:19

Awa a amu, ⌊ag gokkulagnu daaegeg,⌋ ɗo mehuqak danab laa doa, Jesus amegppa aum. “Ippunittak danab, na adep adep gokkut amu da na dim lamidkkul,” awa aum.

Jon 13:37

Anam a amu Pita nug aum. “Naɗi attemun? Da geha imu na dim lamidkkulnu elele iittate? Da geha na ehanitten, da nahip aben awen mauhkkul amunu amu, da uugnab laa ii doottem,” awa aum.

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

1 Tesalonaika 1:9

Aɗinu? Danab aabaab ohppanu ag Tesalonaika, ahilagnu ag mattin, ag Tesalonaika danab ag ig ena atognoigppignu, ag Kayak Bauklel dim lamidkkulagnu kayak hambuppuak dottolkad aakku uuadppignu, ag eɗun Kayak Bauklel, genab ele waappa daan nuhig uɗat hekkulagnu,

Josua 24:18

Ig wan imu aognignu oitut amu, Yawe Nug Amo danab, ippan danab laala ele ippa daappig, amu lamattom amunu, ig ele Yawe waappa daata, Nug oɗe dim lamidkkunig. Aɗinu? Nug am ihinig Kayak.” Israel danab ah ag anam Josua amegppa appig.

Revelesen 14:4

Danab amu ag ah ele gappai kobolppa ag akka ag dubuttid ii medappig; ag oppiak daatteb. Ag Sipsip Nag aben ohppa gotte amu, ag Nug dim lamidtteb. Amu Kayak Nug danab amu wanppanu danab ah oh oolagppanu hipuninnu qagaiettakppanu eɗua uhuqe, ag ee meu tatam eɗua, ofa Kayak medakkunu daatte, ag amubia ofa Kayak, Sipsip nag ele mataknu daatteb.

Rut 1:15

Rut nug anam he, Naomi nug aum. “Antte! Na makkep nug eɗua, nug laikkud, nuhig kayak ele gumatta gotte amunu, na eɗun wappe, na nug ele oh ukkeɗ!” awa aum.

Rut 1:17

Na adeppa mauhppe, appa da ele mauhppi, boumiɗkkulag. Keeke laa wan imuppanu dayak ihinih ii otaɗma; mauhak aakkuib otaɗitkku. Da aɗi keeke dayak ihinih ii otaɗmanu nai ami amu, da heppi, meu ii beeb, Yawe Nug bu okkainab meɗakkunu ool daatte,” awa aum.

Rut 2:6

A amu, uɗat gumak danab nug aum. “Nug am Moap ah. Nug Naomi ele, aa Moap wanppanu uɗipiɗ.

Rut 4:15

Na kaino meppe, nid imu nug ɠagattag nitta atognoidkku. Aɗinu? Na ahipan, nug nahipnu oo mauhtte, nug menuom. Na begapad eblaih aɗit ele daan ehanidlob amu, na ahipan nug nahipnu amu eɗittak hette,” aon appig.