Rom 8:7 - Nobonob Baibel

⁷ Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

Rom 8:7 ပူးပေါင်းရင်းမြစ်များ

2 Stori 19:2

Hanani bekka Jehu, nug propet amu, nug aha, King Jehosapat uɗa ta, nug amegppa aum. “Na danab nau ehanidkkut am enate? Na laa nug Yawenu nau ninig ele doottenu oo mauhak dookkut am enate? Na anam heme amunu, Yawe Nug nahipnu oppoɗi bak dootte.

Job 15:13

Na amu hettem amunu, na nai nau mattinna, Kayak yaattem; na nai nau huanak na oɗenppa madittem.

Sam 53:1

Am danab ag Kayak dab-ii-menan ii dim lamidtteb ele ag akka ag oolagppa, “Kayak laa ii daatte,” atteb, danab amu ag diilkad ena iitta, uɗig wak ele. Kobol ag hetteb am, kobol uɗig wak ele. Auntai laa ena ii hette!

Eksodas 20:5

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Jeremaia 13:23

Kus danab nug nukka nug heeb, nug gaɗa eɗua, laa daakkunu elelete? Doɗ lepad, gaɗa otultul ele, nug nukka nug heeb, otultul amu eɗua, laa daakkute? Amubia ag eheɗ tuɗidib hetteb ele, ag akka ag hena, ag ena hekkulagte?

Esekiel 14:5

Da Israel danab ah oh, ag da uuiɗna, kayak hambuppuak dim lamadtteb amu, ag dabmak amu uun, eɗun daib dim lamiɗkkulagnu, da anam hekkul,’ awa atte.

Matyu 12:34

Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag?

Matyu 5:19

Amunu danab laa nug ɗo nai ooppa ɗo nakoknab laa tippala, nug danab laa ele ag amu hekkulagnu ippunadkku amu, nug onig Kayaknu ɗo maɗoɗppa nakoknab daakku, amge danab ɗo dim lamittatta, danab laa dim lamidkkulagnu ele ippunadkku amu, nug Kayaknu ɗo maɗoɗppa onig okkai ele daakku.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Rom 1:30

layag baeg qak anak kobol, Kayaknu nau ninig ele doyak kobol, laa dilagnu eheɗ doya nai tappe nak kobol, beɗuppa tak kobol, ag akka onilag humana amunu nai mattiak kobol ele hetteb. Ag kobol nau bau digdignu dabmena hetteb, amu ag anilkad mamelkad oɗelag dim ii lamidtteb.

Rom 3:31

Amunu ig ooppa genab doyak amuppatai ɗo qeut neumte? Iittanab! Ig ɗo aakku qappamut daatte.

Rom 5:10

Aɗinu? Anukka ig Kayaknu kekeɗ daautut, Nug Bekka ihinignu mauha amu, mauhak nuhig amuppa Nug kekeɗ kobol he iitta me, gemu ig Kayak ele oonig laippu daattem. Kayak he, ig Nug ele oonig laippu daattem, Nug Bekka ele bau daatte, diig amunu genabnab genab Kayak Bekka ⌊Nug Kayaknu oppoɗi bak,⌋ Nug amuppanu eɗua awigkku.

Rom 7:22

Aɗinu? Da dahil dabmak unuqagppa amu, da Kayaknu ɗonu enanagnab doottem,

Rom 8:4

Nug anam heeb, ɗo nug tutukku oiyak kobol ippunigtte amu, ig laa, ig oonig alagnu kobolppa ii oittem, ig Kayak Ouɗinu kobolppa oittem ele amu, tutukku oiyak kobol amu ihinigppa bekkunu heum.

1 Korint 2:14

Amge danab nug Kayak Ouɗi ii awom ele, nug Kayak Ouɗinu dabmak ii aotte. Aɗinu? Nug dabmak amunu, “Dabmak tutukku iitta,” anam dabmette. Dabmak amunu amu, Kayak Ouɗi Nug danab ehanidkku dayeb, nug dabmak amunu oo maidkku amunu, danab ag Kayak Ouɗi iitta ele, ag am dooglagnu elele iitta.

1 Korint 9:21

Aria da ukke, danab ⌊Juda dilag⌋ ɗo iitta ele, da ag diiadppi, ag Kristusnu oolagppa genab dooglagnu da ag gumatte ukke amu, ag amelagppa aniɗkkulagnu da danab ⌊Juda dilag⌋ ɗo iitta ele bia daami. Amge da Kayaknu ɗo amu ii qe-eɗidmi. Iitta. Da Kristusnu ɗo amu dim lamidmi.

Kolosi 1:21

Anukka ag Kolosi danab ah ag dabmak eheɗ aon, kobol nau ele heppig amunu, ag Kayaknu kekeɗ daappig. Ag Kayak ele ouqak ii daappig, piɗe laih daappig.

Kolosi 2:18

Danab laa nug danab amelagppaib nug onig qe nette, amge ooppa nug nukka nuhignu, “Da am danab onil ele,” dootte, nug ele engel binalag mette amu, nug ag hambuppualatteb, ag nob ena Kayak madakkunu dabmette ele ii aomnanu ag danab amubia waappa aib daappig. Danab amubia amu nug tul niiakppa o ib attenppa aɗi keeke anttom ele amu, nug amunu nai kuɗum mattiaya, nuhig dabmak, Kayak Ouɗi Nug dabmak nuhig ii gumatte ele amu, nuhig dabmak amu he, danab amu nug nukka nuhignu am binag okkai ele dootte.

2 Timoti 3:4

Ag kadoi layag kekeɗ eppelagppa mak kobol, ahilag dabmak nau paha dim lamittak kobol, amu enaen mak kobol ele hekkulag. Geha ag beɗunu gamag ahak digdig kobol amunuib oolag mauhebeb, Kayaknu amu oolag ii mauhma.

Hibru 8:10

Amu Naɗi Nug tuɗitta inam ele aum. “Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Geha da Kayak ahilag daakkul; ag am dahil danab daaglag.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.

2 Pita 2:14

Hambuppuak ippunittak danab amu ag ewau pakkua gappai hak kobol hekkulagnu ah oh neekkadnana daatteb, ag hipunin hekkulagnu oolag ahakib daatte. Ag kobol amu henana, laa ag kobol tutukku dim lamittaknu bodoettak amu eeɗatteh, ag hipunin hetteb. Ag baubau awaknu hik aqeeqe men doɗo awaknu kobol amu, ag amu doon autna aotteb. Ag eheɗ laa awaknu anak waappa daanna oitteb.