Rom 7:1 - Nobonob Baibel

¹ O lailad, ag ɗo nai dootteb amunu, ag ɗo nug danab bau daatte, haen amuppa aakkuib nug danab amu tonatte ele dootteb.

Rom 7:1 ပူးပေါင်းရင်းမြစ်များ

Esra 7:25

Amu Esra, nahipnu amu, Kayak nahip Nug doyak dabmak ena okkai ele mettom amunu, na doyak dabmak ena ele amu dabmena, na epeɗiak danab okkai, epeɗiak danab okkai iitta ele otiadna, ag nai doya mala hettoɗia epeɗia elele mettak kobol dim lamidnana, danab ah le Yupretis heqo laih appa daatteb, ag nahip Kayaknu ɗo nai aɗi aɗi ippunigtte dootteb amu, ag danab ah amu oh epeɗiatteg! Amu laa nug ɗo amu ii dootte ele amu, na nug ippunitte!

Prowerb 6:23

Aɗinu? Haknunab anak ihinihppan imu, ag am lam laa bia. Ao, ihinih ippunittak imuam amahlak laa. Amu anak ihinih na tolitta, daut batebeb, na aokkut amu, amuam na bauklel daakkutnu ippu aakku.

Rom 1:13

O lailad, da ag imu doon autna aoglagnu ool daatte. Haen kuɗum da uɗat dahilppa, da iitta aɗi danab laala ehanatti, ag ele Kayak baekkudppa daatteb, amubia da ag Rom daatteb, ag ele ehanadkkulnu ool dayom amunu, da ahilagppa gokkulnu dabmemi, amge haen oh keeke laa nug da ippul oo neum.

Rom 10:1

O lailad, Kayak Nug danab dahilad, Israel, ag eɗua diikkunu ool unuqag ele doyeye, da amunu Kayak unuqidttem.

Rom 10:4

Juda ag anam hetteb, amge Kristusnu uɗat okkaippa, ig oonigppa genab doottem ele amu, ig ib amuppa genab tutukku hak danab bemut daattem. Ig ɗoppa genab tutukku danab ah ii bettem. Uɗat amu Kristusnu uɗat okkaippa aakku iitta meum amunu, danab oh ag Kristusnu oolagppa genab dootteb aakkuib Kayak Nug ahilagnu amu, “Genab tutukku hak danab,” awa atte.

Rom 6:14

Hipunin am ahilag okkai baula aib dayom. Aɗinu? Gemu ag ɗo waappa ii daatteb. Ag am Kayaknu ehanittak okkai hamu megatte, amu waappa daatteb.

Rom 6:3

Ig Kristus Jesus ele tamanit, layattak aomut amu, kobol amuppa ig ele Jesus, nuhig mauhakppa laippu mauhmut bia daamut, ag amu iite dootteb?

Rom 7:6

Amge gemu ig danab laa nug mauha, ɗo waappa baula ii daatte, amubia ig ɗo, nug ig tonikke daamut ele amu, nug waappa ii daattem. Gemu ig ɗo nai yaak daatte ele, amu waappa daata, amuib dim lamidkkunignu uɗat ii hettem. Iitta. Ig am kobol bau, Kayak Ouɗi ihinigppa maɗette ahom ele amu, ig amu hettem.

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

1 Korint 9:8

Am da danab dilag dabmak amuibte dim lamitten, da nai imu attem? Ɗoppa amu nai amunu laa iite daatte?

Galesia 4:21

Ag Galesia danab, ag eɗun ɗo waappa daaglagnu hetteb ele amu, ag gemu appeg doyei! Ag ɗo nai atte amu ag iitai dootteb?