Rom 9:20 - Nobonob Baibel

²⁰ Amge o danab, na am aɗi danab amunu na Kayak amegppa a ona a doak nai madittem? Wan hinai nug danab nug hette ele amu, nug amegppa, “Na aɗinu inam heiɗttem?” oɗ medattete?

Rom 9:20 ပူးပေါင်းရင်းမြစ်များ

2 Samuel 16:10

Nug Dawit amegppa anam aum, amge King Dawit nug nob ma aum. “O Seruia bekoɗ, ahilah dabmak am dahil ele laippu iitta. Yawe Nug danab amu amegppa, ‘Wana, Dawit eheɗ laa awaknu anak waappa dayaknu nai a!’ aum dayeb, diig amunu ele nug hette dayeb amu, aun laa nug nuhignu, ‘Aɗinu na anam hettem?’ anaknu elelete? Iitta. Laa iitta,” awa aum.

Job 16:3

Ag ulah naiib ii daye daye mattiglagte? Ge, ag aɗi uug anidna, ag ge iitta da amelppa, dahil dabmak eɗuglagnu nai maditteb?

Job 33:13

Aɗinu na Nug amegppa naittuɗ hena, Nug danab dilag nai doya, nob ii medattenu attem?

Job 36:23

Auntai laa nug Kayak ib attem dim lamidkkunu ippunittom? Laa anam iinab ippunittom. O iitta, auntai laa nug tutukku mattia, Kayak amegppa, ‘Na eheɗ heme,’ mattiom. Laa nug anam iinab mattiom.

Job 40:2

“Laa nug da, Da Dakka Ɠagattag Oh Ele, nug da ele nai auɗ ona auɗ dotte ele amu, nug da daul ele batakkute? Ge, laa nug da, Kayak, nug da naippa yaaiɗtte amu, nug da mattiminu nob aakku da meɗaɗ!” awa aum.

Job 40:5

Da matu nai mattimi, amge da nob baula ii mepa. Genab, da haen aɗit nai mattimi, amge da baula nai ii madipa,” awa aum.

Job 40:8

Na da nai doya mala hettoɗia epeɗia elele mettak kobol ii dim lamidttemnu dabmena attemte? Ao, na nakka na hena, genab tutukku hak danab daakkutnu, na da naippa yaaiɗkkutte?

Job 9:32

Anam, amge Kayak Nug danab iitta. Nug danabib da bia daalo, da Nug noobppa dayeye, Nug dahilnu atte amu, da nob mettalom; o iitta, Nug danabib da bia daalo amu, i oh hettoɗiak abenppa goɗa daaɗa, appa nai imu bappaidlop.

Aisaia 10:15

Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.

Aisaia 29:16

Amu ag ahilag dabmak am eɗuaknab daatte. Ag waa keeke hak danab, nug wan nug amuppa keeke hette ele, nug wan amu ele aa laippu bia dabmettebte? Amu wan waa nug aha, danab waa amu heumnu, “Nug da ii heiɗom,” akkute? O wan waa laa nug aha, danab heumnu, “Nug keeke laa ii dootte,” akkute? ⌊Amge ag dabmak eɗutteb ele ag amu, ag anam bia hetteb.⌋

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Jeremaia 18:6

“O Israel danab ah, da waa keeke hak danab hette bia amu, da ele amubia hekkulnu elele iittate? O Israel buɗub, wan am waa, hinai keeke hak danab eppegppa daatte, amubia ag da eppelppa daatteb.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Matyu 20:15

Nug anam ana, nug tuɗitta aum. ‘Da dahil keekeppa, keeke laala hekkulnu ool dayeb amu, da hekkulnu elele iittate? O iitta, da danab imu laa oh ehanadkkulnu hettem amu, na amunu amen qe, oot elele ii daattete?’ ” Jesus Nug anam aum.

Luk 12:14

Nug anam aum amge Jesus Nug amegppa aum. “Amu attemun? Aun nug da aa epeɗiatkkulnu meiɗa, amu ahilah keeke otikkulnu ele meiɗom?” awa aum.

Rom 14:4

Na am danab aun amunu na danab laanu maɗi nidnu nai eheɗ nuhignu attem? Am nahip keeke iitta, nug am Kayaknu maɗi nid. Nug uɗat nuhigppa ɠagattag hippaidkkutai o iitta nuhig uɗatppa na qekkutai, amu oh am nuhig gumak danabnuib keeke daatte, amge nug geha ɠagattag hippaidkku. Aɗinu? Naɗi Nug nukka ɠagattag qetteb, nug ɠagattag daakku.

Rom 2:1

Amunu, na danab aun, na laipad epeɗiadna, eheɗ heppignu nob nau aoglagnu attem ele amu, na am attemun? Na ele eheɗ amu hettem amunu, na Kayak noobppa, “Da hemi amuam da beɗulppa iitta,” akkutnu elele iittanab. Na laipad epeɗiadna, ag eheɗ hena, nob nau aoglagnu attem, haen amuppa na ele eheɗ nahipnu nob nau aokkutnu, na nakka nai beɗunppa iite yaattem?

Rom 2:3

amunu na, na am danabib, na laipad laa kobol anamnu epeɗiadttem ele, amge na ele kobol nau anamib ele hettem amu, na attem doottem? Na nakka Kayaknu hettoɗiak eɗidna oolna gokkutnu elelete? Iitta.

Rom 9:21

Waa keeke hak danab nug wan lekkoh iɗu laippuppa hinai aɗit, laa bala enanagnab, uɗat ena haknu, amu laa bala iitta, uɗat mauhnoak haknu haatkkunu dabmaama, nuhig dabmak dim lamitta hekkunu elele iittate?

Rom 9:22

Kayak Nug danab ah ag hipunin tuɗidib hena, padal mekkulagnu daappig, padal mak amu tonadkkunu, Nug heeb, nuhig oppoɗi bak am miag atiak bekkunu, Nug nuhig ɠagattag ele miag atiak daakkunu dabmak nakok okkaiib awom, amge Nug amu haknu uua ii heum. Iitta. Nug oo maɗoɗ kobol dim lamitta, dabmak amu aɗe ukke daye, paha ii heum.

1 Korint 1:20

Amunu danab doyak dabmak ena ele nug attemun? Danab doyak okkainab ele, nug ele am attemun? Attemun wannu haen imuppan danab nug oɗe alala eppa elelenab maditte? Kayak Nug wan danabnu doyak dabmak ena ele amu he, nai amu dabmak tutukku iitta iite daatte?

1 Korint 7:16

Ah na geha na danab nahip ehanidppe, nug oo eɗueb Kristen daakkute o iitta amu, na ii doottem. Aria danab na, geha na ah nahip ehanidppe, nug oo eɗueb Kristen daakkute o iitta amu na ele amu ii doottem.

1 Timoti 6:5

danab ag ahilag dabmak augigiak ele, ag haen oh oolag laippu iitta ele oitteb. Doyak diig genabib amu, ag ii aɗatteb, oolagppa ele ii daatte. Ag oolagppa Kayak nainu, “Keeke uɗat iittappa, hamu awaknu ib aakku,” aon atteb.

2 Timoti 2:20

Lag okkai laa ooppa tappiɗ laa golppa hak, laa silwappa hak, laa adppa hak, laa wanppa hak bia daatteb. Tappiɗ amu oolagppa amu, danab ag laalanu ena dootteb, amge laalanu amu enanag ii dootteb.

Taitus 2:9

Aria, begbeg maɗi nid dilagnu amu, ag ahilkad okkai ag Kayak, Nug ig eɗua awikkom ele amu, ag ib ohppa nuhig nai binag mekkulagnu begbeg maɗi nid ag ahilkad okkai waalagppa daanna, uɗat oh ahilkad okkai oolag ena daakkunu hena, ag dagom daanna, ahilkad okkai dilag nai dim lamidna, ag ahilkad okkai dilagppa yabhok ii hemana, ag ahilkad okkai ag ahilagnu oolagppa genab dooglagnu elele daatteb dooglagnu enaib hekkulagoitte.

Jems 2:20

Na danab dabmak tutukku iitta! Kobol ena hak ooppa genab doyakppa ii betteb dayeb, ooppa genab doyak amuam keeke hamu daatte. Da amu nai imuppa ippunidkkul.