Rom 8:9 - Nobonob Baibel

⁹ Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

Rom 8:9 ပူးပေါင်းရင်းမြစ်များ

Esekiel 11:19

Ag amu heppeg, da heppi, ag daib dim lamiɗkkulagnu oolag daakku. Da dabmak bau ag oolagppa mekkul. Da heppi, oo alag ahilagppa ii daama. Iitta! Da heppi, ag daib dim lamiɗkkulagnu oolag daakku.

Luk 11:13

Anam amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug nuhig Ouɗi ag madakku,” awa aum.

Jon 14:17

Nug am Kayak Ouɗi; doyak diig genabib diig. Wanppan danab ah wannu kobol dim lamidtteb ele, ag Nug aoglagnu am elele iitta. Aɗinu? Ag Nug ii anidtteb, amu ag ele Nug ii dootteb. Amge ag da ele geha iikku daatteb, ag am Nug dootteb, Nug ag ele daatteb, dimppa Nug ag oolagppa ele daakku.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Jon 3:6

Danab nug beɗu bau daakkunu, amuam anig mameg dilahppa aotte, amge danab nug Kayak Bekka bekkunu amu, nug amu Kayak Ouɗi eppegppanu aotte.

Aposel 16:7

ag gona, Misia tomppa appanu ag ahan Bitinia gokkulagnu heeg, Jesus Ouɗi Nug appa ele gomananu ib oo neum.

Rom 7:5

Amu ig oonig alag dim lamidmut haenppa amu, ɗo nug beɗunignu dabmak nau maɗette ahe, ig hipunin hemut. Kobol amu beɗunig laih naunau ohppa heehe, amuppa mauhak aakku beum.

Rom 8:1

Amunu danab ah ag Kristus Jesusnu daatteb, ag hipuninnu nob nau aoglagnu ii daatteb.

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

1 Korint 15:23

Anam, amge amu oh anen anen, ahilag haenppa awaknu daatteb. Tatam Kristus Nug eɗua hibaittom, aria dimppa, haen Kristus Nug eɗua uɗikku, laa ag nuhigppa daatteb ele, ag geha eɗun hippaidkkulag.

1 Korint 3:16

Ag am Kayaknu mettid lag, Kayak Ouɗi Nug ag oolagppa daatte amu, ag amu iite dootteb?

1 Korint 6:17

Ewau aa ouqak laippu daattep, amge danab nug Naɗi ele matulak daattep, nug aakku Naɗi ele ouqak laippu daattep.

1 Korint 6:19

Ag anen anen ag beɗulkad am Kayak Ouɗinu mettid lag ag iite dootteb? Kayak Nug nuhig Ouɗi ag mattom, ag oolkadppa daatte. Ag amu, ag akka ahilagnu iitta. Ag am Kayaknu daatteb.

2 Korint 10:7

Ag keeke unuqagnab amu ii anidtteb. Danab laa nug nuhignu, “Da am genab tutukku hak danab, Kristusnu danab daattem,” ɠagattag dabmette dayeb amu, nug eɗua imu ele doyaɗ! Nug am Kristusnu danab daatte, amubia ig ele am Kristusnu danab daattem.

2 Korint 6:16

Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

Galesia 4:6

Gemu ag Kayak bekkod daatteb amunu, Kayak Nug Bekka Jesusnu Ouɗi me, Nug ig oonigppa dayaya ehanikke, ig Kayak amegppa, “Mame, Mame!” attem.

Galesia 5:24

Kristus Jesusnu danab oh ag oolag alag, nuhig beɗunu kobol amu oo ahak nau kobol ele oh ad emaitakppa atulppig daatteb.

Epesus 1:13

Ag Epesus daatteb amu, ag ele nai doyak diig genabibppanu, amuam Kayak Nug ag eɗua diikkunu ib babaittomnu Nai Ena, nai amu doonna, ag Kristusnu oolagppa genab dooppig amunu, ag Kristusnu daatteb, amu ag Kayak Nug nuhig Ouɗi, anukka Nug megakkunu nai qakka aum amu, ag genab nuhikkudnab daatteb miag atiak daakkunu, Nug nuhig Ouɗi ag mattom.

Epesus 2:22

Kristusnu uɗat okkaippaib ameg aɗit amu ag ouaqe, laippu bena, ag Kayak Ouɗippa, Kayak Nug daakkunu laug aakku betteb.

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Pilipai 1:19

Aɗinu? Da doottem, ag Pilipai daatteb amu, unuqittak ahilkad, amu Jesus Kristus Ouɗi, nuhig ehanittak ele, keeke aɗit amu aa hepeɗ, da maniguittakppanu uhuqak aokkul.

2 Timoti 1:14

Kayak Nug doyak diig genabib na mettom, Kayak Ouɗi, Nug ihinigppa daatte amu, Nug na ehanittebeb, na pehettak atogno!

1 Pita 1:11

Kristus Ouɗi propet, ahilagppa dayom amu, Nug Kristus uug maokkunu, amunu binag amahlak oppiaawak ele dimppa uɗikkunu elenu dabmak mattom amunu, propet ag amunu haen, amu nuhig keeke laa ele hettoɗidttappig.

1 Jon 3:24

Anam amunu, laa ag Kayaknu ɗo dim lamidtteb amu, ag Kayak nuhigppa daatteb, amu Kayak Nug ele danab amu, ahilagppa daatte. Kayak Nug nuhig Ouɗi ig mekkom amunu, amuppa ig doottem, Nug ihinigppa daatte.

1 Jon 4:13

Nug nukka nuhig Ouɗi ig mekkom amunu amuppa ig doottem, ig nuhigppa daattem, amu Nug ihinigppa ele daatte.

1 Jon 4:4

O nid naunau dahilad, ag am Kayaknu amunu, ag propet hambuppuak eɗadppig. Aɗinu? Laa ag oolagppa daatte amu, Nug onig, ɠagattag ele am wan imuppan okkai eɗittak.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.

Revelesen 20:15

Aun laa nug onig buk laappa, amuam buk onig Bauklel Awa Onig Yaaknu buk, nug onig buk amuppa ii yaak amu, laa nug nug aab amegppa buɗie noum.