Rom 6:2 - Nobonob Baibel

² Iittanab iitta! Aɗinu? Ig am danab mauhom, hipunin laa ii hette, amubia ig hipunin haknu matu uumut amunu, ig attem heta, gemu ig kobol uumut ele eɗut baula hetat oignig?

Rom 6:2 ပူးပေါင်းရင်းမြစ်များ

Genesis 39:9

Nug laugppa amu, danab laa da ii eɗiltte. Dahil okkai nug nuhig keeke oh da eppelppa meum. Keeke laippuib nug da eppelppa ii meum amu, am naib. Aɗinu? Na am nug wau amunu, attemun da hipunin imu Kayak nuhigppa hekkul?” awa aum. Josep nug anam aum, amge ah nug hanhan Josep amegppa niiglahnu attom.

Sam 119:104

Nahip oo yaak nai ɗo bia, nai amu diignu doyak tutukku da meɗatte, diig amunu da ib eheɗ ohnu, am nau ninig ele doottem.

Luk 20:16

Nug inam hekku. Nug aha ukka, dad uɗat danab amu oh aqeb mauhppeg, nug grep dad amu eɗua awa, danab laala eppelagppa mekku,” awa aum. Am Jesus Nug nai amu mattie, danab ah ag doyona, ag appig. “Keeke anam amu aib beum!” aon appig.

Rom 5:11

Amuib iitta, ihinig Naɗi Jesus Kristus Nug he, ig Kayak ele oonig laippu ele daattem amunu, uɗat nuhig amuppa gemu ig Kayaknu maɗoɗppan gamag ahak doottem.

Rom 6:15

Amunu ig attem hekkunig? Ig ɗo waappa ii daattem, ig Kayaknu ehanittak okkai hamu megatte waappa daattem amunu, ig hipunin hekkunig am iittate? Iittanab iitta!

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.

Rom 7:6

Amge gemu ig danab laa nug mauha, ɗo waappa baula ii daatte, amubia ig ɗo, nug ig tonikke daamut ele amu, nug waappa ii daattem. Gemu ig ɗo nai yaak daatte ele, amu waappa daata, amuib dim lamidkkunignu uɗat ii hettem. Iitta. Ig am kobol bau, Kayak Ouɗi ihinigppa maɗette ahom ele amu, ig amu hettem.

Galesia 2:19

Ɗo nug da iwe mauhmi, nug gemu da ii hippaliɗtte; diig amunu amu, da Kayak waappaib daakkulnu daattem.

Galesia 6:14

Amge da keeke laa binag ii mepa. Iitta. Da Naɗi Jesus Kristus, Nug ad emaitakppa mauhom, da nuhig uɗat amu oh aakkuib da binag mekkul. Kristusnu ad emaitaknu ɠagattagppa amu, wan imuppan kobol da ii toniɗtteb. Da ele, da kobol amu dim lamidttem.

Kolosi 2:20

Ag am Kristus ele oh laippu mauhppig amunu, ag wan imuppan ɗo, ɠagattag iitta ele, ag ɗo amu uuppig dayeb, aɗinu gemu ag eɗun wan danab oitteb bia oitteb? Am aɗinu ag eɗun ɗo meu iitta amu waappa daatteb? Ɗo amuam inam.

Kolosi 3:3

Aɗinu? Ag oolagppa genab dooppig, haen amuppa ag wan imuppan oiyak nau am uuna, gemu ag Kristusnu uɗatppa bauklel aoeg, Kristus Nug bauklel amu atognoowo, Kristus, ag ele, ag oh Kayak ouqak daatteb.

1 Pita 1:14

Ag Kayak bekkod Nug oɗe dim lamidna oitteb bia, ag anamib oiyeg! Ag anukka kobol genab ii dooppig daanna, ag beɗu ahak ahilkad dim lamidppig amu, gemu ag anambia aib heppig.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

1 Jon 3:9

Amu danab laa nug Kayak Bekka daatte amu, Kayaknu bauklel nuhigppa daatte amunu, nug hipunin kobol dim ii lamidtte. Nug hipuninppa oikkunu elele iitta. Aɗinu? Nug am Kayak Bekka.