Rom 7:14 - Nobonob Baibel

¹⁴ Ig doottem, Kayak Nug nuhig ɗo am Kayaknu dabmak ippunigtte, amge da ool alag ele amunu, da Kayaknu dabmak ii dim lamidttem. Hipunin da hippaliɗom amunu, da nuhig begbeg maɗi nid daattem.

Rom 7:14 ပူးပေါင်းရင်းမြစ်များ

Genesis 37:27

Ahappeg! Ig amanig mepput, Ismael buɗub imu ag daden meppeg, men doɗo aognig. Kobol amuam ena. Anam heta, ig amanig qepput ii mauhma. Aɗinu? Nug ig ele am tiinig laippu,” awa aum. Nug anam a amu, nug awakuɗ amakkud ele ag, “Ig anam hekkunig,” aon appig.

Genesis 37:36

Ag anam heegeg amu, Ismael buɗub Midian wanppa daappig ag Josep aon gona meeg, Isip danab onig Potipar, Paronu ehanittak anuqak danab, nug danab laa Paro gumappig dilag okkai amu, nug Josep daden ma awom.

Genesis 40:15

Aɗinu? Anukka laa ag Hibru wanppanu aɗailna awiɗna uɗieg, iikku daattem. Amu ippa ele da maniguittak nau gatatu ele imuppa daakkulnu kobol eheɗ laa ii hemi,” awa aum.

1 King 21:20

Elaiya nug Yawe nai aum amu awa, nug Ahap gumitta ukkom. Ukka te amu, haen Ahap nug Elaiya antta, nug inam amegppa aum. “Kekeɗ dahil na, na eɗun dahilppa bemete?” awa aum. Awa a amu, Elaiya nug aum. “Ao, da na maditte uɗimi. Aɗinu? Na kobol eheɗib nahip ɠagattag ohppa hekkutnu dabmenan oittem. Yawe Nug nuhig neekkakppa kobol amunu am nauib dootte.

1 King 21:25

Haen Ahap nug king dayom amu, Nug Kayaknu neekkakppa genabnab genab nug kobol eheɗib nuhig ɠagattag ohppa hekkunu dabmaama oiya, amu haknu danab laa oh eɗattom. Yawe Nug nuhig neekkakppa kobol amunu am nauib dootte. Aria, nug wau Jesebel amu, nug anam hekkunu duttunak ele heum.

2 King 17:17

Ag bekkalkad, aɗelkad ele aqadna, kayak hambuppuak dilag mana mettak henana, eman hak danab ele eman henana, emaɗ kobol ele heppig. Israel ag kobol eheɗib ahilag ɠagattag ohppa hekkulagnu dabmenan oinna, ag Yawenu neekkakppa eheɗ nau heppig. Amu Yawe Nug ahilag kobol nau amu antta, ahilagnu oo huana nauhom.

Job 42:6

Anam amunu, da gemu da dakka, da dahilnu, da ena iinab doottem. Da anam doyeye, da wan gappudppa, uhuɗppa ele dayeye, da ool eɗue aute autenab aottem,” awa aum.

Sam 119:25

Da gappudppa dayeye, oolppa elele iittanab iitta doottem. Na ame bia amu, na ehaniɗna heppe, da eɗue, ena daakkulnu oɗ medattem.

Sam 51:6

Na danab ah ag oolag unuqagppa doyak diig genabib daakkunu oot daatte amunu, na da ool unuqagppa, da danab doyak dabmak ena ele, da danab anam daakkulnu ippuniɗkkutnu unuqidttem.

Prowerb 30:2

“Da doɗ bia daattem. Laa ag ele doɗ bia daatteb, amge da anam daye aute autenab aottem. Laa ag danab daan, diignu doyak tutukku aɗan oitteb, amge da amubia ii aɗattem.

Prowerb 30:5

Keeke oh Kayak Nug atte am genabib; Nug laa, ag Nug ahilag padal mak eɗitteb ena dayaknu ehanittak daakkunu nuhigppa dotteb amu, Nug ahilag guppiɗ daatte.

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Aisaia 52:3

Aɗinu ag anam hekkulag? Yawe Nug amunu inam atte. “Kekeɗ ag uɗin, ag Juda danab ah hamu diin goppig. Ag men doɗo ii meɗappig. Gemu amu da ele men doɗo kekeɗ amu ii matten, da ag Juda ag kekeɗ eppelagppa dayaknu qagaiettakppanu eɗua uhuqak dayaknu hekkul,” awa atte.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Lewitikas 13:12

Amu mana mettak danab nug laa pehetta itala, beɗu oh nug anidtte ele, igippan bata noa, baegppa noak gaɗappa oɗe beɗu oh tonatte anidkku dayeb,

Lewitikas 13:16

Amge, ihi ledotto nak ele amu eɗua, hakkab eppeb, danab amu nug eɗua, mana mettak danab gumitta gokkuoitte.

Lewitikas 19:18

Na aib laa nahipnu eheɗ heum amu, nug nob nau medakkutnu heme. O iitta, na nob nau laa mettaknu dabmak ootppa aɗa oiyak aib heme, amge na nakka nahipnu oot mauhtte, amubia na laipad dilagnu ele oot mauhaɗ! Da am Yawe.

Amos 2:6

Yawe Nug inam atte. “Israel danab ag hipunin kuɗum heppig amunu, da ool nauhtte. Da ool nauhtte amunu, da bu madakkul. Da oppoɗi bak dahil heppi, iitta ii mema. Hipunin laa ag hetteb am, ag genab tutukku hak danab aɗualadna, genab tutukku hak danab ag laa dilag maɗi nid daaglagnu maatteg, laa ag silwa men doɗoppa daden metteb. Ao, Israel ag daɗek danab aɗualadna, daɗek danab ag laa dilag maɗi nid daaglagnu maatteg, laa ag baeg gaɗappa, men doɗo iittappa, baeg gaɗappaib daden metteb.

Matyu 16:23

Pita anam awa a amu, Jesus Nug eɗua Pita amegppa aum. “Satan, na dimulppa gona, da ippulppa aib daame! Na Kayaknu dabmak ii dim lamidttem; na danab dilag dabmak dim lamidttem,” awa aum.

Matyu 18:25

amge nug lonnu nob eɗukkunu elele iitta. Amunu king nug nuhikkud daup ag danab amu, ah nuhig, nug bekkod aɗekkud, amu nuhig keeke oh ele ee oɗiak abenppa maadppeg, danab laala ag daden meppeg, king nug amuppa lonnu nob eɗua aokkun aum.

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Matyu 5:28

amge da ag amelagppa inam attem. Danab laa nug amegppaib ah laa antta, nug ele oiglahnu dabmette amu, danab amu nug ewau pakkua gappai hak kobol aakku heum.

Luk 5:8

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Luk 7:6

Anam aeg amu Jesus ahe, oh gona guguittegeg, ban daup 100 dilag ikki nug laikkud laa Jesus appeg dookkunu amelagppa a, ag gona, nug aum oɗe Jesus amegppa appig. “Naɗi, na uɗat okkai aib heme. Da am danab enate na uɗin, da laul ooppa nekkut?

Rom 3:9

Aria, attemnab? Ig Juda ig iitta aɗi danab eɗadta, enaib daattemte? Iittanab! Ig matu amut, Juda, iitta aɗi ele amu hipunin nug ig oh tonikkom daattem.

Rom 6:6

Amu ig doottem, ig oonig alag, ihinig oiyak alag amuppa beum ele, nuhig ɠagattag ig duttunigmanu, ig ele hipuninnu begbeg maɗi nid ii daamtanu, Kristus ad emaitakppa mauhom, haen amuppa ihinig oiyak alag am ele appa Nug ele mauhom.

Rom 7:18

Amu da doottem, da oolppa am keeke ena laa iinab daatte. Amuam da ool alagnu attem. Amu genab, da kobol ena hekkulnu ool hette, amge da hekkulnu elele iitta.

Galesia 4:3

Anambianab, digmakppanu uɗie, Kristus nug uɗia, uɗat naɗi nuhig ha malomppa batak, ig wan imuppan danab ah oh ig nid naunau daat, ig wan imuppan ɗo waappa begbeg maɗi nid daat oidmut.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

Hibru 4:12

Kayak nai am bauklel, uɗat haaha daatte. Nug am qep laa aeg laih laih ele, uɗat nuhig enanag hette amu, Kayak nai nug uɗat nuhigppa qep amubia eɗidtte. Nug keeke qataiettaknab daattep am okkula aokkunu elele. Danab nug dabmakppa aɗi dabmette, nug ooppa aɗi dootte amu, Kayak nai keeke amu oh epeɗiadtte.