Rom 7:6 - Nobonob Baibel

⁶ Amge gemu ig danab laa nug mauha, ɗo waappa baula ii daatte, amubia ig ɗo, nug ig tonikke daamut ele amu, nug waappa ii daattem. Gemu ig ɗo nai yaak daatte ele, amu waappa daata, amuib dim lamidkkunignu uɗat ii hettem. Iitta. Ig am kobol bau, Kayak Ouɗi ihinigppa maɗette ahom ele amu, ig amu hettem.

Rom 7:6 ပူးပေါင်းရင်းမြစ်များ

Esekiel 11:19

Ag amu heppeg, da heppi, ag daib dim lamiɗkkulagnu oolag daakku. Da dabmak bau ag oolagppa mekkul. Da heppi, oo alag ahilagppa ii daama. Iitta! Da heppi, ag daib dim lamiɗkkulagnu oolag daakku.

Esekiel 36:26

Da amu hewoya, da ag oolag alag hiɗe, oolag bau madakkul. Da heppi, ag dabmak laa ele aɗan oiglag. Ag oolag alag am ɠagattagnab, men bia, amge da amu hiɗen, oolag bau, oolag ena, ɠagattagnab men bia iitta, oolag amu da ag madakkul.

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

Rom 12:2

Danab laa ag wannu haen imuppan kobolnuib guattak oitteb, ag amubia aib oippig. Iitta! Kayak Nug heeb, ahilag dabmak ena bau beeb, ag oiyak bauppa oiyeg! Ag anam henana, ag Kayak, Nug ag aɗi hekkulagnu dabmaknab aotte, ag amu dooglag. Ag amu doona, ag Kayak Nug aɗi haknu ena dootte, aɗi haknu enanag dootte, aɗi haknu elelenab dootte amu, ag amu ele dooglag.

Rom 6:11

Amubia ag Kristus Jesusnu uɗatppa, ag hipuninnu ɠagattag waappa ii daatteb, amge ag Kayak oo niitte amuib dim lamidkkulagnu daatteb, ag amu oh dabmenan oiyeg!

Rom 6:19

Amu dabmak ahilag ɠagattagnab ii qeum amunu, da danab ihinig kobol laappa imu ippunadkkulnu heinne attem. Anukka ag genab tutukku hak kobol uuna, ag beɗulkad laih oh ag kobol dubuttid ele, ɗo tappe naknu kobol ele, ag amunu begbeg maɗi nid maadna, ag ɗo tappe nak kuɗum digdig, nau ahilag tuɗitta naunab gotte amu, ag kobol amu ele tuɗidna hekkulagnu heppig. Gemunu amu, ag oppiaawak danab bekkulagnu ag ag beɗulkad laih oh kobol tutukkunu begbeg maɗi nid maatteg!

Rom 6:2

Iittanab iitta! Aɗinu? Ig am danab mauhom, hipunin laa ii hette, amubia ig hipunin haknu matu uumut amunu, ig attem heta, gemu ig kobol uumut ele eɗut baula hetat oignig?

Rom 6:22

Amge Kayak Nug ag hipuninnu kobolppanu uhuqatta, Nug ag nuhig begbeg maɗi nid maattom amunu, ag nuhig keeke ena aonna, oppiaawak danab betteb. Ag anam bettebnu gogtak amu ag bauklel hanhannu aoglag.

Rom 6:4

Ig layattak aomut amunu, amuppa ig aakku Kristusnu mauhakppa, ig ele laippu mauhmut. Ig anam mauhut, Kayak Nug ig Kristus ele laippu boumikkom daamut. Ig anam daamutnu diig am, Mama Nug nuhig ɠagattag okkai amuppa he, Kristus eɗua hibaittom, amubia Nug heeb, ig ele oiyak bau aot oignignu elele daagnig.

Rom 7:1

O lailad, ag ɗo nai dootteb amunu, ag ɗo nug danab bau daatte, haen amuppa aakkuib nug danab amu tonatte ele dootteb.

Rom 7:2

Ag amu anidkkunignu amu da nai imu madippi dooglag. Ah laa nug danab awom amu, gamu nug bau daatte haenppa, ah nug aakku ɗo atte bia, nug gamu eleib ewau daaglahnu daatte. Amge gamu mauheb amu, ɗo amu ah amu geha ii toneb, nug aakku ɗo amu waappa ii daatte.

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.

2 Korint 3:6

Kayak Nug he, ig elele daata, ig nug tituana nai qakkak baunu maɗi nid daattem. Tituanak bau imu amu, nuhig ɗo nai yaak laa iitta. Iitta. Nug am Kayak Ouɗinu keeke. Ɗo nai yaak, amuam danab qe mauhtte, amge Kayak Ouɗi Nug danab bauklel medatte.

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Galesia 6:15

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Kayak Nug he, ig danab Kristusnu uɗat okkaippa bau menuak aot daattem amuib am keeke ena, keeke genabnab daatte.

Epesus 4:24

Laa amu, ag oolag bau, Kayak Nug, Nug bia, genab tutukku hak kobol dim lamitta, Kayaknu oppiaawak ele daakkunu babaittom amu, ag amu aon, danab bau oiyeg!

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Kolosi 3:10

ag danab bau beppig daatteb. Amu Kayak Nug danab bau amu heum. Amu Nug ag hanhan doyak madatta he, ag bau bena, Nug biaib daatteb.