Rom 6:14 - Nobonob Baibel

¹⁴ Hipunin am ahilag okkai baula aib dayom. Aɗinu? Gemu ag ɗo waappa ii daatteb. Ag am Kayaknu ehanittak okkai hamu megatte, amu waappa daatteb.

Rom 6:14 ပူးပေါင်းရင်းမြစ်များ

Lewitikas 25:41

Haen amuppa nug bekkod ele ag nahipad maɗi nid maɗi ah ele ii daan, ag eɗun, ahilkad aab ikki, amu mamelkad aɗi aulag wanppa gokkulag.

Maika 7:19

Na am Kayak anam amunu, na baula ihinignu oot bodoetta, le mekku. Na ihinig hipunin tabappe nekkulag. Ao, na eheɗ hak ihinkad buɗiadppe, yu gamag unuqagnab ele, appa nokkulag.

Matyu 1:21

Nug geha nid danab aokku, amu na Nug onig Jesus ataɗkkut. Aɗinu? Nug nuhikkud danab ah, ag ahilag hipuninnu padal ii memananu ehanadkku,” awa aum.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Jon 8:36

Anam amunu Danab Bekkalag da, da ag uhuqak madakkul dayeb, ag genab uhuqak enappa daaglag.

Rom 11:6

Amu Kayak Nug danab amu ehanittak okkai hamu madatta tituanattom dayeb amu, Nug ag uɗat heppig amuppa ii diiattom. Ag uɗat heppig amunu Kayak Nug diiattom daalo amu, Kayak Nug ehanittak okkai hamu mettakppa danab diittenu kobol amu keeke hamu daalo, ehanittak okkai hamu mettak kobol amuam meu iitta daalo.

Rom 4:16

Amu Kayak Nug nai qakka ana, ig eɗua awigkkunu aum, amge ig amu hamu mauhnoak aognignu ii aum. Iitta. Ig nuhignu oonigppa genab doota, ig aognignu aum. Ig ɗo dim lamidta aognignu ii aum. Ig ooppa genab doyaknu ib, ig ib amuppa aognignu diig am, ig Kayak Nug ehanittak okkai hamu megatte, kobol nuhig amuppaib ig aognignu babaittom. Aria, ib amuppa awaknu daatte dayeb amu, ig Abraham buɗub oh, laa ig Juda danab, laa ag Juda danab iitta, ig oh ig Abraham ooppa genab doyom, amubia ig oonigppa genab doot, nug buɗub daattem ele amu, ig oh ib amuppa Kayaknu keeke ena genabnab aognignu doognig. Aɗinu? Ib amuam danab oh tonadkkunu elele daatte. Anam daatte amunu, Abraham nug am ig oh ig mamenig daatte,

Rom 5:17

Amunu, danab laippunu hipuninppa mauhak aakku danab tonatta, king bia dayomnu nai, nai amuam genab daatte dayeb, am genabnab genab aun aɗi ag Kayaknu ehanittak okkai hamu mettak okkainab, nuhig ɗo hamu mettak, amuam genab tutukku hak danab dayak amu, ag amu ele aona, ag bauklel, king bia daaglag; amu oh am Jesus Kristus, nuhig uɗat okkaippa bette.

Rom 5:18

Amunu danab laippu nug ɗo laippu tippalom, amuppa danab oh ag hipuninnu nob nau aoglagnu daatteb, amubia danab laippu laa Nug kobol genab tutukku ele laippu he, amuppa Nug danab oh ag genab tutukku hak danab, bauklel ele daaglagnu ib ooɗom.

Rom 6:12

Ag anam oiglagnu daatte amunu, ag heppeg, hipunin nug ag beɗulkad mauhtteb ele dilag okkai aib dayom. Hipunin nug ag beɗulkad dilag okkai daakku dayeb, ag beɗulkadnu eeɗak nau dim lamidna, eheɗ hekkulag, amge ag anam aib heppig.

Rom 6:15

Amunu ig attem hekkunig? Ig ɗo waappa ii daattem, ig Kayaknu ehanittak okkai hamu megatte waappa daattem amunu, ig hipunin hekkunig am iittate? Iittanab iitta!

Rom 8:12

Amunu O lailad, ig Jesus dim lamidkkunignunab dootu! Ig oonig alag aɗi hekkunignu atte, ig nug oɗe doot dim lamidkkunignu aib dabmemut.

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

Galesia 3:23

Jesus Kristus Nug ii nak haenppa, ɗo nug ig hippalikke, ig nuhig uɗat heutut ukke, Jesus Kristus Nug uɗia he, ig Kayak noobppa genab tutukku hak danab daagnignu ib laa, amuam ooppa genab doyaknu ib, ib amu aakku miag atiom.

Galesia 4:21

Ag Galesia danab, ag eɗun ɗo waappa daaglagnu hetteb ele amu, ag gemu appeg doyei! Ag ɗo nai atte amu ag iitai dootteb?

Galesia 5:18

Anam daatte, amge ag Kayak Ouɗinu ehanittak aon oitteb dayeb, ag ɗo dim lamittak uɗat amu ii hemana.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 8:10

Amu Naɗi Nug tuɗitta inam ele aum. “Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Geha da Kayak ahilag daakkul; ag am dahil danab daaglag.