Rom 7:3 - Nobonob Baibel

³ Amu gamu nug bau dayebeb, wau nug uuitta, danab laa aweb amu, ag ah amunu, “Ewau pakkua gappai hak ah,” aon akkulag. Amge gamu mauhom dayeb, ɗo amu nug baula ii tonatte amunu, nug danab baula aweb, nug aakku ewau pakkua gappai hak ah ii daama.

Rom 7:3 ပူးပေါင်းရင်းမြစ်များ

Eksodas 20:14

Na ewau aib pakkuna gappai heme.

Lewitikas 20:10

Am danab laa nug ewau pakkua heeb, danab laa wau ele gappai hekkulah dayeb, ag ah danab ele oh aqatppeg mauhkkulahoitte.

Matyu 5:32

amge da ag amelagppa attem. Danab aun nug wau ewau pakkua gappai ii heum ele, amge danab nug ewau ahilah otaɗtte, amu ah amu nug danab laa aotte dayeb amu, nug gamu tatamnu aakku he, ah nug ewau pakkua gappai hak kobol hette. Aria, danab nug ah amu dimppa aotte amu, nug ele ewau pakkua gappai hak kobol hette.

Rom 7:2

Ag amu anidkkunignu amu da nai imu madippi dooglag. Ah laa nug danab awom amu, gamu nug bau daatte haenppa, ah nug aakku ɗo atte bia, nug gamu eleib ewau daaglahnu daatte. Amge gamu mauheb amu, ɗo amu ah amu geha ii toneb, nug aakku ɗo amu waappa ii daatte.

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.

Rut 2:13

Boas nug anam a amu, Rut nug nob ma aum. “O danab okkai dahil, na dahilnu ii helom bia me, na ehaniɗme. Na dahilnu nai bodoettak mattime amunu, da oolppa ɠagattag qettak doottem. Nahipad maɗi ah daatteb amu, ag am da eɗilak daatteb, da ag bia ii daattem, amge na kobol enanag dahilnu aakku heme,” awa aum.