Rom 7:23 - Nobonob Baibel

²³ amge da ɗo laa ele da beɗul laih laih oh daatte anidttem. Ɗo laa amu, amuam ɗo dabmak dahilppa daatte iitta; ɗo laa amuam hipuninnu ɗo, dahilppa uɗat haaha daatte ele. Anam amu, hipuninnu ɗo am ɗo dabmak dahilppa daatte eɗidkkunu ban hette. Hipuninnu ɗo nug anam haaha, da hippaliɗe, da danab nug maniguittakppa dayaya, nuhig dabmak dim lamidkkunu elele iitta, amubia da kobol ena dim lamidkkulnu, am elele iitta.

Rom 7:23 ပူးပေါင်းရင်းမြစ်များ

Sam 142:7

O Yawe, da na binan mekkulnu elele daakkulnu amu, na uug da toniɗtteb imu mautkkutnu oɗ medattem. Anam dayeb, dimppa genab tutukku hak danab ah ag keeke ena ena na dahilppa heme amu anidna, ag doppeg, da ele tamanignig. Aɗinu? Na dahilnu kobol ena heme.

Eklisiastis 7:20

Wan imuppa genab tutukku hak danab daatteb, amge ag oolagppa laippu laa nug tutukkuib haaha, deɗ laa hipunin iinab hette laal ii daatte.

Rom 6:13

Ag anen anen ag kobol nau hekkulagnu, ag beɗulkadnu laih laih oh hipunin eppegppa aib meppig. Iitta! Ag danab mauhppig eɗun hippaidppig bia daatteb amunu, ag beɗulkad laih ohppa genab tutukku hak kobol hekkulagnu, ag meulkad oh Kayak metteg!

Rom 6:19

Amu dabmak ahilag ɠagattagnab ii qeum amunu, da danab ihinig kobol laappa imu ippunadkkulnu heinne attem. Anukka ag genab tutukku hak kobol uuna, ag beɗulkad laih oh ag kobol dubuttid ele, ɗo tappe naknu kobol ele, ag amunu begbeg maɗi nid maadna, ag ɗo tappe nak kuɗum digdig, nau ahilag tuɗitta naunab gotte amu, ag kobol amu ele tuɗidna hekkulagnu heppig. Gemunu amu, ag oppiaawak danab bekkulagnu ag ag beɗulkad laih oh kobol tutukkunu begbeg maɗi nid maatteg!

Rom 7:14

Ig doottem, Kayak Nug nuhig ɗo am Kayaknu dabmak ippunigtte, amge da ool alag ele amunu, da Kayaknu dabmak ii dim lamidttem. Hipunin da hippaliɗom amunu, da nuhig begbeg maɗi nid daattem.

Rom 7:21

Anam amunu, kobol inam da oolppa daatte amu anidttem. Da kobol ena hekkulnu ool hette, amge kobol nau nug ele dahilppa daatte.

Rom 7:5

Amu ig oonig alag dim lamidmut haenppa amu, ɗo nug beɗunignu dabmak nau maɗette ahe, ig hipunin hemut. Kobol amu beɗunig laih naunau ohppa heehe, amuppa mauhak aakku beum.

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

Galesia 5:17

Beɗunu kobol amu Kayak Ouɗinu kobol ele aa laippu iitta, aa piɗe piɗe amunu, Kayak Ouɗi Nug beɗunu kobol guhuɗittette, beɗu amu Kayak Ouɗi guhuɗidtte. Anam daatte amunu, ag keeke laa hekkulagnu oolag unuqagppa daatte amu, ag elele iitta.

Hibru 12:4

Ag am hipunin qeppeg nekkunu ban heppig, amge ban amuppa ag tiilag ii ne mauhppig.

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.

Jems 4:1

Aɗi keeke nug he, ⌊naippa⌋ ban hak, nug mehqak ele ahilagppa bettep? Keeke amunu amu, ag beɗulagppanu kobol digdig hekkulagnu ɠagattag dabmeegeg he, ag nai hak kobol amu hetteb.

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.