Rom 9:19 - Nobonob Baibel

¹⁹ Amunu laa nug da amelppa inam akku. “Anam dayeb amu aɗinu Kayak Nug danab laa, nug beɗuppa nai yaatte? Aun nug Kayaknu dabmaknab awak qeeb nekkunu elele?”

Rom 9:19 ပူးပေါင်းရင်းမြစ်များ

Genesis 50:20

Anukka ag da eheɗ aokkulnu heppig, amge Kayak Nug ig ena, bau daagnig, gemu ig daattem, amubia, Nug amu dabma he, eheɗ hak amu eɗue, amuppa keeke ena beum.

2 Stori 20:6

nug inam aum. “O Yawe, ig mamenkad aɗi dilag Kayak, na hab attan daattem. Na wan anen anen dilag okkai daattem. Ɠagattag oh na eppenppa daatte. Na ebehin ele. Auntai laa nug na eɗidkkunu elele iitta.

Job 9:19

Laa nug nuhig ɠagattagppa Kayak eɗidkkunu elelete? Iittanab! Kayak Nug am ɠagattag oh ele. Ge, laa nug Kayak awa, hettoɗiak abenppa ukka, appa naippa yaakkunu elelete? Iittanab! Kayak Nug am nai doya mala hettoɗia epeɗia elele mettak kobolnu diig amunu, auntai laa nug naippa yaakkunu elele iitta.

Sam 76:10

Danab ah ag nahip oppoɗi bak eheɗ haknu anidtteb amu, ag na onin humidtteb. Ao, laa ag nahip oppoɗi bak anidna dootteb ele amu, ag nau haknu uutteb.

Aisaia 29:16

Amu ag ahilag dabmak am eɗuaknab daatte. Ag waa keeke hak danab, nug wan nug amuppa keeke hette ele, nug wan amu ele aa laippu bia dabmettebte? Amu wan waa nug aha, danab waa amu heumnu, “Nug da ii heiɗom,” akkute? O wan waa laa nug aha, danab heumnu, “Nug keeke laa ii dootte,” akkute? ⌊Amge ag dabmak eɗutteb ele ag amu, ag anam bia hetteb.⌋

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Mak 14:21

Danab Bekkalag da, Kayak nai atte amubianab, da mauhkkul, amge danab nug da kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Aposel 2:23

Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Rom 11:19

Amge ag anen anen ag inam akkulag. “Da olip ad amuppa tuɗittak daakkulnu, Kayak Nug eppekkud laala qiialatta awom,” aon akkulag.

1 Korint 15:12

Amge haen oh ig Kristus Nug mauhe, Kayak Nug he, Nug eɗua hibaittom, nai amu ig mehuqttem amunu, attemun ag oolagppanu laala ag nai inam aon maditteb? “Danab mauhom, nug eɗua ii hippaidma,” aon atteb.

1 Korint 15:35

Aria, danab laa nug inam ana oɗ mekku. “Danab mauhppig, ag attemu eɗun hippaidkkulag. Ag eɗun hippaidkkulag amu, ag geha beɗulag attemu aoglag?” awa akku.

Jems 1:13

Am hipunin hekkunu eeɗak haenppa danab laa nug, “Kayak da eheɗ hekkulnu eeɗiltte,” aib aum. Aɗinu? Kayak Nug eheɗ hekkunu eeɗak ii dootte, amu Kayak Nug danab laa eheɗ hekkunu ele ii eeɗtte.

Jems 2:18

Anam, amge danab laa nug, “Na amu ootppa genab doottem, da amu da kobol ena hettem,” awa akkutai. Amge anam iitta. Na ooppa genab doyakppanu uɗat ii hekkut dayeb, na attem hena, nahip ooppa genab doyak ippuniɗkkut? Da amu, da dahil ooppa genab doyakppanu uɗat, da amuppa dahil ooppa genab doyak na ippunidkkul.