Rom 8:14 - Nobonob Baibel

¹⁴ Aɗinu? Danab aun aɗi ag Kayak Ouɗi Nug ib ippuanatte, ag ib amu dim lamidtteb ele, ag am Kayak bekkod.

Rom 8:14 ပူးပေါင်းရင်းမြစ်များ

Sam 143:10

Na am dahil Kayak amunu, na da nahip dabmak awak dim lamitten hekkulnu ippuniɗkkutnu oɗ medattem. Nahip Ouɗi, Nug am Ouɗi enaib amu, Nug anuqa ugakka, Nug da ib ena, tutukkuppa omaiɗkkunu unuqidttem.

Prowerb 8:20

Da, Doyak Dabmak Ena Ele, da hanhan genab tutukku hak kobol aakkuib hettem; da hanhan nai doya mala hettoɗia epeɗia elele mettak kobol hettem.

Hosea 1:10

Anam aakku, me geha haen laa uɗieb, Israel am wan laa onig okkai ele daakku. Deɗ amuppa nuhig danab ah geha yu ihippa abuɗ huanak daatte, amubia ag huanak daaglag. Geha huanaknab, ebaqaknu elele iitta daaglag! Amu aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.

Matyu 5:9

Danab aun aɗi ag maɗoɗ ikki daatteb ele amu, ag itittak ena aoppig daatteb. Aɗinu? Kayak Nug ahilagnu, ‘Ag am da bekkalad,’ awa akku.

Jon 1:12

Amge laala ag Kristus aoppig, ag nuhignu oolagppa genab dooppig amu, ag aakku Kayak bekkod daaglagnu ɠagattag mattom.

Rom 8:19

Amunu keeke oh Kayak hattom ele, keeke amu oh am, ig Kayak bekkod, ig geha miag atiak bekkunignu haen ameg mena, ikkilag human neegna daatteb.

Rom 8:5

Danab ag oo alagnu kobolppa oitteb, ag oo alagnu keekenu dabmak anuqak aotteb, amge danab ag Kayak Ouɗinu kobolppa oitteb, ag am Kayak Ouɗinu kobol, ag amunu dabmak anuqak aotteb.

Rom 8:9

Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

Rom 9:26

Amu Hoseanu nai laa am, “Aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.” Hosia nug Kayak oɗe anam awa yom.

Rom 9:8

Nai amuam inam ippunigtte. Aun aɗi ag wan imuppan kobolppa, ag am Abraham buɗub beppig daatteb ele, ag amunu Kayak bekkod ii daatteb. Iitta. Laa ag Kayak Nug nuhig nai qakka aum, ag amunu oolagppa genab dootteb ele, ag am Kayak bekkod, Abraham buɗubnab daatteb.

2 Korint 6:18

geha da ag Mamelag daakkul; ag am da bekkalad aɗelad daaglag. Da Naɗi Dakka Ɠagattag Oh Ele, da anam awe attem.”

Galesia 3:26

Ag oh Kristus Jesusnu oolagppa genab dooppig amunu, ag Kayak bekkod daatteb.

Galesia 4:5

Nug ig ɗo waappa daamut, ig amunu qagaiettakppanu eɗua uhuqak ha mekkeb, ig Kayak bekkodnab beta daagnignu anam heum.

Galesia 4:6

Gemu ag Kayak bekkod daatteb amunu, Kayak Nug Bekka Jesusnu Ouɗi me, Nug ig oonigppa dayaya ehanikke, ig Kayak amegppa, “Mame, Mame!” attem.

Galesia 5:16

Da inam attem. Kayak Ouɗi Nug oiyak ahilag gumebeb, ag Nug dim lamidna oiyeg! Ag anam hena amu, ag beɗunu kobol ii dim lamidmana.

Galesia 5:18

Anam daatte, amge ag Kayak Ouɗinu ehanittak aon oitteb dayeb, ag ɗo dim lamittak uɗat amu ii hemana.

Epesus 1:5

Nug anukka dabmaknab awom, oo ele niiom bia amu, Nug Jesus Kristusnu uɗatppa ig tainig mawa, Nug bekkod daagnignu meikkom daattem.

1 Jon 3:1

Ag imu doyeg! Mame Nug ihinignu oo huanaknab mauhtte, amu diig amunu Nug ihinignu, “Da bekkalad,” atte. Amu ig genab Nug bekkod daattem. Wanppan danab ag ii dooigtteb. Aɗinu? Ag Kayak ii dootteb.

1 Jon 3:24

Anam amunu, laa ag Kayaknu ɗo dim lamidtteb amu, ag Kayak nuhigppa daatteb, amu Kayak Nug ele danab amu, ahilagppa daatte. Kayak Nug nuhig Ouɗi ig mekkom amunu, amuppa ig doottem, Nug ihinigppa daatte.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.