Rom 9:5 - Nobonob Baibel

⁵ Kayaknu danab anukkanu amu, ag am Israel danab memetalkadnab. Amu Kristus ele amu, Nug danab daakkunu, Nug Israel buɗulagppa doum. Nug am Nug Kayak, keeke oh dilag ikki daatte. Ig Nug binag hanhan metu! Genab.

Rom 9:5 ပူးပေါင်းရင်းမြစ်များ

Genesis 12:3

Danab aun laa na itittak ena medakku, da nug itittak ena medakkul, amge danab aun laa na eheɗ laa awaknu anak waappa daakkutnu akku amu, da nug eheɗ laa awaknu anak waappa daakkunu akkul. Wanppanu huu oh ag nahip-ppa itittak ena aoglag,” awa aum.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

1 King 1:36

King nug anam a amu, Jehoiada bekka Benaia nug kingnu nai nob ma, king amegppa aum. “Genab, anam dayaɗ! Am nahip Kayak, Yawe, Nug geha keeke oh na ame, amubia heeb bekkunu ool naɗi daatte.

1 Stori 16:36

Ag Yawe, Nug ig Israel, ihinig Kayak, Nug gemu daatte, butti aɗi ele hanhan anam daakku amu; ag Nug binag meig! Dawit nug Asap laikkud ele anam ippuanatta male, danab ah oh ag daan dooppig amu ag, “Genab, anam dayaɗ!” anana, ag, “Ig Yawe binag metu,” appig.

Sam 103:19

Yawe Nug he, nuhig sia king am hab aabppa daatte. Nug appa dayaya, Nug keeke oh gumadtte.

Sam 106:48

Ag Yawe, Nug ig Israel, ihinig Kayak, Nug gemu daatte, butti aɗi ele hanhan anam daakku amu, ag Nug binag meig! Danab ah oh ag, “Genab, anam dayaɗ!” aig! Ag Yawe binag meig!

Sam 41:13

Ig Yawe, Israel dilag Kayak, ig hanhan alet binag metu. Genab, anam dayaɗ! Genab, anam dayaɗ!

Sam 45:6

“O Kayak, ɗo maɗoɗ na kalame ele am hanhan daakku. Ao, nahip ɗo maɗoɗppa amu, nai doya mala hettoɗia epeɗia elele mettak kobol am anuqak daakku.

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

Sam 89:52

Ig Yawe hanhan binag metu! Genab, anam dayaɗ! Genab, anam dayaɗ.

Aisaia 11:1

Danab ag ad oeg qiia, dimppa ad amu ita bette, amubia Jesi buɗub ooppanu laa geha ba, nug king daakku. Ao, ad bunaɗom, diɗi ita qa ba meu otte, amubia Jesi buɗub laa dimppa ba, king dayaya, meu okku.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Jeremaia 28:6

“Genab, anam dayaɗ! Yawe Nug anam hekkunu da ool anam daatte. Na inam ame. ‘Yawe Nug geha heeb, laa ag Babilon keeke oh Yawenu lag imuppanu akkan goppig ele, ag keeke amu oh eɗun akkan uɗinna, amu danab ah oh diippig ele, ag ag ele diin ippa uɗiglag.’ Na propet nai amu ame amu, Yawe Nug nai nahip amu heeb, meu bekkunu ool daatte.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Luk 20:44

Ag iikkud antteg! Danab nug, nug bekkanu, ‘Naɗi’ ii atte, amge Dawit nug Kristusnu, ‘Naɗi,’ aum amunu, ig attem heta, ig Kristusnu, ‘Nug am Dawit bekka,’ akkunig?” awa aum.

Jon 10:30

Da Mamel ele amu i am laippu,” awa aum.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Aposel 3:13

Abrahamnu, Aisaknu, Jakop elenu Kayak, Nug am ig mamenkad aɗi dilag Kayak, Nug aakku nuhig uɗat imuppa nuhig maɗi nid Jesus binag amahlak oppiaawak ele mettom. Amge ag amu, ag Nug aon, kekeɗ eppelagppa meppig. Pailat nug uhuqkkunu aum, amge iitta, ag am danab amu, Nug Jesus amu, ag Nug Pailat noobppa dimedappig.

Rom 1:25

Danab anam amu ag Kayaknu nai doyak diig genabibppanu uun baolin, ag nai hambuppuak aoppig. Amu ag keeke Kayak hattom ele, ag keeke amu noolagppa dup nona binalag mena, amu dilag uɗat hena, ag waalagppa daanna, ag Kayak, Nug am keeke ohnu diig daatte ele, ag Nug dimedappig. Kayak amu, ig hanhan Nug binag metu! Genab.

Rom 1:3

Nai ena amuam Kayak Nug bekka, ihinig Naɗi Jesus Kristus, nuhignu nai. Wan imuppan menuakppa amu, Nug Dawit buɗubppa aakku doum.

Rom 10:12

Nai amuam ooppa genab doyaknu kobolnu Juda amu iitta aɗi ele ag Naɗinu neekkakppa huu piɗe piɗe daatteb ii ippunigtte. Iitta! Kayak laippuib, Nug am danab oh dilag Naɗi daatte, amunu danab aun aɗi ag Nug onigppa etteb ele, Nug ag itittak ena okkai madatte.

Rom 11:28

Israel ag Jesusnu Nai Ena doon uuna, ag Kayaknu kekeɗ daatteb, amu ag iitta aɗi ag amuppa ehanittak aotteb, amge Kayak Nug anukka Israel ag tituanattom amu, Nug ag alalkad dilag dabmaama, Nug ag Israel, ahilagnu Nug oo mauhak ele dootte.

1 Korint 14:16

Na anam ii hena, ouɗinppaib nai laappa Kayak unuqidna, “Ena heme,” abeppe amu, danab laa nug attemun unuqittak nahipnu, “Genab, anam dayaɗ!” akku?

2 Korint 11:31

Kayak, Naɗi Jesus Mameg, ig Nugib haen oh binag mekkunig amu, Nug dootte, da ham-ii-bubuttem.

Duteronomi 10:15

Amge Yawe Nug ag mamelkad aɗi dabmadatta, ahilagnu oo mauhehe, Nug ag buɗulkad daatteb ag otiattom. Gemu aakku anidttem, Nug ag mamelkad aɗi buɗulkad ag daatteb imu, ag epeɗiattom. Nug huu laa nuhikkud daaglagnu ii epeɗiattom.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

1 Timoti 6:15

Kayak Nug Jesusnu eɗua uɗiaknu haen epeɗiom daatte, amu haen amuppa amu Kayak Nug heeb, Kristus miag atikku. Kayak Nug am anuqaknab, Nug nukka am okkai daatte. Nug am king dilag King am naɗi dilag Naɗi.

2 Timoti 2:8

Na Jesus Kristus, da Nai Ena madittem amubia, Nug Dawit buɗubppanu doum, Kayak he, Nug eɗua hibaittom amu, na amunu haen oh dabmenan oiye!

Hibru 7:24

Amge Jesus Nug am hanhan bauklel daatte amunu, Nug mana mettak danab hanhan daakku. Baoliak laa iitta. Mana mettak dayak amuam danab laa eppegppa iinab wama

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

Revelesen 22:16

Da Jesus, da dahil engel laa mei, ahilagppa ukka, nai dahil imu tamaniak ohppa ag amelagppa mehuqkkulagnu madakkunu ukkom. Dawit nug dahilppan be, da nug buɗubppan bemi. Da hoɗopai boitinannu amahlak bia daattem,” awa aum.

Revelesen 22:20

Laa Nug nai imu oh aum amu Nug atte. “Yo, da paha eɗuen uɗikkul,” awa atte! Genab, Naɗi Jesus, na uɗie!

Revelesen 5:14

Aria, hab daup waɗele Kayaknu bauklel aotteb ele, ag am, “Genab, anam dayaɗ!” aegeg, ikki danab ag gatelag qaun ona, ag dup nona Kayak amu Nug Bekka Jesus ele binalah meppig.